圍牆

當然唔係講緊真正的牆啦....

大家會唔會覺得自己對外人有時候有好重的防避心態呢?
又或者要花好長的時間先至會可以同其他人建立到關係呢?

我自己呢排都係因為圍牆的問題而有一點困擾，
覺得走唔出自己的世界，
或許自己的世界唔算好細，
但係有時候又真係唔太想俾咁多?限死自己...

大家會覺得有圍牆的人係應該從邊方面著手，
先可以令圍牆呢個問題細一點呢?

[ref=389132]hsu[/ref]  在 9.10.2005 14:01 發表:
我本身都會有一道圍牆響樹
但會視乎乜人先有

好似好熟既朋友面前~呢道牆會消失
乜野都會講~
但如果係半熟甚至未太熟
道牆就會出現~要頗長時間先至消失既

個人會覺得自己好少主動去接觸人
除非對方俾到我一個感覺
係值得去交朋友既~我就會主動去接觸、溝通

如果想呢道牆細d甚至消失
主要都要放多d信心俾自己
咁呢道牆好容易自然解除~

呢個當然有佢的道理....

但係要解圍牆的最主要問題，
係應該向自己有呢度圍牆的原因來尋答案....

被孤立不是我最怕的一件事，
是像過去的經歷中，
「出賣」像是一個似曾相識的經歷...

或許是這一個原因，
在我自己而言，
令我覺得就算我不喜歡這圍牆，
somehow仍需要有這圍牆。

我道圍牆通常唔係開始識人果刻有，而係漸漸同人地熟絡之後先有…

點解？根據以往我被人愚弄既經歷，往往都係唔熟就無野，一熟親就
有事……有時甚至係淪落到由朋友關係變左做半主從關係，變左我響某
某君面前係可以呼之則來揮之則去既騎哩啡咁…

雖然呢D野唔係個個我識既人都有，但係一Hurt就Hurt得好深…
做朋友做得無尊嚴，係建立圍牆既主要原因…

初頭大平賣親和，結果傷既又係我自己…

嗯...
反而cx1兄的圍牆情況真係少見一點...

呢個應該都同每個人自己的經歷有關，
但係點解會選擇熟左之後再起圍牆呢?

如果你係被人玩過的，
我相信應該會係識的時候先會覺得無安全感呢...

我都有,而且係比較厚既一種。
對任何唔識既人,
或者係剛相識既人,
都有呢面牆。
不過對熟悉既朋友,
呢面牆會消失。

或者係性格使然,
我可以主動結識新人,
但係就會好小心咁揀朋友,
所以朋友唔多,
但係大多數都係知心好友。

事實上，在爾虞我詐的成人世界中，
沒有圍牆保護自己，根本無法在社會大學中立足.

朋友，也分很多種，
有些是酒肉朋友，
有些是合作從事某些工作的朋友，
有些是可交心的知心朋友.

就像北京城有外城，內城與紫禁城一樣，
我們不知不覺間，也會在心中劃出一道道牆，
將不同種類的朋友分隔開：知心朋友可以自由進出內城，但酒肉朋友只能在外城.
而受過朋友出賣的人，交知心朋友會特別慎重，以免再次禍起蕭薔.

我覺得，知比的朋友，是貴精不貴多，
日久見人心，與好朋友熟絡，是需要時間經歷去打磨的. 如果太急的話，受傷的可能是自己.

圍牆自己以前有, 前排一度毀滅左, 近期唔知點解又build up 返.

曾經有人講過, 同人相處就好似照鏡咁,
你對住鏡笑, 鏡既image 會對返你笑.
又好似山間既回音咁, 你罵佢, 佢會罵返你.

因此我相信, 對朋友真誠便可以了.
(對不起, 太天真了)

唔知點解, 我覺得應該會有辦法,
可以容易交到一班知心.........也許那就是真誠吧, 我暫時也找不到.
(很矛盾嗎? "一班""知心" 應該是相立的......)

我都承認, 對住一個開始熟絡既fd,
圍牆會不期然咁build up.......
反而對住熟不拘禮既fd, 圍牆又會消失.

就係因為以前圍牆築得太高,
高得如何? 在裏面盪著千秋也看不到外面的世界.
這也促使了我人際關係上徹底的失敗,
也促使我決心打塌這堵牆.
其實做人, 自然率真即可, 圍牆過高過低, 都是不好.

[ Last edited by av220 on 2005-10-12 at 23:51 ]

幾認同3384兄的講法...

其實有時候都知道呢度牆真係有存在的必要，
但係亦同時間唔想呢度牆對自己的影響咁大，
始終有呢度牆係可以過濾，
但有時候真係害左自己，
唔敢放開懷抱去識新的朋友...

甚至可能因為曾經受傷而覺得要加高圍牆，
縱然知道加高左都一樣可以出事...

但係想問一下話對熟朋友有圍牆的朋友，
點解你地會有呢個情況呢?

可以跟我們分享當中的一些經歷嗎?