【強烈反對】九巴 3B 線取消非繁忙時間服務

1181174166 發表於 2026-4-26 00:26
唔食咪唔使拉，簡單
要長深荔係合理，但唔一定要3B，兩者唔需要一齊做

唔需要一齊做？咁 2B 拉上富山要加既車由邊度來？

當區自己有廢線同剩餘資源，用來換其他野返來自古以來都係 fair game。就算畀你變到資源出來拉 2B 上山，咁到時 3B 點處理？由得佢就算？定係好似今年 RPP 推 3B+11 垃圾方案？你仲有無方法去做到條替代品慈雲山落到鳳德一段同 3B 一模一樣行法？

今次推得 3B+11，如果拉倒之後真係諗住拉 2B 上山，唔上埋慈中或者慈北先奇。你不如擔心下到時 $5.8 2B 會點樣同 2F 攬炒好過啦

咁事實係 5C 客量遠高過 3B 21 兩條，知名度同深入民心程度都係遠高於另外果兩條。成件事就同我屋企當年有老人家秀茂坪往來觀塘九龍灣旺角甚至尖沙咀都只係識坐 1A 其他乜鬼 11C 13D 13M 13X 95 98C 我教完都唔識坐一樣道理。知名度咁高好心就唔好無端白事製造混亂，隨時搞到老人家蕩失路。老人家走失左隨時搞出人命，到時係咪你賠返條命畀人？

3B 5C 21 三條彩虹道下路流水之間睇怕都只係支持到一小時六班車，你為左保住有齊咁多條線，甚至好似巴不得 5C 一減再減，最後結果隨時係三條齊齊 30 分一班車，專登砌到 5 分鐘之內來齊三部然後大家齊齊等 25 分都仲得。呢個結果你係咪好想要？精神勝利好威呀可？你打算點樣同居民交代，說服佢地呢個結果對佢地最好，好切合佢地需要？

係得你先心態咁奇特，害完人仲可以自欺欺人覺得好似好威

exitd1 發表於 2026-4-26 01:33
2P 用3B 既四部車開全日之後，班次只能係30分鐘一班，以轉車線嚟講係完全不合格班客隨時照用小巴或3D接駁 ...

轉乘線而言的確係唔合格，但點都好過而家班次同站位兩樣都係唔合格

同埋 30 分一班只要夠獨巿又夠快未必做唔住，2X 已經係一個例子，至低限度盤數會好過 3B 好多先

S3BL100 發表於 2026-4-26 10:03
唔需要一齊做？咁 2B 拉上富山要加既車由邊度來？

當區自己有廢線同剩餘資源，用來換其他野返來自古以來 ...

2B點唔加車已經講過，11拉上去都係一車不加嘅時候唔係無可能
下年可能照拉11同2B之後一車不加

老人家識見到241X唔會死等18嘅時候，就無你講到咁死板
有老人家淨係識搭3B又係咪可以唔使死?

「最後結果隨時係三條齊齊 30 分一班車」
講下5/5C交換之下有邊三條?
_改不了屈人習性


唔認同殺3B先可以拉2B唔等於唔殺3B喎

同其他版友都叫討論，係得要用鬧嚟形容你
留5C最唔用腦，但肯定對各區唔係最好，最少富山落九龍城轉車又真係水鬥水

S3BL100 發表於 2026-4-26 10:03
唔需要一齊做？咁 2B 拉上富山要加既車由邊度來？

當區自己有廢線同剩餘資源，用來換其他野返來自古以來 ...

不過咁講，11 上慈雲山中我總覺得九巴係有其他盤算，無論係用佢補富山來往上路又好，補慈雲山來往佐敦道又好，對後續重組係有幫助。

例如前者幫 5 回程飛東九廊提速加價，後者可以縮 3C 變旺角循環。

2076 發表於 2026-4-26 12:39
不過咁講，11 上慈雲山中我總覺得九巴係有其他盤算，無論係用佢補富山來往上路又好，補慈雲山來往佐敦道 ...

11搬上去一定有後著隨時郁埋5/ 5C/ 3C

JX9097 發表於 2026-4-26 15:57
11搬上去一定有後著隨時郁埋5/ 5C/ 3C

話無都唔信

有啲人急住問我唔鬧，等埋下集都未遲

exitd1 發表於 2026-4-26 01:12
我相信無邊個版友會提議慈雲山下路車cut到一班不剩

但5C抽車行下路既問題，除咗鳳凰硬食疏車，

砌富山版 5C 去取消 3B，或者變相叫 3B 拉去尖沙咀呢個 idea，
印象中係好早之前已經有版友提過，不過共通點都係為慈雲山 <> 尖沙咀提速；
依家厹打算直接執咗 3B 非繁，富山 <> 下路喺厹角度已經無乜價值，
遲啲仲好可能連兩繁都唔想留，所以呢個 idea 嘅可行性似乎甚低。

1181174166 發表於 2026-4-26 01:14
5P改行富山，簡單啲講5拉上去，咁講就比較明顯
但，啲客就會過檔，5C要減班之下鳳凰新村連去尖沙咀都無快 ...

個人認為富山版 5P 全日對 5C 客量嘅影響唔會太大，
至少慈雲山 <> 尖沙咀班客早就因為 5C 兜下路而唔搭 5C，
5P 喺呢一段會搵到嘅新客好大機會係從其他交通工具回流而唔係 5C 舊客；
然後到紅土，始終上路同下路所 cover 嘅地方唔係完全重疊，
總有啲位搭 5C 會比 5P 方便，反之亦然，鳳凰新村 <> 紅土更只有 5C，
再加上之後會 KO 埋 3B 同 21，下路流水自然多返客選擇 5C；
所以就算富山版 5P 全日，應該都搶唔走 5C 幾多客，甚至可以話各有各做。

2076 發表於 2026-4-26 02:40
其實我懷疑九巴的劇本係想做慈尖，5 拉上慈中然後回程飛東九龍走廊就可以取消 $5.8 分段，未來彩虹重建借 ...

從取消 5X 同縮 3X 呢兩個動作睇，暫時睇唔到厹想做慈尖生意。

從建議層面睇，個人有兩個 concern：
1、掛住 5 嘅名義做，靠轉特快去取消 $5.8 分段始終有難度；
2、唔做上路返富山同慈雲山，就算已有 11/116，客量都較為堪憂。

kay 發表於 2026-4-26 08:33
應該咁講

咁唔少版友都覺得 11 拉上慈雲山食 3B 呢個方案唔太理想，
重點係以 3B 依家嘅境況，唔一定要被邊條線食先可以取消，
呢個方案亦根本無補到富山 <> 下路呢個 3B 唯一嘅獨市位，
補嘅係得慈雲山、富山 <> 鑽石山，仲要奇在做埋來往黃大仙總站，
更似係想借 11 延長做翻 205M 生意，同小巴搶客多過真係食 3B，
但小巴又密又快，除非好似 2F/3C 站位咁就腳，否則都係前景模糊。

同樣地，想搞 5 號都唔一定要由 11 搞，5P 改行富山全日都可以搞，
加價之餘又做埋慈雲山 <> 尖沙咀生意，點睇都比拉 11 有着數，
而且 28 同 5 依家都係半斤八兩，要搞 5 都唔見得 28 可以獨善其身，
搵富山版 5P 保上路出入尖東、尖碼直車，5 同 28 係可以一齊鬆綁。
（當然搞 28 嘅難度比起搞 5 號高，至少要拉 11X/93K/213X 落水）