「討論」在垃圾筒內拾荒應否列入亂拋垃圾定額罰款$1500？

現時在街道上經常見到，
有人在垃圾筒或廢物回收箱內拾荒，
把這些值錢物品轉售圖利。

你們認為在垃圾筒內拾荒，
應否列入亂拋垃圾定額罰款$1500？

因為現時亂拋垃圾定額罰款$1500，
沒有把這些拾荒行為列入定額罰款之內，
據知道有市政條例來針對以上行為。

個人意見：
我個人本身中立，
因為把以上行為列入亂拋垃圾定額罰款之內，
一定會引起社會唔少迴響。

我有兩面看法，
由正面睇拾荒者在垃圾筒內拾荒可以幫補支出，
能讓拾荒者自力更新。
但由另一個角度睇這些行為有損市容整潔，
並且會助長更多拾荒者拾荒，
甚至一些免費既報紙或刊物會成疊取去變賣。

但點解係新加坡都唔見有這些行為出現？
莫非當地對有關行為懲罰比較嚴厲？

[ Last edited by nwfb1110 on 2005-10-17 at 20:53 ]

講真，拾荒既好多都係老人家，幾十歲啦！辛苦左
大半世啦！臨老都要拾荒已經夠慘啦！如果拾荒要
罰錢既話，一定會遭社會各方既批評。

無可否認,拾荒者把廢物分類,用以變賣,間接促進循環再造行業.
假如把拾荒視為亂拋垃圾行為,但政府卻未有任何增進廢物回收率之新措施,個人覺得是顧此失彼,本末倒置.
建議原意係保持市容整潔,但倘若大部份可再用之廢物棄於堆填區,難道真的是成本效益,衛生兼備?

除非佢拾荒時將果d佢唔要既野亂咁掉(即冇放返入垃圾箱)，否則我
唔明點解係垃圾箱執野都要罰。(仲要當係亂拋垃圾咁罰)

今晚「百法百眾」節目中，
主持問律師在街上執垃圾問題，
香港法例228條中既簡易治罪條例，
根據條例任何人不得在街上既垃圾移動或檢走，
違例者最高可被罰款$500及監禁三個月。

故此在街道上既垃圾箱或資源回收箱拾荒，
他們已經觸犯以上條例。

不過即使成功檢控拾荒者，
但如果他們因為經濟問題而無法繳付罰款，
法庭會有一個基金替他們繳付罰款。

[ref=403175]nwfb1110[/ref]  在 2005-10-25 23:18 發表:

今晚「百法百眾」節目中，
主持問律師在街上執垃圾問題，
香港法例228條中既簡易治罪條例，
根據條例任何人不得在街上既垃圾移動或檢走，
違例者最高可被罰款$500及監禁三個月。

故此在街道上既垃圾箱或資 ...

簡易治罪條例入面第 28 條 (1) 款規定被發現
在公眾地方或有酒牌場所內醉酒者，要罰 $50。
我想知究竟咁耐以黎有幾多人被罰呢 $50....

同樣地，我都唔覺得執法人員會點罰 d 拾荒者...
因為實在太普遍喇....

有時唔係想話怪責一d 拾荒既老人家
但係佢地有d 人真係太離譜
佢地拾荒唔緊要
但都唔好話響垃圾桶或者垃圾堆入面
挖到d 野周圍都係又唔執番好佢啦

呢個係響我住既地方既走廊
所見到既事