唔想揸車? 可以搭巴士去嘅連島沙洲 - Lindisfarne
本帖最後由 JH_LE4612 於 2022-4-20 08:50 編輯今個復活節，周圍都係報復性旅遊，所以又坐翻喺屋企睇相算。今次同大家分享嘅係上年暑假去連島沙洲嘅遊記。咪住先，B5版唔係應該講外地巴士嘅咩？講地方好似係 A10先啱喎。冇錯，今次係想分享下搭巴士上英國連島沙洲嘅故事。
連島沙洲係咩就唔駛我講啦，而潮退時中間露出嘅陸地通常都好窄，時間又唔長，所以要行過對面都有難度，遑論要揸車入去，仲點搭巴士呢？英格蘭北部正正就係有個有正常巴士服務嘅連島沙洲。沙洲嘅名叫 Lindisfarne，但係更多人因為島嘅歷史同埋建築而叫佢做 Holy Island。
喺上島之前，有兩樣野要留意。第一係買飛，我買嘅係呢張 Explorer North East，十鎊九其實好平...而另一樣，每日潮漲潮退嘅時間唔同，巴士嘅時間就自然日日變，所以自己對好時間表先 H1 477/WT2，遲左入島還好，遲左出島就游水或者宿一宵啦。
朝早七點幾喺 Newcastle Haymarket 總站上車。留意翻 Newcastle 隔住條馬路有兩個大巴士總站，仲近過荃西同埋如心嘅距離。唔好去左連住商場嗰個 Eldon Square！今次要去嘅地方叫 Alnwick (w唔發音)，同火車站 Alnmouth (Newcastle 都有車上去嘅) 有少少距離嘅，還掂買得巴士飛當然用盡佢。Newcastle - Alnwick可以揀X15或者X18，兩者都係 Arriva North East 嘅路線，都係用E400為主，前者跑多啲 A路，全程上到 Berwick-upon-Tweed (即係英蘇邊界附近)要兩粒半鐘，後者就專兜海邊嘅村仔，全程四粒鐘，任君選擇。時間關係，我地上 X15經 Morpeth直奔 Alnwick。
Alnwick 有間冇開 (定執左?)嘅 Arriva Travel Shop，出面有路線地圖。
右手邊係我搭上去嘅 X15，左邊係我要轉嘅車，Travelsure 嘅 418嘅E200。留意翻呢架有哂H1貼紙嘅418唔會入島嘅，只會去到一個叫Belford嘅村仔，呢條村仔仍然喺內陸嘅，需要喺嗰度轉另一條 H1先可以入島。而Belford X15 X18 之後都會經嘅，仲會快少少，418純粹係揀嚟牛河用。
用短陣 E200。呢間細公司只有 E200同埋 Optare Solo。
5號站位上車。車上有 418同埋 H1嘅時間表。雖然理論上係 guaranteed connection不過自己都最好對下時間表，上車再問下司機。
巴士都會經過 Alnmouth 站。
喺英國以至歐洲，有啲地方嘅路牌成日比人改裝，例如呢塊Shilbottle嘅路牌就比人上左淡妝。
有睇過某位光頭 Youtuber 上Edinburgh 嘅遊記嘅話，應該會記得Alnmouth同Berwick之間嘅 Northumberland Coastal Route，巴士就係大約沿住佢嚟行。
Craster嘅調頭位，亦係全線唯一一個後入嘅站。就算係用E400 嘅X18都係要入呢度調頭。
唔少漁村都有嘅避風港。
對頭車係公司另一架11牌E200。
Bamburgh Castle。
去到 Belford司機會指你上前車，即係H1。今次用Solo上島，有走馬燈側牌。
沿途經過 Beal (離開A1嗰個位，最後一個可以轉X15 X18嘅位，認住油站就係)，再過埋 East Coast Main Line嘅 Level Crossing，就慢慢排隊過海。隔住玻璃影一定高清架啦諸位原諒下。
潮退時，可以由路中間嘅一間白色瞭望台嗰度沿杆行入島，但係一定要預先睇定條路，睇時間同埋著水鞋。
步行徑嘅終點。揸車嘅話通常泊喺前少少嘅 Chare End Car Park，巴士同旅遊巴就可以入村泊 coach park。
落車冇耐，另一架477都順住車流入嚟啦。入島總共有三條線，Travelsure嘅 H1南面 Belford出發，Borders Buses 嘅 477就由北面 Berwick出發，仲有條 Woody's Taxi WT2喺內陸嘅Haggerston開車，不過呢條線網上資料唔算太多，有待版友補充。留意翻雖然477出名少少，但 Explorer North East 唔包 Borders Bus架，所以南面出發個人都係 prefer H1。
Borders Buses Mercedes-Benz OC500LE 配MCV Evolution車身，幾特別，查翻原來全英國得十架度。
抱歉因為停車場太多人 (後面有一堆臨時廁所同埋一堆人，又大風)所以影唔到幾多相。
Safe Crossing Time。
理論上兩架車都會載客出翻去，不過呢個時候唔會太多人出島啦。比翻個時間大家參考下，0723 Newcastle，0900 Alnwick上418，1050入到島。
遠眺Lindisfarne Castle。
沿路都有呢啲 Bus Stop牌，我理解應該係 WT2嘅車 (的士?)喺日中嗰陣唔會翻內陸，不過就會做 Lindisfarne Town同 Castle之間嘅 shuttle (行大約要20分鐘)。不過當日完全冇見過呢架車，可能係 on demand?
約莫三點幾開始回程，同樣係 coach park上車。終於可以慢慢影啦！
下晝班次 Borders Buses派左 Solo SR嚟行。
拗斷條頸就可以見到站牌，下面有時間表。
擺水撥位冇人睇到架師傅...
巴士好快就翻到Belford，落完客就走左。唔好冧住架Solo 會同你地板油，就算唔塞車都跑唔郁啦。至於418，喺附近抖到咁上下就會開車翻Alnwick，今次都係用翻E200。
Travelsure嘅迷你廠就喺 Belford附近。
最後，附上一個有翻咁上下歷史嘅路牌，總結翻一日去過嘅地方。
最後都係要為相片嘅質素講聲對唔住，有時候旅途期間真係唔能夠隨便走位，希望文字嘅解說可以補償翻少少。感謝各位爬文嘅心機！
非常有趣，不過點解唔整條認認真真嘅橋呢？ Fuk19805 發表於 2022-4-20 21:12
非常有趣，不過點解唔整條認認真真嘅橋呢？
起左橋嘅話，應該頭一兩年會塞爆個島，因為易去左，之後仲未陸沉嘅話就會少左好多人去，因為已經冇野特別。另外我冧緊嘅係生態，咁長嘅橋應該會影響到當地生態同埋水流，始終多車又唔可以簡單起條浮橋解決。
頁:
[1]