B線巴士編號問題

Man@MFHK 發表於 2026-4-25 03:45
係你堅持要口岸凌駕於高鐵站之上先會亂。已經舉埋機場做例子你都無視。
再講多次，高鐵站入面嘅口岸區只 ...

機場快綫市區有預辦登機嘅車站又可以視為機場嘅延伸部份

所以當年香港站九龍站特登開咗個M字頭

魔雪巴士頻道 發表於 2026-4-26 00:27
所以當年香港站九龍站特登開咗個M字頭

相比當年嘅M線，依家啲W線算係俾九巴做起咗，當然係要靠不務正業掛羊頭賣狗肉先有得做，如果唔係好似城巴咁老實去做W1神早摺晒。

Man@MFHK 發表於 2026-4-25 23:15
奇在你認同當西九龍站無一地兩檢佢就唔係口岸，但無視邊境仲有堆無一地兩檢但係正常人都認同係口岸嘅口岸 ...

啱啱先見到有少少進步冇再loop 完全irrelevant一地兩檢
點知你又loop返轉頭？

================我是分隔線================


西九龍唔係「一地兩檢」就唔係口岸？

我幾時有講西九龍站無一地兩檢就唔係口岸呀？
佢兩地兩檢都係雙邊通關口岸（同落馬洲福田/港珠澳無異）喎
西九龍無中國邊防口岸檢就真係唔係過境啦，我嘅論述由一開始到而家都係
西九龍如果係「一地（只有）一（港方）檢」先唔係過境雙邊口岸喎，而「一地一檢」咪正正等於機場/港口碼頭設定
而唔係「冇「一地兩檢」」
點解你啲理解能力可以保持一貫水準都係咁差？
明明唔係二元分立嘅嘢，你竟然可以用二元處理？

至於法理上嘅中國口岸，我當你好似有返比較正常嘅理解，暫時按不可表
反正我發覺每次太多文字你就完全理解唔到就會繼續滑不溜手自說自話

================我是分隔線================

邊境仲有堆無「一地兩檢」但係正常人都認同係口岸嘅口岸

1）「一地兩檢」從來唔係決定性，呢個係由始至終都係你自己設立嘅稻草人嚟攻擊無人有爭議嘅事情
2）講咗一萬次，雙邊通關口岸（包括一般人認知）有一地兩檢，亦有兩地兩檢，呢樣你自己都識講，但點解你個邏輯去到西九龍就變咗只有「一地兩檢」係決定性？
3）如上，雙邊通關口岸（包括一般人認知）有一地兩檢，亦有兩地兩檢，西九龍無論「係」定「唔係」「一地兩檢」都完全推論唔到佢係雙邊通關口岸與否
4）反而如果你淨係講「兩檢」先叫條線接近啲（只係喺中港呢個情況叫做啱，例如英法喺倫敦St Pancras法國檢完但冇司法管轄權都唔算正確，按不下表）
5）如果你今次終於成功排除萬難去理解到「一地兩檢」只係由頭到尾你自己設立同攻擊稻草人，你可以以後唔使再講

================我是分隔線================

法理口岸地位 同 一般人對雙邊通關口岸嘅理解


1）法理上嘅中國口岸，again，我當你好似有返比較正常嘅理解，暫時按不可表
2）一般人對過關過境出入雙邊口岸經「陸路」「返大陸」嘅理解，經 深圳灣/福田/皇崗/羅湖/蓮塘/文錦渡等 同 經西九龍 無異，與經 機場 同 港口碼頭 等係有明顯分別
3）陸路雙邊口岸過關，無論 法理上 定 一般人理解，西九龍同其他公路（深圳灣/福田/皇崗/羅湖/蓮塘/文錦渡）通關冇分別，唯一分別只係鐵路同公路。
而一開始已經講，呢個鐵路獨特性唔排除佢可以另有字頭，但排除唔到佢同其他公路通關一樣係陸路雙邊口岸過關，兩樣嘢嚟
4）即使講埋以前紅磡站直通車，除咗法理上冇喺紅磡設立中方口岸之外，一般人理解亦一致因為好簡單你去到廣州仲要拎回鄉證出嚟過關同現時各陸路B線通關同埋西九龍通關完全唔同。
5）更加同因行政、保安、物流而本地立法設立車輛或行人禁區（包括送車/人） 或 可唔可以自己揸車過關（第一批/條 B1 嘅福田口岸已經被你排除咗）完全冇關係

ccchhhuuunnn 發表於 2026-4-26 18:36
啱啱先見到有少少進步冇再loop 完全irrelevant一地兩檢
點知你又loop返轉頭？

打咁多嘢，原來都係答唔到個莊閒問題。
目前最合適嘅理解就係B線=邊境口岸線，因為B1的確係咁多條B線中唯一非公路口岸線，但西九龍站既唔係邊境亦唔會因為入面有個口岸區而自動升級成為口岸，因為個口岸只係整個西九龍站入面嘅一部份，並非一個獨立個體，只係行政需要而用法律手段令佢成為一個有中方口岸區在內嘅一個特殊地方。
所以西九龍站點都無理由會用B線處理，至於另立W字頭專線招呼係咪有必要不作評論，本身出面已經一大堆巴士線可以兼顧。

Man@MFHK 發表於 2026-4-26 18:53
打咁多嘢，原來都係答唔到個莊閒問題。
目前最合適嘅理解就係B線=邊境口岸線，因為B1的確係咁多條B線中唯 ...

明明體諒你理解能力，分曬段逐點解釋，你都可以繼續一貫玩skip完再自說自話，特別係繼續skip曬所有邏輯上錯誤？真係服鬼咗你
你覺得自己咁有道理點解唔係逐點回應，次次都係一係唔回應一係話人哋答得多然後繼續自說自話？？？？？？？
真係極度懷疑你返學做閱讀理解係完全唔合格

1）「莊閒」又係自己僭建想像出嚟，無論港方定中方都冇法理基礎，而一般人亦冇接近嘅理解，只有過曬兩邊關過境或只係香港出境嘅概念
2）

目前最合適嘅理解就係B線=邊境口岸線

有B線嘅深圳灣、港珠澳清關地點同實際行政邊界已經有一定距離，係冇西九龍咁遠，但明顯行政邊界唔係過境嘅必要條件，而係司法管轄權完全轉移 或者 完成或即將完成兩檢清關手續
3）

但西九龍站既唔係邊境亦唔會因為入面有個口岸區而自動升級成為口岸

講咗一萬次，中國海關官方本身就定性西九龍就係國家其中一個口岸並位例於口岸清單上，地位與福田羅湖或寶安白雲等無異，所謂「自動升級成為口岸」係完全錯誤
咩莊閒定升級口岸全部係你自己構想，同法理或一般人認知有明顯差異
「口岸區」只係一個口岸下嘅subset，通常就係可以一地兩檢嘅「口岸」，要分開同一建築物下嘅 港方口岸區 同 中方口岸區 用於司法管轄權同行政劃分
西九龍係切切實實一個口岸有法理基礎，呢個冇商榷嘅餘地
口岸區係你自己矮化，口岸區唔係口岸仲有得升級係你自己想像，完全錯誤

Man@MFHK 發表於 2026-4-26 01:50
相比當年嘅M線，依家啲W線算係俾九巴做起咗，當然係要靠不務正業掛羊頭賣狗肉先有得做，如果唔係好似城巴 ...

W3好明顯變成流水線，大埔中心經公路往返沙田/北區可以話獨市咁滯。
有次放學時間，北行大埔段搭仲上咗幾十人入粉嶺。

其實，經口岸嘅線冇話一定要B字頭。
B線個人認為係地理位置嘅獨特性。
例如深圳灣、福田、香園圍，尾站主要用途好明顯只係出入境專用。

港澳碼頭、中港碼頭、未消取直通車嘅紅磡站一樣有出入境設施。
咁係咪又一定要送專用字頭俾佢（B字頭又好、其他字頭又好）？
如果以高鐵站位置，W2、W3大可以照用返普通線編號。
最多加個W字喺後面，叫14W、73W就算。

亂估啟德線 B10，葵芳線 B11，馬鞍山線 B12，屯門線 B13

ccchhhuuunnn 發表於 2026-4-26 19:21
明明體諒你理解能力，分曬段逐點解釋，你都可以繼續一貫玩skip完再自說自話，特別係繼續skip曬所有邏輯上 ...

時間寶貴，廢話就算睇得晒都懶得覆晒你，講重點：

如果無莊閒之分，點解當年TD唔直接派個B字頭編號俾西九龍站巴士線？明顯高鐵站無論物理上地位上都大過口岸，先會有全新獨立字頭。

你竟然為咗反駁我，夾硬將深圳灣、港珠澳嘅位置講成同行政邊界有距離。深圳灣直頭出咗香港境，但又的確喺內地陸地邊境範圍，港珠澳出面大橋條路係咪非過境車輛可以上去？我套用返你所形容嘅西九龍站，嗰度過咗關口啦仲唔係法律上嘅行政邊界？

你仲死心不息拎中國對西九龍站內地口岸區嘅定義出嚟講，大佬呀我知回歸咗，但香港仲行緊自己一套制度㗎，大陸點定義內地口岸區，關香港運輸署乜事？大陸幾時連香港巴士路線編號都管埋？如果西九龍站巴士線編號都要大陸決定，咁就應該叫高鐵快線或者就算用英文字頭都會係G而唔係W啦！

TA7343@N241 發表於 2026-4-26 22:05
其實，經口岸嘅線冇話一定要B字頭。
B線個人認為係地理位置嘅獨特性。
例如深圳灣、福田、香園圍，尾站主要 ...

或者我哋理解「B for border」會唔會簡單啲？
邊境，除咗過境，都要有「邊」嘅元素，B線去到嗰啲都符合，但西九龍站就明顯唔係喺香港嘅邊陲、邊境地區。

我估用W字頭某程度上係對應返當年機鐵站接駁嘅M字頭。