陳美寶：現階段無意建「第二高鐵站」

高鐵西九龍站客量持續上升，今年四月更創下單日近15萬人次的新高。有立法會議員關注香港會否興建「第二高鐵站」以分流旅客。

運輸及物流局局長陳美寶今日回覆時表示，政府現階段沒有計劃另建高鐵站。她指出，西九站現設有15個月台，目前僅10個投入運作，已能「充分應付營運要求」，加上政府與深圳當局現正全力推展港深西部鐵路及北環線支線兩個跨境鐵路項目，現階段無意另建新站。

其實所謂既飽和，重點係管理既人有無好好充份利用現有既資源

個建議係由林筱魯提出嚟既，詳情：
https://www.info.gov.hk/gia/general/202606/10/P2026061000250.htm

講真，只係節假日飽和，又唔係平日班班爆起第二條做乜

港深西部鐵路唔可以以高鐵規格起咩？車站可以分開C車入口（當日一次）同G車入口（當日當次），以方便短途乘客「隨上隨走」

1）西九龍站根本末用盡，興建第二個「一地兩檢」嘅高鐵車站根本無作用

2）當年鄭汝樺根本就「漏章」，無諗到新界出九龍嘅乘客增長，無喺高鐵沿途留位加站作本地快速客運用途，呢個亦都俾人「反高鐵」有位入嘅原因

3）香港嘅人口發展係向西面走，「深港澳珠」嘅「空側機場鐵路」其實會更加重要

4）隨著國家鐵路及「泛亞鐵路」發展，長遠亦要考慮由香港出發，而途經中國內地嘅國際直通車（例如往來越南河內）

TYChow 發表於 2026-6-10 22:54
1）西九龍站根本末用盡，興建第二個「一地兩檢」嘅高鐵車站根本無作用

2）當年鄭汝樺根本就「漏章」，無諗 ...

如果講要發展鐵路帶動旅遊, 反而應該想方法, 可以將大陸既普鐵旅遊專列駛入香港, 就好似當年東方快車一樣.


呢批車既旅客, 每人車費都起碼幾萬蚊, 旅客一定唔會好似高鐵果面玩即日來回

ryumew 發表於 2026-6-10 16:06
講真，只係節假日飽和，又唔係平日班班爆起第二條做乜

節假日延遲尾車已經幫到好多，類似下星期端午節都加咗堆半夜深圳去湖南嘅G車，假日如果西九龍站可以24:00先尾車到香港，已經車到好多人，唔駛其他關口咁爆，又方便啲人用盡假期。