國泰查閱缺勤員工病歷 工會憂喪失私隱擬投訴

國泰查閱缺勤員工病歷 工會憂喪失私隱擬投訴

Source from Yahoo

我好耐之前從友人聽過呢個制度,老實講呢個制度有好有唔好........##

無錯，的確有人亂請病假，但係絕非資方所說的誇張
而且，資方發言人話只有6%空服員『落入』呢個計劃，
但實情係，好多空姐都收到一封用詞非常令人驚嚇的電郵
而且有好多仲係因工傷而一次過連續十幾日的同事，都被當成
『有pattern請病假』喎！(意思即係話係專係週末同節日病喎)
入一次廠或者一次工傷隨時橫誇兩個週末，佢又當係『pattern』

年中個陣，舊一輩的『月薪制』空服員打勝了官司，公司要還返哂少付的工資，個陣已經話都明要係其他地方CUT返，結果連後期新一輩的低薪『時薪制』空姐都一齊成為『陪葬』。
近呢半年資方已經做左好多小動作，呢度cut D 個度cut D，空服員的工作本質就已經係返一日好似係地面返兩三日咁攰，公司仲成日話『因為少部分人亂請假』而令我們的更份同埋機上工作量増加（如果你『少部份人』都會咁大影響？那不是自打咀巴？），其實就係新請人手數目根本遠遠追唔上航班同航線增加，今年頭仲賣哂報紙同ｄ傳媒話『我地０５年計劃請１２００新人』喎！依加呢？才幾百人，減埋今年走左好多舊人（市道開始改善，而且走的好多都係做左好耐的空姐依家頂唔順而走）人手不足問題根本無被正視！

只係不斷咁加密空姐的更表，縮短在外地停留休息的時間，甚至連回港收工後的休息時間都不斷縮短。根本就唔理員工死活！
一班去澳洲咁長的航班去到得一日休息，亞洲短線如果唔係
夜晚去到無航班回港都唔俾人落酒店stay，結果亞洲短線隨時連飛５／６日，之間只得１１／１２個鐘休息。
法例要求回港收工後要最少１１小時休息，佢就真係計到盡１１個鐘，機場黎架！除非住東涌如果唔係真係不如唔好返屋企係埋機場訓好過！
有ｄ同事個更表一個月有成三十幾個sector(航段)，之間的休息時間又唔夠，
鐵人都病啦！

有乘客投訴咩，以前都仲會call返去公司解釋，現在居然可以唔使你解釋就send個電郵俾你話有客投訴，已經落左你file(連解釋機會都無！)，攪到空姐工作時人人自危，連同事之間關係都變得忌住忌住咁。

走埋D法律漏洞，話同『中國東方』做『交流計劃』喎！好，０３年第一批在度做１８個月今年初回東航，之後呢？咪就係下一批１８個月新人囉！今年仲加埋『國航』添呀！１８個月一批乜福利都唔使俾人工仲超平，如果唔好景仲隨時可以唔要添！成日年半一批下次又另一批，當空服員係M記／大家樂嗎？

咁多年都未見過空姐社羣內士氣咁低落！現時只係差仲未有『導火線』（例如某ｄ單一事件）『辣』起空姐的怨氣同不滿情緒，如果唔係真係分分鐘好似老鼠樂園咁爆大獲

２００５『最佳』航空公司．．．．．．

[ Last edited by minwon on 2005-11-3 at 13:44 ]

[ref=411069]minwon[/ref]  在 2005-11-3 13:28 發表:

無錯，的確有人亂請病假，但係絕非資方所說的誇張
而且，資方發言人話只有6%空服員『落入』呢個計劃，
但實情係，好多空姐都收到一封用詞非常令人驚嚇的電郵
而且有好多仲係因工傷而一次過連續十幾日的同事，都 ...

聽你0甘講﹐你都好似係CX crew禍﹐right??#:-[#:-[

[ Last edited by billlmf on 2005-11-3 at 14:05 ]