建議開辧278S（上水——荃灣如心廣場）

由於北區往葵涌沒有直車，並且繁忙時間278X城隧轉車往葵涌客量眾多，有見及此，建議開辦278S來往上水及荃灣如心廣場
星期一至五早上上水開：6:30, 6:50, 7:10, 7:25, 7:45
星期一至五下午荃灣開：18:00, 18:20, 18:40, 19:00, 19:20

上水開經：上水總站，天平邨天明樓，清河邨總站，欣翠花園，嘉盛苑，基新中學，粉嶺站，景盛苑，華心邨，粉嶺公路轉車站，青沙公路轉車站，葵涌交匯處，葵涌道荔景邨，葵芳邨，葵芳邨葵信樓，新都會廣場，晉昇工廠大廈，荃灣橫龍街，楊屋道街市，荃灣如心廣場。
荃灣開經：荃灣如心廣場，楊屋道街市，荃灣橫窩仔街，晉昇工廠大廈，葵涌運動場，葵芳智芳街，林士德體育館，葵芳邨，葵涌道荔景邨，葵涌交匯處，青沙公路轉車站，花都廣場，欣盛苑，蓬瀛仙館，基新中學，嘉盛苑，華慧園，清河邨總站，天平邨總站，天平邨天怡樓，龍豐花園，上水總站。

全程收費: $13.00
花都廣場往上水: $4.70
葵涌交匯處往荃灣: $6.40

又行青沙？既然278x抽車，點解唔係天平清河等地方有全日城隧線而開青沙線？仲有城隧轉車站目的係慳車同為各途經轉車站路線提速以免重疊其他線，你就本末倒置玩直車，咁要轉車站做咩？

其實我覺得278X係城隧線當中最有本錢成條改行青沙公路的路線
上水/粉嶺入屯門有小巴44系，入元朗天水園有九巴276系，去青衣又有279X，
基本上應該冇乘客會坐278X轉263/269D，轉49X都只係為快多一點到荃灣
餘下的荃灣/葵盛/荔景/石圍角可以在葵青區轉車，去葵興/葵芳工作的乘客再不用轉車，
總行車時間相信只會增加5分鐘內，又可以接駁青沙隧道
除笨有精呀...

S3bl430 發表於 2019-1-5 01:51
其實我覺得278X係城隧線當中最有本錢成條改行青沙公路的路線
上水/粉嶺入屯門有小巴44系，入元朗天水園有九 ...

你啱，的確係最有本錢
但係你知唔知葵涌客幾多？
知唔知屯門經常上唔到 gmb44系？
知唔知gmb44糸同261糸覆蓋範圍唔大，後者又迂迴？
所以城隧轉車站263都唔少人轉投278x就係咁解 (反之269d唔多)
279x青衣覆蓋範圍細又比49x轉278x貴$1(往青衣方向貴$2)
重點係:278x轉車站係好多人上車，我認為開條青沙版冇問題，但青沙版又唔會快得幾多，又少左轉乘網絡倒客，情況同86c/286c唔同
不過巴士公司可以試下既... 最好額外加車做

384047x 發表於 2019-1-6 15:08
你啱，的確係最有本錢
但係你知唔知葵涌客幾多？
知唔知屯門經常上唔到 gmb44系？

上唔到 44/44A 就搭 263 轉 278X ?

更多人應該會搭鐵去元朗/天水圍轉 276/A/P

andy92 發表於 2019-1-6 15:27
上唔到 44/44A 就搭 263 轉 278X ?

更多人應該會搭鐵去元朗/天水圍轉 276/A/P

純粹猜測啫
但事實係有留意既263去278x都有唔少客，點解咁轉就要睇下呢度有冇版友知啦

384047x 發表於 2019-1-6 17:05
純粹猜測啫
但事實係有留意既263去278x都有唔少客，點解咁轉就要睇下呢度有冇版友知啦 ...

我唔係常客，不過咁轉其實唔貴得幾多。
依家 261 $13.6，263+278X $14.8+4.9。如果住屯門西，唔近 261 沿線，其實都要搭多程輕鐵去兆康站轉車，價錢都喺返到。
當然你可能問，如果搭到去兆康，咁就不如搭埋入天水圍轉 276A。不過如果有九巴月票，就只能用前者，又或者如果係屯碼區乘客又唔想搭小巴，都只會屯轉轉 263，三聖以南更甚，無理由搭一程駁腳轉 261，太慢了。
況且不論 261 同 276 系都到唔到粉嶺，261 去東鐵以南站位都係無着數，到喉唔到肺，又要搭多程巴士或者落東鐵搭一個站，都係怪怪地。

我被384047x提出的觀察打敗了

我以前都係嶺南住過3年(07-10年)，曾需要去上水返實習，亦試過送朋友返粉嶺
我從來都冇諗過263+278X依d咁新穎的方案，一直都係261/261+273A(大家都係2程車)，
而且當時261其實唔太慢(只係當時小巴太快，依家小巴冇得超80公里，兩者差距已縮減了很多)
就算依家，我有朋友依家屯門要去北區返工，佢就算在屯門左好耐都上唔到44系小巴都好，佢都只會死等小巴

就咁用google map ，屯門站出發去華明，263+278X行車里數約47公里，小巴44A+273A里數約31-32公里
反轉咁講，我在大圍搭東鐵轉261/44A，返到嶺南的時間同46X+49X+67M車駁車差唔多時間(當然263會快d，如果車駁車的話，有咁好運氣先算...)，
咁北區去屯門的行車優勢理應更加明顯
咁粉嶺273A係唔係真係要半個鐘以上先入到上水，並抵消里數比263+278X小15公里的優勢同行車時間理論上較小的優勢，以我的經驗，273A又未至於咁差...
(如果你話華明坐70K去上水轉車，我冇野好講)

可能開左屯轉+月費之後，搭車模式改變左，我真不知道有這樣的搭車方法
說實話，我真心懷疑係唔係好多人都咁坐(巴士死忠可能會，月費客而時間多得行的人可能會，青山公路沿線可能有人咁做，但我相信唔係多數)

你話小巴上唔到車所以迫人咁搭，咁應付要求改善小巴服務，而唔係迫客作出這樣新穎的搭車方式
屯門去北區，點都係經元朗新田入去會合理d

如果真係有顯著需求
或者睇下巴士公司點改261X先

S3bl430 發表於 2019-1-7 00:22
我被384047x提出的觀察打敗了

我以前都係嶺南住過3年(07-10年)，曾需要去上水返實習，亦試過送朋友返粉嶺

又唔好講話打唔打敗，可能係咁啱我見到比較多人263轉278x呢～_～

有啲生客係未廳過261呢條線，例如我有個朋友住荃灣，有次要屯門去華明，對佢黎講只係識入屯門有屯轉同入上水/沙田有城隧，結果真係用左呢個方法

不過anyway，其實問題既出現同261宣傳不足有關，始終261班次疏，對生客黎講263-＞278x密轉密車幾有吸引力，或者下次數下有幾多客263/269d轉投278就一清二楚

你哋唔記得有272p咩？ 只要北區同埋大埔區議員傾得埋咁就將272p拉去上水。