免費乘車日，抵達總站後需否清客？
是咁的，話說小弟今日襯住免費乘車日，搭580入去十四鄉行下。去程搭580入到去西沙灣嘅時候，當然就有熄車清客。
但係當小弟回程嘅時候，嗰班580嘅卡佬埋西沙灣個站之後竟然即刻開晒前後門。
小弟排頭位，又見到卡佬冇乜動作，就問下卡佬西沙灣呢度係咪總站，佢話係。原本見佢仲有10分鐘先至開車，想叫埋卡佬清客先，但係見到後面班客咁想上車，於是小弟唯有硬住頭皮上車，但發現竟然車內上下層夾埋仲有大概10位街客冇落到車。
小弟雖然已經就此向城巴投訴，但係想問下呢度咁多位板友，呢位卡佬咁樣做係咪真係冇問題？ 車務需要咁做合理，你去投訴已經唔合理，咁小事都出post投訴 有時有啲車過鐘即走
返到總站
都會同時上落客
但都係應該要清曬客
但好明顯今次唔係上述情況
因為仲有10分鐘先開車
呢個做法絕對有問題
因為唔係循環線
佢哋應該係要落車排隊先再上車
因為本身排緊隊嘅人係應該可以優先上車揀位
咁樣其實造成唔公平嘅情況
s121424 發表於 2025-4-19 22:26
車務需要咁做合理，你去投訴已經唔合理，咁小事都出post投訴
請問乜嘢車務需要咁合理?
正常返到總站唔清客係合理?
見到有問題投訴有咩唔合理
咁小事都出post投訴
你講得出「小事」
即係你都覺得有啲問題喺度
先會話係小事
如果唔係你就話冇事啦
投訴唔係睇個問題大/細
係睇有問題定冇問題
免費乘車日大家高興。
天口興，西沙個總站風又無乜，悶熱
難得司機到站後，要十分鐘先開都比你上車涼冷氣。
到頭來你就小人氣，無得做第一個上車嘅人。
你覺得有問題唔當面提出，仲要覺得賴落後面班客阻住你提出。
之後係人地背後放飛劍，老土左少少。
仲有人話有問題就應該要投訴…
難怪香港出名投訴之都;P 車上面10個客有點影響到你法 要特登走上去投訴?
唔滿意無得全車位任揀? 車長心態多一事不如少一事，反正免費，巡車都慳返;P 投訴啦，咪再搞呢D免費乘車喇，一蚊都無收仲要咁煩 本帖最後由 drbean7218 於 2025-4-20 13:06 編輯
當然有問題
1. 580不是循環線, 埋總站後車長有責任要清客
2. 城巴的通告講明, 即使期間限定580,581 & 582免費, 上車一定要拍八達通。
搭580回頭車的, 請落車排隊, 上車時再拍一次八達通。
你話好有紀念性嘅班次就話姐
今鋪580免費班點睇都唔會係唯一一次
為左賣樓實陸續有嚟