回歸十年討論

原帖由 S3BL100 於 2007-3-21 09:52 發表


閣下似乎並未回應我開首的問題:
教師的行動, 是否有違社會利益?

教師爭取小班教學, 在很多人眼裏也許是自私,
然而實情又是否如此呢?

究竟是誰在繞圈，不肯直到問題的核心？

教師的行動可以係無同社會利益違背，
現在係教師自己做到係為自己利益鬥爭，
而不是為了學生利益而鬥爭，
一件事用不同方式表達，自會有不同的效果

原帖由 S3BL100 於 2007-3-21 09:52 發表

如果煸動者是政府官員的話,
何以見得香港不應該有普選?
閣下是否認為香港人愚笨無知, 就不應該享有
一些只有"聰明人", "上等人"才能有的權利?

我諗我既中文未至於差到令你有這個回應吧？
本人原文是”香港人原來是那麼容易受到煽動嗎？”
不論是誰煽動，若香港人係容易被煽動，現在行普選可以嗎？
若答案是否定的，就算係政府煽動，難道理性的市民不懂分嗎？
你想講邊樣？或是你想說，政府官員的煽動能力特強？
理性的朋友，應該知道那個是答案。

原帖由 S3BL100 於 2007-3-21 09:52 發表

教師爭取小班教學, 在很多人眼裏也許是自私,
然而實情又是否如此呢?

若是因為自己的行動令別人有所誤會，與人何尤？
為何不反省自己的行動有無問題，反而去怨人？

原帖由 無名 於 2007-3-21 10:54 發表

你都未回應我嘅問題。
喺我上述嘅情況下，小班教學係唔係可以發揮作用先？
你都識得話香港現今學生多辯駁，咁小班教學令學生打散d，
教師係唔係可以有更多時間去進行訓輔？

無人講過不可以。
現在既是民意主導，民意是支持定反對？
若民意是支持反對差不多，為何會是這樣？

原帖由 無名 於 2007-3-21 10:54 發表
點解要用小人之心度人？如果因為係咁而完全否定政策嘅成效，
對學生甚至係香港會唔會有好處？

咁係邊個令到其他人以小人之心度人？
難道你真的認為，政府官員有這麼大的能力去煽動市民不支持小班教學？
作為教師，未知你們在行動失敗後，有無考慮為何會失敗？
為何只是怨政府這，怨政府那？
若你們能夠說服納稅人支持這額外開支，政府無理由關水喉！

原帖由 無名 於 2007-3-16 11:57 發表
小班教學真係冇用？ 我唔敢話日本、南韓的大班教學唔得，
但係香港學生同佢地一樣嗎？
如果唔一樣的話夾硬拉埋一齊比係冇意思的！
你試過行入班房對住四十個學生未？
你試過同一班入面一堆學生問你野而另一堆度搞事未？
如果係你，你處理得邊堆？如果係咁小班教學又會唔會好d？

假如實施左小班教學之後,
學生依然係一批問你野,另一批向度搞事,
咁你又會點處理?

唔係話其他行業冇壓力，係教師根本有好大壓力！
以前教書邊有咁多行政工作要做？依家點解有咁多行政工作？
咪就係教改俾我地囉！三點幾放學之後教師有乜做？
我可以話俾你聽：處理學生問題、之後改簿、備課、
仲要做埋平時開會d會議記錄，間中又要帶隊參加活動！要幾多時間？
淨係處理學生問題已經可以同個學生周旋到夜晚九點
(唔好以為我作大，係真係試過架！)，之後d工作點做？
俾一日48小時都未必夠用呀！
仲有，學生公開試成績唔好又俾校長訓話，連點罰個學生都話俾家長投訴！
咁你話教師壓力大唔大？記住大少係相對，我地壓力係唔係比好多人大？
呢d壓力好多都係教改俾我地架！
我只可以咁講，除非你係教師，否則你所講的說話係相當涼薄！

教師壓力比好多人大?

做到9點,我都試過,做唔完要拎埋返屋企做啊!
(我做文職,我亦都相信出黎社會工作人不論行業冇幾多個未試過做到咁夜)
你所講壓力根本就各行各業都有.

學生成績唔好,身為教師當然要負責,比人話下算係小事.
如果一支球隊輸幾場波,個教練比球會炒添啊!

原帖由 Trident_10.3m 於 2007-3-21 23:28 發表

假如實施左小班教學之後,
學生依然係一批問你野,另一批向度搞事,
咁你又會點處理?

小班教學當然不能杜絕上述情況，但因學生少了，老師平均可花多些時間在每位學生身上，上述情況發生的機會應該會減少。

原帖由 Trident_10.3m 於 2007-3-21 23:28 發表

教師壓力比好多人大?

做到9點,我都試過,做唔完要拎埋返屋企做啊!
(我做文職,我亦都相信出黎社會工作人不論行業冇幾多個未試過做到咁夜)
你所講壓力根本就各行各業都有.

學生成績唔好,身為教師當然要負責,比人話下算係小事.
如果一支球隊輸幾場波,個教練比球會炒添啊!

睇到呢度我真係覺得好心酸，
原來有人係咁睇教師呢行。
可能我比較幸運，未有機會去到咁辛苦，
但係做到九點只係上半場，仲有好多野等住做，
眼見屋企人日日做到夜晚點幾兩點，
朝早六點又起身（佢返七點），
勞心勞力想教好學生，就係換到呢d評論。

教練都還好，隊波得佢一個教練，想點操球員都得。
教師呢？學生讀八科，跟至少八個教師，
點同佢地補課都未必輪到自己話事（至少點都讓俾中英數先），
淨低冇幾多時間俾你操。
唔夠時間補課，學生未必有充足準備，到時「學生成績唔好,身為教師當然要負責」
唉．．．．．．

[ 本帖最後由 無名 於 2007-3-22 19:06 編輯 ]

原帖由 Trident_10.3m 於 2007-3-21 23:28 發表

假如實施左小班教學之後,
學生依然係一批問你野,另一批向度搞事,
咁你又會點處理?


教師壓力比好多人大?

做到9點,我都試過,做唔完要拎埋返屋企做啊!
(我做文職,我亦都相信出黎社會工作人不論行業 ...

如果... 教師只係打份工, 也許你講得好正確~

但如果, 教書既人有好多係抱住一份使命感的話,
我諗你既言論實在對佢地好唔公平.

做份工, 係為兩餐溫飽, 學生好壞只係一個令佢保住份工既條件;
如果係使命, 學生好壞就會令到老師好上心, 亦會用好多時間去嘗試幫佢地...

係, 壓力行行都有, 但相信冇邊行要肩負住 "培養未來社會棟樑" 既壓力...~

原帖由 Chairman 於 2007-3-21 19:26 發表


究竟是誰在繞圈，不肯直到問題的核心？

教師的行動可以係無同社會利益違背，
現在係教師自己做到係為自己利益鬥爭，
而不是為了學生利益而鬥爭，
一件事用不同方式表達，自會有不同的效果

我諗 ...

"教師要求小班教學"係為自己利益鬥爭，拉開少少講，
好多人都覺得 "社工要求停止cut資源" 又係為自己利益鬥爭，
呢個情況你又覺得係咩原因？

係因為佢地真係咁自私？定係佢地自己做得衰？
還是有人(特別係政府)肆意抹黑佢地？

原帖由 monkey_bsw 於 2007-3-22 16:50 發表


如果... 教師只係打份工, 也許你講得好正確~

但如果, 教書既人有好多係抱住一份使命感的話,
我諗你既言論實在對佢地好唔公平.

做份工, 係為兩餐溫飽, 學生好壞只係一個令佢保住份工既條件;
如果係使 ...

使命感
唔該睇下做左幾年的同工, 佢會同你講乜係使命感

使命感就係個學生晌學校衰到飛起
但為左俾佢有得見學校同埋家長一日到黑打俾校長講三講四
操行勤學 C 都要夾硬俾個 B 佢r

使命感就係點樣令間乜事都煩唔到校長同辦學團體

使命感就係最好 d 學生訓練出黎,
可以滿足呢個工商社會要求界比十項全能文武全才更掂的才能
兼聽教聽話唔會反對, 一萬蚊駛你十幾個小時兼七日 standby 的製成品

使命感? 佢地覺得你地人工已經 overpaid, 仲晌度講道理?

省點氣吧

原帖由 Chairman 於 2007-3-20 01:52 發表

無人話你講假話，只是要說，教師今天要面對的問題，
是社會發展的後果，學生多辯駁，就與社會風氣開放，言論自由高舉之故。
這就是費利民常說的，”這世界上沒有免費午餐。”
每一樣的利益，必有並相關代價，差在由誰去承受及付鈔而已。

早陣子看到 chairman 君講這番話,
本想回應, 但想不起相關資料出處
結果早幾天找回做功課時的論文, 以及教統局的文件再看一看
再提供讓各位自行想想

Chairman 君指 "學生多辯駁，就與社會風氣開放，言論自由高舉之故"
似乎並不準確
現今學生所謂多辯駁, 要最早推回到 96 年在小學先推行的 TOC 及 communication approach,
當時所推行教育改革, 就是要訓學練學生, 在情景學習中 (scenerio) 中,
對學習的知識懂得運用, 和其他同學分享及對其他人的意見作出批判
及後 1999 及 2001 年再發表的 "學會學習" 諮詢文件及報告書
將四大範疇及九項共通能力作為教育的主軸思想,
其中一項就是 "自我批判能力"
這就是 TOC 理念中的一個伸延及繼續
所以, 是否把看學生多辯駁就歸咎於 "社會風氣開放，言論自由高舉"
似乎是以偏蓋全

要是的話, 難道將其推上說是, 政府自己的教改所一手造成的結果乎?

宜家最緊要係捍衛言論自由,我覺得香港越來越大陸化同兒童化,有些電梯有廣播請緊握扶手... 好似攪到好似細佬仔咁 有好多報紙都唔中立 我希望香港人唔好樣樣面向祖國,而係面向國際世界,請好好為香港出力,我地香港一定要起中國同世界要舉足輕重