星宇航空 香港<>台北 JX234/235 經濟艙體驗
本帖最後由 szeto993 於 2026-5-20 21:19 編輯2026年本來係大幅減少外遊次數，但咁啱許願樹湊夠願望，又咁啱酒店唔使錢，再咁啱又收到電訊公司做緊機票優惠推廣，於是乎久違坐星宇來回台北。https://imgur.com/jgV9wzZ.jpg
時間：11:35（11:31）- 13:35（13:18）日期：26APR2026航班：JX234機型：A321neo B-58212
https://imgur.com/0LBZYBA.jpg
https://imgur.com/kdLJMiq.jpg
一如以往提早兩個半鐘左右到機場，一來避免突發事件，二來樓下A車一個鐘一班追唔到就要拖住8公斤行李去十分鐘路程嘅車站坐其他路線，早到就去環亞食個早餐先。https://imgur.com/jgV9wzZ.jpg
會坐星宇除咗係同時間傳統航空公司中最平之外，更重要嘅係訂票時去回程用廣體機。當然星宇港台航線客量都幾飄忽，好似今次咁原先用A330-900但一早已經通知downsize 去A321neo，我忍你。https://imgur.com/vLjvKbQ.jpg
IFE仲係用史努比合作，會出目的地嘅Welcome onboard 畫面。https://imgur.com/G5zK9Xe.jpg
機上服務同IFE內容一如以往無乜大問題，所以重點係星宇引以自豪嘅餐飲服務。今次係西檸雞飯+水果杯+樹頂茶+米菓，份量相對對手多好多，抵食但不如試吓好似國泰咁開盲盒唔好一早就畀個客知菜單？https://imgur.com/445L4LN.jpg
第二日回程，由於行程非常緊湊而且又係平日所以坐的士去機場捷運A1台北車站先做市區預辦登機。星宇近期開通台北車站市區預辦登機服務，旨在方便旅客先托運行李，爭取時間喺市區再行多陣，我正正就係因為要帶貨去高雄再返桃園但又唔想拖住行李就決定用市區預辦登機。https://www.starlux-airlines.com/zh-TW/check-in-fly/travel-information/check-in-options/downtown-check-in
跟據星宇官網指市區預辦登機服務由每日06:00-21:30，適用航班範圍係當日所有從桃園機場起飛自營航班，最遲起飛前3小時要完成，但當中無提及過星宇喺市區預辦登機如果未能成功辦理online check in係只跟從機場櫃檯報到規定，只接受起飛前最多6小時嘅航班辦理市區預辦登機。好死唔死我就係嗰個做唔到online check in嗰個，所以去到市區預辦登機就即刻面蒙蒙。不過好在機場捷運嘅職員嘗試再幫我做online check in又奇蹟搞到，佢哋話星宇系統有問題可能要試幾次重新入過護照號碼先得。另外機場捷運職員有透露過多次同星宇溝通請佢哋自助報到機跟返市區預辦登機時間而非起飛前6小時，但星宇無任何行動回應。https://imgur.com/wGdEDso.jpg
去完高雄食飯放低啲玩具就直奔桃園機場，桃園機場新增咗一個預計安檢等候時間查詢功能，然後佢哋畀啲咁嘅嘢旅客睇，好嘢。https://imgur.com/8QCOrbH.jpg
難得嚟到桃園機場當然想去近期投入服務嘅第三航廈望下，由於出境後三個航廈係打通嘅，所以有能力願意花少少時間行過去係無問題。https://imgur.com/7Aj4FEM.jpg
https://imgur.com/EdeKKSG.jpg
第三航廈高樓底加上格外醒目嘅登機橋，好多人一開始係表示唔理解，但我覺得呢個設計係乎合返近代審美，期望第三航廈落成正式全面投入服務為桃園機場帶來耳目一新的服務。https://imgur.com/9S05FpU.jpg
https://imgur.com/C3tP05e.jpg
由第三航廈行返去第一航廈，遇見華航777-300ER波音彩繪機。https://imgur.com/2jXAkLQ.jpg
時間差唔多，係時候行返去登機閘口A4。https://imgur.com/4htuI2e.jpg
比起國泰香港開始嘗試使用分組登機，台灣係比香港更加早用分組登機，而且比起香港人係唔係係都走去排台灣呢邊係少好多人亂排。登機本身好順𣈱，但到我嗰時就響機，唔使問一定唔係恭喜升級而係要身份認證，繼中華航空登機前一刻查信用卡之後又到星宇因無去櫃檯報到而臨上機先做身份確認，呢個問題又係因為市區預辦登機引起嘅，咁仲有下次咩。https://imgur.com/s2jCwYw.jpg
久違坐星宇廣體機，今次坐A350-900。依家派得廣體機就代表loading 係唔錯，經濟艙我諗8成咁上下都叫做捱過咗最早期派A321neo 都坐唔滿嘅時候。https://imgur.com/urBlzOi.jpg
座椅用主流嘅RECARO，國泰777經濟艙同款，但屏幕更大更清晰。https://imgur.com/06YDmXX.jpg
國泰同款杯架+手機架，必須好評。https://imgur.com/GDQPRh2.jpg
座位下方有電源插座及USB C充電位。https://imgur.com/cXCFFEg.jpg
https://imgur.com/HKHsdwu.jpg
介紹返，巴士迷最愛電子遮陽簾，變暗變光速度同787差唔多，但個人比較喜歡787係實體掣，同埋大家可以睇下變最黑嘅效果，對光敏感又要坐長途機嘅人要留意返。https://imgur.com/xRCtupM.jpg
飛機推離登機閘口前巧遇星宇A350-1000。https://imgur.com/zTWPpCs.jpg
餐飲作為星宇強項自然期望值會高好多，今次終於係本月菜單嘅肉燥麵+水果杯+綜合蔬果汁+ 米菓，味道正常。https://imgur.com/0zaatm6.jpg
最後，一間以精品航空自居嘅公司對於機艙清潔係如此馬虎，呢次已經係第二次喺桃園出發被我執到問題，唔係我屈佢因為我一向習慣摺細張錫紙。
回程個餐好一般下 最近也識有人坐過星宇香港-台北-三藩市，正如樓主所講，佢套 online check-in 系統應該是外判的，運行得麻麻
機內服務真係好精品，但地面卻強差人意
香港去台北班機延誤搞到只有一個鐘轉機，但完全無職員在出登機橋後提供協助，連下班機在邊個 gate 的資訊都無
同埋要對美簽，唔可以做 online check-in，要去到機場 check visa， 但唔可以 online 揀位 (佢果隻票係可以起飛前 24 小時於 online check-in 時劃位的)
結論係天上勝因航，但地面就有待改進 死圖？ Waiyin12 發表於 2026-5-23 05:57
死圖？
Imgur 有時會load得好慢跟手就放棄治療，我暫時見仲load到 yuenpo 發表於 2026-5-22 14:02
最近也識有人坐過星宇香港-台北-三藩市，正如樓主所講，佢套 online check-in 系統應該是外判的，運行得麻 ...
自從精品睡袋事件之後就知呢間公司小至地勤服務大至背後營運團隊都有唔同大小問題，佢機艙服務睇返feedback 都係參差不齊，近排發債呢件事好多人仲趁機踩多幾腳
頁:
[1]