縱橫屯元天的好伙伴 (長文, 多圖注意)
本帖最後由 VocaloidMikuBus 於 2018-5-22 15:28 編輯https://i.imgur.com/Whv6fb2.png
(麻帆良市時報記者キズナアイ報導)
はい、ども! キズナアイです~♥
喺屯元天 (屯門、元朗、天水圍) 居住嘅朋友,
相信搭輕鐵進出返工返學已經係日常生活嘅一部份啦,
咁你地又知唔知輕鐵列車最初通車果陣嘅樣貌係點嘅呢?
為左配合輕便鐵路 1988 年投入服務, 當時負責呢個鐵路系統嘅九廣鐵路,
喺 1985 年批出屯門輕鐵合約比禮頓建築 MTA 財團,
喺 3 年內建造全長 23km 嘅輕鐵第 1 期系統,
並且向財團嘅次承辨商澳洲 Comeng 購買 70 架輕鐵列車,
比第 1 期輕鐵系統使用, 最後輕鐵第 1 期喺 1988 年 9 月 18 日正式通車,
呢批 Comeng 列車或者通稱 "一期列車" 被編號為 1001 - 1070,
並且使用橙色塗裝, 因而得名 "橙頭",
其中兩架編號 1004 同 1070 嘅輕鐵車輛, 分別被冠名為 "輕鐵先鋒" 同 "史禮賢" (F.D. SNELL),
因為 1004 係最早抵達香港並且送上岸嘅輕鐵車輛 ( 1987 年末抵港).
而 1070 就係紀念當時負責整個屯門輕鐵工程嘅禮頓總監史禮賢先生對建造輕鐵系統嘅貢獻。
不過上述兩列列車喺 2011年 1 月同 6 月開始進行翻新工程,
完工之後再冇印上 "輕鐵先鋒" 同 "史禮賢" 嘅字樣。
而當中兩架 1013 - 1027 不幸先後喺 1994 年同 2011 年,
因為嚴重交通意外而退役, 1013 更成為首架嘅退役嘅輕鐵車輛,
亦係同批輕鐵車輛中最短命嘅, 服役不足 6 年時間。
隨住九廣鐵路同地下鐵路喺 2007 年正式合併並且更名為香港鐵路 (港鐵),
輕鐵亦順理成章地由港鐵擁有該部門嘅車輛、路線等嘅管理同營運權,
而呢 68 架 Comeng 輕鐵列車亦喺 2010 年至 2013 年間,
進行現代化翻新工程, 翻新後列車外型同四期列車趨於一致,
無復投入服務初期時嘅樣子。
今日, 麻帆良市正式歡迎輕便鐵路 Comeng 輕鐵列車登場!!
市長 Super Bus 話, 佢入巴士同消防車就入得多,
鐵路列車就反而冇乜點入, 因為始終佢對鐵路車輛認識實在太少,
話雖如此, 但係佢對鐵路車輛始終都有少少興趣,
佢話多年前某廠商推出橙色車身嘅 1 期輕鐵列車模型,
本來好有興趣入番架, 奈何當時缺乏資金結果眼白白睇住模型售罄,
想入番卻亳無機會, 心感不甘,
始終佢以前入屯門元朗都坐過呢啲 1 期列車好幾次, 點都有感情,
亦希望有其他廠商有機會再推出呢款 Comeng 列車模型,
等佢同其他同 Super Bus 一樣錯過左嘅朋友可以還一個心願。
想唔到 18 年後嘅今日, Super Bus 多年來嘅渴望終於成真!
呢架配上橙色車身塗裝嘅 Comeng 輕鐵列車,
市長 Super Bus 話就好似將佢帶回 90 年代香港嘅一段美好時光,
佢話最記得以前坐呢啲輕鐵列車,
臨閂門之前都會有一把男聲錄音廣播講: "小心車門!"
真係到依家都仲記得! 早前 Super Bus 亦入左四期輕鐵列車,
咁佢又會鍾意邊架呢?
"咁四期列車個 Look 都 OK 嘅, 係我對佢喺大陸造有啲成見咁囉,
不過都冇計, 試問依家有乜野唔係 Made in China!?"
咁初出道果陣嘅 "橙頭" 同翻新之後嘅 Comeng 輕鐵列車,
Super Bus 又會揀邊款? 佢諗都唔洗諗, 即答:
"梗係橙頭啦, 回憶嘛!"
可見 Super Bus 對初出道仕樣嘅 "橙頭" Comeng 輕鐵列車的確係情有獨鍾喔~♥
適逢今年輕鐵通車啟用 30 週年,
呢架 "橙頭" 輕鐵列車正好為大家重現當年通車時嘅風采!
隆重歡迎! 輕便鐵路 Comeng 輕鐵列車, どうぞ!!
(Super Bus 按: 雖然依家九鐵同地鐵已經合併為港鐵良久,
但係以港鐵嘅名義推出呢款 "橙頭" 列車, 個人總係覺得有一種說不出嘅違和感...)
https://i.imgur.com/PQCRczb.jpg
今次 "橙頭" 列車竟然用大盒! 同2014 年入手嘅四期輕鐵列車外盒比較
https://i.imgur.com/aQA9odS.jpg
https://i.imgur.com/wMoQ2pJ.jpg
https://i.imgur.com/5iW2bCJ.jpg
證書編號 0501, 限量 2000 架
https://i.imgur.com/WNwQYEu.jpg
正式落地!!
https://i.imgur.com/GAi0AgW.jpg
https://i.imgur.com/KDad1kN.jpg
https://i.imgur.com/XW7KbwZ.jpg
https://i.imgur.com/vocJ10W.jpg
https://i.imgur.com/kDL6bV8.jpg
https://i.imgur.com/sU2qtIk.jpg
https://i.imgur.com/5BdVuS9.jpg
https://i.imgur.com/epSAaEW.jpg
https://i.imgur.com/MUgeQdM.jpg
https://i.imgur.com/hiZc7eQ.jpg
同四期輕鐵列車相會
https://i.imgur.com/8tVo9b1.jpg
兩款輕鐵列車, 你會鍾意邊款?
https://i.imgur.com/o4RZ3LV.jpg
喺屯元天出出入入, 唔一定係要搭巴士嘅~
https://i.imgur.com/Tyb9boy.jpg
And -- 當年嘅輕鐵交通安全宣傳短片
https://www.youtube.com/watch?v=MWbp2mm0Qo8
Thanks for reading~
請問品控如何？並且那個倒後鏡可唔可以活動？ 臥龍-廣鐵肇段 發表於 2018-5-22 23:25
請問品控如何？並且那個倒後鏡可唔可以活動？
我自己就覺 QC OK, 起碼叫自己接受到先,
不過倒後鏡唔郁得呢樣我覺得少少失分,
Overall 要我自己比分嘅話呢架橙頭輕鐵造工 10 分我可以比 9.5 分
頁:
[1]