hkitalk.net 香港交通資訊網

標題: 【EKL】東九龍綫的最新消息：慈雲山延線編 [打印本頁]

作者: tonyng 時間: 2026-7-1 22:13
標題: 【EKL】東九龍綫的最新消息：慈雲山延線編
本帖最後由 tonyng 於 2026-7-2 00:12 編輯

【關於東九龍線延長至慈雲山的最新消息】
當局在過去數年共探討過至少九個方案，其中方案1至8都得出技術不可行的結論，方案9會繼續進行下一步研究。各方案的簡略資料如下：
方案1：鑽石山站 - 斧山道 - 蒲崗村道 - 慈雲山道
方案2：鑽石山站 - 斧山道 - 蒲崗村道
方案3：鑽石山站 - 蒲崗村道
方案4：黃大仙站 - 蒲崗村道
方案5：黃大仙站 - 沙田坳道
方案6：黃大仙站 - 雙鳳街
方案7：黃大仙站 - 蒲崗村道 - 雙鳳街
方案8：鑽石山站 - 龍蟠街 - 鳳美徑 - 鳳禮道
方案9：「東九龍線西延方案」，即目前被當局視為唯一可行的方案，詳見下文：

「東九龍線西延方案」的詳細資料
＝＝＝＝＝＝＝＝＝＝＝＝＝＝＝
走線：彩虹東站 - 約230米的斧山隧道 ( 平定道東的西延伸段至平定道) - 繞經斧山道運動場的西端的看台 (日後須重置看台) - 蒲崗村道
長度：2.1公里（可參考走線圖）
車站：富山站（設於富山巴士總站）、慈雲山站（設於介乎慈雲山(南)巴士總站通道至蒲英里對出的一段蒲崗村道）
結論：由彩虹東站延伸至慈雲山的走線初步定為可行，前提是須解決土地影響問題。東九龍線延長段須與清水灣道35號發展項目銜接，仍需進行額外研究以確認此路線方案的可行性，而下一階段亦須進一步評估延線對慈雲山地區現有基礎設施的影響。

作者: clivetock 時間: 2026-7-1 22:21

慈雲山站（設於介乎慈雲山(中)巴士總站通道至蒲英里對出的一段蒲崗村道）

蒲崗村道的話應該係慈南而唔係慈中？

作者: 西九小確幸 時間: 2026-7-2 00:52
仲衰過當年沙中話慈樂

作者: 天空之神 時間: 2026-7-2 01:36
其實慈雲山應該諗方法去鑽石山轉車站

咁樣繼續送比 19M 37M 攪唔掂

作者: Jamesho81 時間: 2026-7-2 04:51
咁樣嘅走線想點轉乘
彩虹東同彩虹都有段距離
站外轉乘係好唔吸引，唔係紅龜做嘅話更加冇優勢
同埋兜咁多地方當真係有客流，綠智軌道嘅容量應唔應付到

作者: PZ8988 時間: 2026-7-2 09:18
其實咁既走線不如去埋竹園同樂富

作者: kay 時間: 2026-7-2 10:10
慈雲山擺呢個位其實唔算最靚
上面慈中慈北需求好大

3C隔離小巴條隊經常都長龍

作者: JX9097 時間: 2026-7-2 12:16
擺蒲崗村道基本上做唔到慈雲山咁滯

作者: tonyng 時間: 2026-7-12 15:24

西九小確幸發表於 2026-7-2 00:52
仲衰過當年沙中話慈樂

如果總站只係擺慈南，服務範圍其實相當有限。

作者: Toz 時間: 2026-7-12 21:09
本帖最後由 Toz 於 2026-7-12 21:25 編輯

唔拉去鑽石山或者九龍塘，不如算把啦
去新界東西同九龍西絕對比行落山慢，去九龍東打和，係去觀塘山有優勢（但宜家慈雲山去觀塘山有幾多客？）

你話係FF 又好咩都好,係毓華街/惠華街穿過慈雲山, 經竹園+翠竹去九龍塘先正路
唔係係慈雲山效果仲衰過起多條落山既扶手電梯，對觀塘山黎講亦只能靠新清／將軍澳道塞車維持一定吸引力...
純粹用黎找數

咁起法, 除非係九城兩巴玩BRT, 可以直通普通道路網, 唔係一定變大白象
要平唔係問題, 但洗一半錢得一成效果, 咁係係叫笨實

作者: 山陽岡山 時間: 2026-7-12 22:51

Toz 發表於 2026-7-12 21:09
唔拉去鑽石山或者九龍塘，不如算把啦
去新界東西同九龍西絕對比行落山慢，去九龍東打和，係去觀塘山有優勢 ...

如果齋做慈雲山去觀塘山打通豐盛街算數

作者: Toz 時間: 2026-7-12 23:13
本帖最後由 Toz 於 2026-7-12 23:23 編輯

山陽岡山發表於 2026-7-12 22:51
如果齋做慈雲山去觀塘山打通豐盛街算數

豐盛街打通都係兜太遠, 唔係塞到爆炸行黎無著數
如果係BRT兼可以中途接駁路網，按宜家方案起無乜問題（或者只要唔好起得太離譜就得），多左條路比巴士行肯定好好多

巴士係斧山道迴旋處直通彩虹東再上山，二十到二十五分鐘左右去到油塘, 繁時都唔塞車, 成個觀塘山舉腳贊成

但係實際上係咪咁呢...

如果係封閉式軌道交通, 無論如何都要接駁轉車站, 九龍塘或者鑽石山

作者: jpoon 時間: 2026-7-13 00:30
咁嘅方案做學校村同墳場客咩

作者: 巴士的膠 時間: 2026-7-13 09:51

PZ8988 發表於 2026-7-2 09:18
其實咁既走線不如去埋竹園同樂富

四順都、秀茂坪可以兩個站，慈雲山兩個站都唔過份，經崇華街拉去伍若瑜，一方面可以重建埋黃大仙醫院同伍若瑜健康院，又可以做埋聖母同竹園。

作者: hellomato 時間: 2026-7-13 16:20
當時落實EKL從鑽石山縮到彩虹，就feel到可能係未來拉上慈雲山嘅伏筆；
而家仲估仲埋富山+慈雲山兩站，而且慈雲山站擺慈南

我估當局嘅解釋將會係：
（1）選址臨近蒲崗村道公園北側，用地較開闊
（2）可接駁既有慈雲山人行系統上慈中慈北——講緊起沙中線鑽石山站嘅時候，慈雲山整咗嘅嗰堆“落山天橋”

同意如果可以進一步西延入竹園邨，然後落返去樂富or九龍塘接返觀塘線，咁就更加靚仔

作者: Choi 時間: 2026-7-15 22:34

hellomato 發表於 2026-7-13 16:20
當時落實EKL從鑽石山縮到彩虹，就feel到可能係未來拉上慈雲山嘅伏筆；
而家仲估仲埋富山+慈雲山兩站，而且 ...

去九龍塘接中鐵綫或東鐵綫北上個效應可以好大，幾乎係另一個金鐘。

作者: 巴士的膠 時間: 2026-7-16 11:35

hellomato 發表於 2026-7-13 16:20
當時落實EKL從鑽石山縮到彩虹，就feel到可能係未來拉上慈雲山嘅伏筆；
而家仲估仲埋富山+慈雲山兩站，而且 ...

如果駁九龍塘，仲係咪事必要駁彩虹？可以落到彩雲，轉入豐盛街去富山，同時啟德線經彩虹拉上去駁返過山線，仲可以預留延去三彩、樂華。

作者: Jamesho81 時間: 2026-7-17 17:55

Toz 發表於 2026-7-12 23:13
豐盛街打通都係兜太遠, 唔係塞到爆炸行黎無著數
如果係BRT兼可以中途接駁路網，按宜家方案起無乜問題（或 ...

有冇諗過BRT係唔啱香港玩，以香港啲城市規模玩BRT要幾多架巴士先夠載，係認真起就起返條真正軌道交通

作者: AtrHenu 時間: 2026-7-17 20:51

hellomato 發表於 2026-7-13 16:20
當時落實EKL從鑽石山縮到彩虹，就feel到可能係未來拉上慈雲山嘅伏筆；
而家仲估仲埋富山+慈雲山兩站，而且 ...

不如EKL云巴鐵路經豐盛街去慈雲山中心下架巴士仔3M和叔叔架小巴16,37M會否因此會埋單收工.(因爲呢幾條線今日仲生存到都係靠去山下的鐵路站巴士站仲揾到食)

作者: Toz 時間: 2026-7-17 22:03

Jamesho81 發表於 2026-7-17 17:55
有冇諗過BRT係唔啱香港玩，以香港啲城市規模玩BRT要幾多架巴士先夠載，係認真起就起返條真正軌道交通 ...

有幾唔O岩玩? 香港每日百幾萬人搭巴士，觀塘山大部份居民都係搭巴士

作者: 巴士的膠 時間: 2026-7-17 22:17

Toz 發表於 2026-7-17 22:03
有幾唔O岩玩? 香港每日百幾萬人搭巴士，觀塘山大部份居民都係搭巴士

如果好似機場咁用無人車又唔會唔啱玩，仲可以用輕鐵模式，成網再開唔同路線。

成本最平一定係石屎天橋行無人車。

作者: declan 時間: 2026-7-18 00:53
Tony 兄，請問「方案1至8都得出技術不可行的結論」，有無講咩原因？

假如財務上係明白的，但若是技術上就想了解多一些

作者: Jamesho81 時間: 2026-7-18 14:35

Toz 發表於 2026-7-17 22:03
有幾唔O岩玩? 香港每日百幾萬人搭巴士，觀塘山大部份居民都係搭巴士

咁貴起得高架路就唔係諗用巴士嘅載客量嚟玩
BRT根本係適合啲人口密度同流量唔足以起鐵路嘅地區玩
觀塘半山而家人口密度都差唔多半個新市鎮
你覺得以巴士嘅容量可以繼續應付
如果係得嘅直頭BRT都唔駛起，直接巴士專用線咪得

作者: Toz 時間: 2026-7-18 22:38
本帖最後由 Toz 於 2026-7-18 22:49 編輯

Jamesho81 發表於 2026-7-18 14:35
咁貴起得高架路就唔係諗用巴士嘅載客量嚟玩
BRT根本係適合啲人口密度同流量唔足以起鐵路嘅地區玩
觀塘半 ...

有乜應付唔到，唔通大西北同將軍澳居民係90年代係行路出市區？

BRT 就咁起條路就得，莫非香港負擔唔起半邊觀塘繞道？

硬係要起封閉專用軌道，個站擺到行餐死先轉到車，到時連營運成本都搵唔返瘋狂縮班收車，咁就搞笑了

有極之成熟行之有效既低成本模式唔用，又要平又要試新野，係咪玩野？

作者: DIH 時間: 2026-7-20 12:59
本帖最後由 DIH 於 2026-7-20 14:04 編輯

Toz 發表於 2026-7-18 22:38
有乜應付唔到，唔通大西北同將軍澳居民係90年代係行路出市區？

BRT 就咁起條路就得，莫非香港負擔唔起半 ...

被你最後一句點醒，會唔會其實真係玩嘢想試新嘢，因為香港工程界一係起鐵軌（人才主要在港鐵內），一係起馬路，無乜人識得起中運量系統，而將來發展亦需要此方面人才。「融入國家發展」就梗架啦。

我地自己係鐵路迷好容易指點江山，但可能工程界真係要時間鑽研，所以先會畀不同部門研究又研究，研究完就會有一批人對此類系統有認識，唔使再被港鐵拖住。

作者: HV9990 時間: 2026-7-22 13:28
擺蒲崗村道仲衰過當年九鐵條APM

作者: 巴士的膠 時間: 2026-7-27 23:26

DIH 發表於 2026-7-20 12:59
被你最後一句點醒，會唔會其實真係玩嘢想試新嘢，因為香港工程界一係起鐵軌（人才主要在港鐵內），一係起 ...

不如話大陸幾乎禁止呢啲中運量再起，過剩產能內銷轉出口，咁作為不可分割一部分而唔係殖民地嘅香港當然幫手食啲。

作者: tonyng 時間: 2026-7-28 13:29

declan 發表於 2026-7-18 00:53
Tony 兄，請問「方案1至8都得出技術不可行的結論」，有無講咩原因？

假如財務上係明白的，但若是技術上就 ...

主要原因是方案1至8都需要額外覓地興建獨立車廠，另外各方案行經的地點因不同的空間限制而難以興建橋墩。

作者: declan 時間: 2026-7-28 15:48

tonyng 發表於 2026-7-28 13:29
主要原因是方案1至8都需要額外覓地興建獨立車廠，另外各方案行經的地點因不同的空間限制而難以興建橋墩。 ...

「難以興建橋墩」就真係無得好講
如果解決到此難題，彩虹東後可以透過誇越泳池、經龍翔道去鑽石山站，再以媽閣調頭模式，原車行駛方案一上慈雲山，反之亦然都幾唔錯

由於 EKL 獨立收費導致誇區無車費協同效應（若有財團成功邀 MTR 合組公司參與營辦或可解決收費區問題），加上政府預計車程比路面交通只係慳 10-20 分鐘，單純以現時彩東、油東的建議轉乘模式，轉乘的步行時間已經抵銷掉慳到的時間。市民會問「何不搭返巴士」？因此設法提升轉乘便利度，對 EKL 客量有舉足輕重的影響

(, 下載次數: 3)

作者: tonyng 時間: 2026-7-28 22:31

declan 發表於 2026-7-28 15:48
「難以興建橋墩」就真係無得好講
如果解決到此難題，彩虹東後可以透過誇越泳池、經龍翔道去鑽石山站，再 ...

EKL其實用BRT的覆蓋率及成本效益都會更高，去邊都咁容易。

作者: jpoon 時間: 2026-7-29 03:43

Choi 發表於 2026-7-15 22:34
去九龍塘接中鐵綫或東鐵綫北上個效應可以好大，幾乎係另一個金鐘。

彩雲打後嘅站，北上搭88/88X轉鐵仲快啦

係慈雲山竹園無大老山隧道車先有啲用

更何況條綫唔係港鐵中嘅，轉中鐵/東鐵又要畀多程錢，兜上去慈雲山又唔係快，未必有著數

另一個問題係九龍塘有無位畀你先？除非軍營肯借啲位畀你用

作者: Jamesho81 時間: 2026-7-29 22:42

tonyng 發表於 2026-7-28 22:31
EKL其實用BRT的覆蓋率及成本效益都會更高，去邊都咁容易。

BRT從來都唔適合人口密集嘅地區
冇封閉式鐵路嘅效率，便捷度都不如巴士可以點到點
雖然而家話起綠智軌道都係廢，但起碼佢唔會佔用路面
起到好似廈門BRT咁高架橋咁仲晒錢
實際比普通巴士會快咗幾多，落咗山咪同普通巴士一樣
但又唔可以好似巴士咁去每個角落係定點車站上落客
咁起嘅意義係乜

作者: 巴士的膠 時間: 2026-7-29 23:06

jpoon 發表於 2026-7-29 03:43
彩雲打後嘅站，北上搭88/88X轉鐵仲快啦

九龍塘先最好駁，可以擺歌和老街公園，向北就可以跟龍翔道去竹園道，有足夠長度爬山之餘仲可以同中鐵線嘅站一齊設計。

作者: jpoon 時間: 2026-7-30 04:34

巴士的膠發表於 2026-7-29 23:06
九龍塘先最好駁，可以擺歌和老街公園，向北就可以跟龍翔道去竹園道，有足夠長度爬山之餘仲可以同中鐵線嘅 ...

龍翔道同歌和老街水平差幾多米？

中間果堆豪宅又點？同窩打老道個交匯處又點搞？你諗住起高過窩打老道？遮晒堆豪宅人哋唔反對先奇
仲有龍翔道仲有無位畀你起？

作者: Toz 時間: 2026-7-30 07:28
本帖最後由 Toz 於 2026-7-30 07:30 編輯

jpoon 發表於 2026-7-30 04:34
龍翔道同歌和老街水平差幾多米？

中間果堆豪宅又點？同窩打老道個交匯處又點搞？你諗住起高過窩打老道？ ...

用歌和老街公園設站, 向西北係歌和老街下方入隧道, 轉彎係龍翔道同獅隧入口下面經過, 係竹園道出地面

作者: 巴士的膠 時間: 2026-7-31 11:44

jpoon 發表於 2026-7-30 04:34
龍翔道同歌和老街水平差幾多米？

中間果堆豪宅又點？同窩打老道個交匯處又點搞？你諗住起高過窩打老道？ ...

龍翔道以北全部都係斜坡，點解無位？差在係鑽挖機直由九龍塘以北掘到獅子山公園，定中間一段由龍翔道明挖落去

作者: jpoon 時間: 2026-8-1 03:36

巴士的膠發表於 2026-7-31 11:44
龍翔道以北全部都係斜坡，點解無位？差在係鑽挖機直由九龍塘以北掘到獅子山公園，定中間一段由龍翔道明挖 ...

九龍塘點過去先? 中鐵綫已經霸咗唔少位

仲有你話龍翔道以北大把位，但畢架山隧道同獅子山隧道有食水管道，獅隧出口旁邊又有配水庫，而家仲起緊岩洞配水庫嘅通風同機電設施，係咪真係咁易起到先？

https://www.wsd.gov.hk/tc/core-b ... n/9201wc/index.html

作者: Toz 時間: 2026-8-1 12:37
本帖最後由 Toz 於 2026-8-1 12:48 編輯

jpoon 發表於 2026-8-1 03:36
九龍塘點過去先? 中鐵綫已經霸咗唔少位

仲有你話龍翔道以北大把位，但畢架山隧道同獅子山隧道有食水管道 ...

中鐵線同東九龍線車站要共構，中鐵路軌係下面，東九龍線路軌係上面甚至露出地面，中間係兩條線車站
就算東九龍線路軌係地面甚至係高架，都可以係歌和老街下面隧道入山，好似東鐵咁，隧道頂到歌和老街仲有五米以上，而去到歌和老街公園對出，歌和老街又上多一兩米高

而中鐵線本來就要挖深Ｄ，唔係調頭隧道無辦法係下面橫過地鐵管道

作者: 巴士的膠 時間: 2026-8-3 10:05

jpoon 發表於 2026-8-1 03:36
九龍塘點過去先? 中鐵綫已經霸咗唔少位

仲有你話龍翔道以北大把位，但畢架山隧道同獅子山隧道有食水管道 ...

又唔係荒山野嶺，唔止水喉，舊畢架山隧道連煤氣喉都有添，都論證唔到你個好難起嘅論論點，因為香港幾乎所有主要道路下面都有各式喉管的。

作者: hellomato 時間: 2026-8-6 09:49
睇返頂樓個proposal，見到從彩虹東開波，橫掂都要整隧道，不如先兜入兩段豐盛街中間，食曬兩邊街尾客（瓊麗苑、嘉峰台、峻弦等）順便打通成條街，再沿山邊出返蒲崗村道，多一批客兼減少對蒲崗村道上落山車流影響。

作者: Toz 時間: 2026-8-15 22:10
本帖最後由 Toz 於 2026-8-15 22:12 編輯

Jamesho81 發表於 2026-7-29 22:42
BRT從來都唔適合人口密集嘅地區
冇封閉式鐵路嘅效率，便捷度都不如巴士可以點到點
雖然而家話起綠智軌道 ...

BRT部車係可以直通普通道路，點會做唔到點對點？

本質係升級版巴士專線，你當左佢係輕鐵？

歡迎光臨 hkitalk.net 香港交通資訊網 (https://www.hkitalk.net/HKiTalk2/)