閒談:大家o係屋企既私隱/自由度

上年(小弟17歲)開始有自己一間房，可以鎖門，並可以完全隱蔽，自由度很高。佢入到我間房除左一系列電路板同電腦書之外，都唔會搵到咩。#

而出街，我屋企人叫我出都未必出，所以我一出街，唔須要理由，夜返既只要講返唔返屋企食就得，去到凌晨都ok，但要講去左邊，以免有事唔知點搵我

附圖，我間房書桌

中學開始有自己一間房, 不過我通常都唔係房,
平時出街單聲同唔好太夜回家基本上都冇人話你,
出來工作之後, 基本上我家人都唔會點管你, 當然夜返要打個電話啦

宜家拍左拖帶女朋友回家、或者去大陸、返澳門家人都唔會反對,
畢竟廿幾歲人, 除非做d野太過份或者犯法, 否則都唔會點管你架啦

[ Last edited by guia on 2005-11-3 at 19:47 ]

我自細都有獨立房間, 基本上屋企人都唔會理會我在
房裏面做乜, 只係有時開夜會關心下講多兩句。不過,
如果我通宵煲電話粥, 或且通宵打機o既話, 爸爸媽媽
就唔會唔理喇。由於我都冇呢兩種習慣, 所以我覺得
在屋企o既私穩及自由度都足夠。

至於個人o既自由度, 都足夠o既, 只要唔好深宵出街就
可以, 而夜晚出街就要交代一聲, 最緊要番屋企之前
打番屋企。

中五前住七層公屋，基本上毫無私隱可言。

中五起有自己房間，但基本上也沒有太多的私隱，家母每當看到房間
裡的層架有點雜亂，便會未經同意替我執拾整齊，這是我最反感的，
因為撇除私隱問題，單是要找回想找的東西已經夠麻煩了。放在廳中
的書櫃裡的便好一點，因為書本和其他物品把書櫃擠得滿滿，她覺得
一開櫃門便會「山泥傾瀉」（其實絕對不會），所以基本上她不會亂
碰。

自由度方面：
小學時，基本上不容許單獨或是與朋友上街。

中學起到現在，可以與朋友上街，但最少要一日通知，亦要先告知會
否回家晚膳，即日通知絕對不會批准和被罵。無論日間還是晚上回家
，都要在回家前先致電回家，十一時後才回到家便會有說話聽，更不
要說深夜時份才回家。

以上限制切勿作出任何投訴、怨言，否則後果自負。

[ Last edited by dcyw on 2005-11-3 at 20:50 ]

半年之前，
我一路都冇房，
我做乜野都睇到晒。

而家同細佬一間房，
基本上本時都唔會關門、鎖門，
不過關門果時都唔會阻止我。

至於我出街呢，
講一聲就可以，
定時打電話回家，
都唔會被阻止出街。

小弟的自由度一半一半，雖有自己房間，但猶如走廊，家人可自由進出，
亦不准我鎖門，否則即插。
當我的書桌稍亂時，家人不經詢問便「肆意收拾」，令我經常找不到東西。
但令我反感的是，家人會翻看我的抽屜或我的銀包，幸好小弟沒有什麼秘密可言。

至於出街，則向家人通知一聲便可出外，遠至澳門、深圳等地也放心，但十一
點前必須回家。

小弟由細都大都無係冇房,所以係毫無私隱可言,
至於出街,小弟的屋企人從不理會小弟(小弟對屋企人
都係同一態度),所以基本上小弟喜歡出街就出街,不
回家都不會有奪命追魂call

講開出街0既自由度，我0既屋企人都係唔會點樣理我，只要出街
之前講0左去邊，同埋係食晚飯之前（多數都係 20:00-21:00 左右
）就可以。

我自問由細到而家都唔係一個成日出街既人
又因為自己三歲就做巴士迷，出街都唔驚蕩失路
所以出街從來都冇話咩問題，甚至試過朝早四點幾起身
同個FD坐E22A入東涌影相，同埋o係晚間落大雨既情況下
去坐左次51（之後第二日荃錦就塌山泥:）
況且我讀小學果陣最多都係去牛返轉296
中學出街的話，唔係去影相就係同小學同學聚一聚
又唔會話過十二點返，所以就算唔o係屋企成十個鐘
都唔會收到屋企既一個電話
絕大部分情況下都係自己打返屋企報到#8)

我一出世就有房用
我d屋企人成日都話我就襯搬左新屋先出世
（其實關咩事丫，不如問下阿爸阿媽做左d咩#）
間房亦都冇咩野可以令到我鎖房門
所以自己間房度門lock左就係自己既一個小天地
而自己部電腦就o係廳，自己上咩網，屋企人都會睇得一清二楚
反正自己係正人君子一個#:-*
不過就連自己上d明星網都驚畀人問長問短咁囉#;)