B線巴士編號問題

Man@MFHK 發表於 2026-4-25 15:02
你真係越講越亂越拉越遠，老毛病又發作。
高鐵站同機場正正就係你講嘅有口岸功能唔代表佢係口岸。
今日嘅 ...

唔好喺口岸後面自己加「功能」咁搞笑啦，法理上
佢係確立咗係口岸就係口岸啦

況且香港機場邊有中方口岸呀？
唔好話「中方口岸」係連中方『口岸「功能」』（幫中方做入境手續）都冇喎
同一時間，西九龍中方口岸（連埋口岸功能好未？）你食咗落肚？
次次都係胡亂對比其實你有冇睇清楚人講咩？

有冇咁難明？

仲有唔好次次亂拋例子同你解釋完冇反應之餘但又再亂拋新嘅例子，高鐵香港有中途站唔影響西九龍係咪口岸嫁喎，就算真係有咪好大機會係另一個港方口岸同中方口岸
關咩事呢？

返去好早已經講嘅嘢
B就係cross border
西九龍就係cross咗border但機場唔會
唔知你有乜好拗

ccchhhuuunnn 發表於 2026-4-25 15:14
唔好喺口岸後面自己加「功能」咁搞笑啦，法理上
佢係確立咗係口岸就係口岸啦

法律上係定立咗內地口岸區，但如果無一地兩檢，根本就唔需要特別立法去設立你所謂嘅「口岸」。
講紅磡火車站驚你話佢功能唔夠純粹，請望吓中港碼頭同港澳碼頭，佢哋係咪一樣單純為離境船而設？咁佢哋又係唔係你所謂嘅「口岸」？

Man@MFHK 發表於 2026-4-25 16:01
法律上係定立咗內地口岸區，但如果無一地兩檢，根本就唔需要特別立法去設立你所謂嘅「口岸」。
講紅磡火 ...

咪就係口岸
一地兩檢一路都得你講，冇其他人講

而且亦一早講咗落馬洲福田兩地兩檢都有B1
深圳灣一地兩檢都有B23
一地兩檢係完全irrelevant

而另一個角度亦解釋咗
西九龍冇中方口岸冇一地兩檢好似紅磡直通車咁咪technically啲巴士唔係口岸線
又或者好似法國只係預辦冇司法管轄權都唔係口岸

唔知你係咁講一地兩檢做乜

ccchhhuuunnn 發表於 2026-4-25 16:09
咪就係口岸
一地兩檢一路都得你講，冇其他人講

用返比較顯淺易明嘅解釋，就係B線去到嘅叫做「陸路口岸」，高鐵站、羅湖站入面呢啲叫「鐵路口岸」，落馬洲站如果唔係放公共交通入去本身都只係鐵路口岸，碼頭就係「水路口岸」，機場就係「航空口岸」。
如果任意話因為佢哋都係「口岸」所以就可以混為一談，根本就超錯。
香港將鐵路口岸歸入陸路口岸只係因為佢哋都係用嚟往返中港兩地，但本身兩者嘅運作模式係有異。
大陸就對深圳灣、香園圍、港珠澳呢類口岸有一個更清晰嘅分類，叫「公路口岸」。

Man@MFHK 發表於 2026-4-25 16:42
用返比較顯淺易明嘅解釋，就係B線去到嘅叫做「陸路口岸」，高鐵站、羅湖站入面呢啲叫「鐵路口岸」，落馬洲 ...

中國國家級同地方級口岸係有官方清單，唔係你亂噏一通就係

首先係「公路口岸」，而唔係「陸路口岸」，公路同鐵路都係陸路
其次，羅湖口岸係屬於「公路口岸」而唔係「鐵路口岸」，更準確嘅係根本冇「羅湖站口岸」
另外，係有「空運口岸」，而唔係「機場口岸」，例如北京首都、深圳寶安、廣州白雲，但係香港機場就冇出現喺中國口岸官方清單嘅「空運口岸」之上
（而事實上同正常大家一般認知就係香港機場冇中方口岸，你話有我先驚你睇到大家睇唔到嘅嘢）
而另外仲有「水運口岸」，唔係「水路口岸」

西九龍係鐵路口岸比較特別，但全部都係口岸呢樣一早喺第5頁#49講曬
你唔使三番四次用實證證明自己永遠唔睇人哋內容但又要駁嘴

淨係識話人超錯
但反而你講每樣嘢都錯漏百出然後胡亂炒埋一碟當駁咗
不如你fact check 下先駁嘴
比埋個口岸清單你，你睇下有冇香港機場，同埋羅湖同西九龍係點？
https://www.caop.org.cn/kaifangkouan/yunshufangshi/tielukouan/

ccchhhuuunnn 發表於 2026-4-25 17:05
中國國家級同地方級口岸係有官方清單，唔係你亂噏一通就係

首先係「公路口岸」，而唔係「陸路口岸」，公 ...

真係九唔搭八，講緊香港口岸俾你扯到去中國國家級口岸。明明我只係提咗一句公路口岸嚟解釋深圳灣、香園圍、港珠澳嘅定位，咁都可以俾你上綱上線。本身落馬洲支線就無設計成容納鐵路以外嘅前往方法，當年唔係被成功爭取開B1入去，根本B線嘅界定就非常清晰，就係去公路口岸。
你睇清楚深圳灣、香園圍、港珠澳嘅共通點未？前面我已經提過，呢啲口岸除咗搭巴士的士小巴去到門口，仲可以坐跑狗同私家車直接過境，乜落馬洲支線管制站同西九龍站可以揸車過關？

Man@MFHK 發表於 2026-4-25 18:19
真係九唔搭八，講緊香港口岸俾你扯到去中國國家級口岸。明明我只係提咗一句公路口岸嚟解釋深圳灣、香園圍 ...

明明你自己撈亂曬中國啲口岸定義
講返正確定義又話唔係中國口岸，淨係香港口岸
乜你鑊鑊都係講唔掂就去講第二樣

不過總算有少少進步
聽得明咩叫口岸冇再一地兩檢
今次又變咗唔係禁區，又變咗揸車先係公路口岸？又搬？
之但係明明B1係第一條B線過境線都被你exclude咗，你呢個馬後炮式亂劃線會唔會太令人啼笑皆非？
況且落馬洲（福田）個鐵路係港鐵，唔係另一邊嘅中國鐵路口岸，咁都可以炒埋一碟？

其實由一開始講咗一萬次過境cross border就係一出（香港口岸）一入（其他司法管轄區口岸）先叫過境
亦都符合由B1-9（以至W1-4）一直以嚟嘅定義，亦都係合理地唔包機場港澳碼頭中港碼頭郵輪碼頭

ccchhhuuunnn 發表於 2026-4-25 19:15
明明你自己撈亂曬中國啲口岸定義
講返正確定義又話唔係中國口岸，淨係香港口岸
乜你鑊鑊都係講唔掂就去講 ...

由頭到尾都講緊香港口岸，講「公路口岸」純粹係解釋你知嗰幾個口岸嘅定位。
講一地兩檢，就係同你講如果西九龍站無一地兩檢，你所謂嘅「西九龍站=口岸」論已經唔成立，你自己都承認咗。

唔好見到B1有個1字就話係第一條B線先得㗎，查巴典都懶？

一開始已經同你講咗，W線去嘅係「西九龍高鐵站」，B線先係送你去邊境口岸，係你自己要炒埋一碟嚟講。

唔好一味長篇大論亂抛書包就當正自己就係真理，莊閒不分。政府都教咗大家幾十年，有國先有家，同樣，有高鐵站先至會有入面嘅「口岸區」，同其他邊境口岸已經係完全相反。

Man@MFHK 發表於 2026-4-25 19:31
由頭到尾都講緊香港口岸，講「公路口岸」純粹係解釋你知嗰幾個口岸嘅定位。
講一地兩檢，就係同你講如果西 ...

你都識話如果
但呢個如果現實冇發生過
現實就係西九龍有中國口岸
點解你係咁話如果？
一開始已經講出兼一路都有陳述嘅係現實就係出現咗一出香港境再入中國口岸先叫跨境，但你去到尾段先話我承認點點點？
你不斷去反駁一早講嘅嘢想點？
你56K？都話你一向唔睇內容又要駁
不斷用不存在現實嘅如果反駁啲乜？

B1留咗個1字比佢開
而家賽跑鬥快咩贏嗰一個兩個月咩
唔係第一條首航都係第一批
遲咗開可以係各種基建同交通配套或法規等delay
唔去計當初計劃次序/本來意義走去鬥衝線一刻你都幾反社會人格
咁都有得捉字蝨？

ccchhhuuunnn 發表於 2026-4-25 20:14
你都識話如果
但呢個如果現實冇發生過
現實就係西九龍有中國口岸

奇在你認同當西九龍站無一地兩檢佢就唔係口岸，但無視邊境仲有堆無一地兩檢但係正常人都認同係口岸嘅口岸。咁如果西九龍站無一地兩檢就唔算口岸，羅湖站、落馬洲站隔離嗰啲出入境設施又應該叫乜？
你自己都心知肚明西九龍站同邊境口岸係有分別，但就要拎住佢有一地兩檢所以做到你所講嘅出A境入B境嚟同我拗佢依家係咪口岸。
根本個重點係西九龍站係一個「站」，口岸只係附設喺佢入面嘅其中一個部份。正如商場有廁所，但唔會有人覺得因為商場有廁所而叫個商場做公廁，因為商場並非老馮要有公共廁所，正如高鐵站並非老馮要有過關設施，唔會因為佢已經有過關設施而自動升級整個高鐵站成為口岸。
法律上嘅定義，本身只係為咗行政需要去確立西九龍站入面相關範圍為口岸區，以便實施兩地法律，但本質上西九龍站仍然只係一個高鐵站，呢個就係我由頭到尾講緊嘅莊閒問題。