深華粵海直通巴宣布停運 來往台山,梅州選擇減
已經營運超過三十年的深華粵海直通巴在旺角總站貼告示,宣布由5月18日起停運,全面與永東巴士合作.深華粵海主要營運從九龍前往台山和梅州路線,公司停運上述路線勢必令乘客選擇減少.由於廣東省內高鐵網絡日趨綿密,而且班次準時,行車速度較快,導致城際客車乘客量流失.直通客車營運商有否調整路線,以開拓高鐵不達或不停站城鎮?
來源: 星島頭條
https://www.stheadline.com/travel/3572314/ 有點意外，不過我覺得大巴仍然會有市場
廣湛高鐵基準價收0.8/km並且鐵老大有意提高部分客運專線里程價格表明
有可能會倒逼部分價格敏感的客選坐大巴 台山線就會俾永東做，因為而家坐高鐵要係廣州南中轉，而且五邑人口多需求大，直通巴唔憂做
真正令深華粵海玩完係梅州至龍川高鐵通車，梅州去廣深唔使再兜潮汕，梅州去廣深由過往坐5個鐘大巴縮減至坐2個鐘高鐵，而且深華粵海梅州線係用皇崗過關而唔係蓮塘過關就更加難賺錢 本帖最後由 Danny.lin 於 2026-5-18 16:54 編輯
:lol直通巴唔會死嘅，只要0066+搶鐵繼續搶錢，進港高速動車班次繼續Keep住 CNY¥ 2.2/km起步價，江湛進港水魚號班次繼續Keep住 CNY¥ 3.4/km起步價，依舊有客搭巴士，甚至越來越多越大把，參考廣東9蚊9、19蚊9、29蚊9、39蚊9長途巴士復興風，:L但問題係，老牌跨境直通巴士公司唔精網路業務:$，盞畀永東、環島、中旅、粵港、榮利呢幾間食哂客流。
現時粵港同榮利就係利用粵港自己抖音開直播，放低價票「因為部分廣東地方直通巴站係粵港同榮利連辦嘅」，同永東、環島、中旅對打，搞價格戰。中旅現時搞粵港澳套票，深圳入港，包埋金巴，同澳門返大陸直通巴飛迎戰。同多年前嘅某品牌價格大戰一樣:o，亦同時使用新平台模式吸引年輕客轉戰巴士落港，例如喺小紅書、抖音、WeChat度宣傳：直達市區家門口附近，總有一站在你家附近，行李唔限重「對標金巴行李限制」等slogan宣傳，其實所謂「總有站喺屋企附近」就係內地嘅市區段多加幾個停靠點喈！
所以，;P其實而家直通巴可能都係多宣傳先得，收埋收埋盞浪費，對比高速鐵路之高票價以及離酒店、旅客積聚點較遠，巴士有其靈通性之優點。:dizzy:例如啟德體育園，到而家都係仲有一堆人睇完Show就去西九搭高鐵返深圳/東莞/廣州，:P全然不知啟德體育園有設置直通巴。
直通客車營運商有否調整路線,以開拓高鐵不達或不停站城鎮?
至於改路綫、加減車站呢層，真係很多公司有咁做，例如本人習慣上廣州搭粵港嘅班次，現時已有部分來往廣州之班次改行深中通道轉南沙聯絡匝道，直接行南沙港快速入廣州市區，基本做到唔塞車內45分鐘深圳灣口岸直達廣州市區。另外就係加咗啲細站點，都係唔太方便通過公共交通直達到南站、東站之地，聽講客流仲OK，週末以及公眾假期上座率還好！ 本帖最後由 Danny.lin 於 2026-5-16 16:06 編輯
Anthony99 發表於 2026-5-15 11:06
台山線就會俾永東做，因為而家坐高鐵要係廣州南中轉，而且五邑人口多需求大，直通巴唔憂做
真正令深華粵海 ...而且深華粵海梅州線係用皇崗過關而唔係蓮塘過關就更加難賺錢
的確，如果撐到新皇崗開門，唔至於咁早停班，起碼模式同深圳灣，學幾家大牌喺深圳灣搞嘅聯運跑狗，去皇崗同去梅州嘅放一部車，起碼靠皇崗落車之客都可盈利，但，有時世事無常。有啲嘢，就好似糯米雞噉——整定啊！
Danny.lin 發表於 2026-5-16 15:46
的確，如果撐到新皇崗開門，唔至於咁早停班，起碼模式同深圳灣，學幾家大牌喺深圳灣搞嘅聯運跑狗，去皇崗 ...
落馬洲本身就已經有跑狗，新皇崗仲要加多幾條專利巴士路線，深華粵海再做落馬洲短途根本無發作圍。
Danny.lin 發表於 2026-5-16 15:43
直通巴唔會死嘅，只要0066+搶鐵繼續搶錢，依舊有客搭巴士，但問題係，老牌巴士公司唔精網路業務， ...
粵港同榮利自從疫情後已經分咗家了。
依家舅港自己玩，榮利埋咗中旅堆。
本帖最後由 Danny.lin 於 2026-5-18 14:38 編輯
GD1570 發表於 2026-5-16 18:35
粵港同榮利自從疫情後已經分咗家了。
依家舅港自己玩，榮利埋咗中旅堆。
不過:L，現時見粵港直通巴佢個WeChat賣飛小程序班次表中仲有「榮利」喺度，噉如你所講，估計係粵港唔記得刪除喇;P
頁:
[1]