馬鞍山新市鎮現在規劃好嗎?

本人住起馬鞍山....
本人在一九八九年搬入來....
初時搬入來社區設施也沒有#,
交通只得kmb85k入#:-/
隨即馬鞍山十幾年發展,
馬鞍山興建許多公共方屋及私家屋.......
馬鞍山市中心有大型購物中心,
近期年圖書館、體育館、大運動場,大型公園都相繼落成,
社區設施遂漸多樣化......
及交通多元化,主要什麼地方都去得到.#....
甚至馬鐵開通,大大方便來往馬鞍山新市鎮與市區距離#
本人對馬鞍山近十幾年快速發展令本人驚嘆:
在未來,白石的、馬鞍山77區及烏溪沙站上蓋有新發展....
展望馬鞍山新市鎮規模更大,可以全面發展小康社會;)
本人希望各位板友如搬屋時,請搬馬鞍山......
本人十分推展這個地方!
各位板友,你對馬鞍山新市鎮規劃好嗎?#:-*

[ Last edited by daiteioh on 2005-11-26 at 19:36 ]

小弟亦都覺得馬鞍山規劃得好好，可以有一個真正的市中心，
同埋私人樓同公屋既比例亦都恰好。
而交通亦都方便，但車資都是偏高.

相對天水圍同將軍澳兩個超高密度既新市鎮，
馬鞍山唔會有侷促的感覺。
但馬鞍山比不上將軍澳的是欠缺地鐵罷了.

小弟將來置業亦會選擇馬鞍山...(太長遠了)

[ref=430166]arthur[/ref]  在 2005-11-26 20:56 發表:
相對天水圍同將軍澳兩個超高密度既新市鎮，
馬鞍山唔會有侷促的感覺。
但馬鞍山比不上將軍澳的是欠缺地鐵罷了.

如果他日兩鐵成功合併,以上觀感也會消失於無形.
兩地均有鐵路,一樣方便啦.#

本人亦是 1989 年起搬入馬鞍山,
看著自己的社區和自己一天一天咁長大~

馬鞍山的規劃真係好好,
本身地利已經好正:
整個區成一條長形,
背靠馬鞍山山脈,
面向吐露港和八仙嶺,
可謂是真正的"背山面海",
更是坐落於沙田這個全港最受歡迎新市鎮的新區.

住宅分怖方面亦很好,
附近的公園亦唔少,
綠化區域很多,
沒有天水圍和將軍澳的擠迫,
整個區的樓宇設計大概是市中心和靠山的樓最高,
然後向各面伸展, 愈落愈矮,
造成一個層遞式的設計,
未來 77 區及烏溪沙站帶亦會循這方式去建樓,

交通方面, 巴士路線亦很多選擇,
上年更是本區設施的"收成期":
馬鞍山運動場全面落成, 圖書館, 馬鐵, 馬鞍山繞道啟用, 方便居民.

但美中不足係市中心的大型商場好似"唔夠人",
以致常常會"更換"商店 (不過近年來好似好左),
而且馬鞍山的位置始終給市區的人覺得較偏遠.

未來本區尚有很多居民遷入,
我將來成家立室之後也想住番馬鞍山呢 #

我不是馬鞍山居民，但卻是馬鞍山過客。
我都覺得馬鞍山規劃幾好，交通受惠於二號幹線，
搭巴士出九龍最快只須20分鐘，將來馬鐵出到鑽石山時亦差不多。
由於地形及道路規劃關係，巴士路線係一對對出現，
城隧線x2，過海線x3，沙火線x2，大學線x2，
尖沙咀線x2，鑽石山線x2，覆蓋馬鞍山大部分地區。
土地運用比例及外觀亦算不錯，美中不足是錦泰苑一帶被中大某建築系教授評為「墓碑」。#;)
有一個較早發展，而且真係位於中心的市中心。

[ref=430587]DIH[/ref]  在 2005-11-27 12:11 PM 發表:
土地運用比例及外觀亦算不錯，美中不足是錦泰苑一帶被中大某建築系教授評為「墓碑」。#;)

係呀，我都覺得錦泰苑一帶0既公/居屋係海邊一字排開，而且
仲要係一式一樣，無咁靚。

反而市中心呢邊前面有一個大公園，之後先至係海柏花園同埋
新港城，好睇好多。

[ref=430599]nwfb1601[/ref]  在 2005-11-27 12:26 發表:


係呀，我都覺得錦泰苑一帶0既公/居屋係海邊一字排開，而且
仲要係一式一樣，無咁靚。

反而市中心 ...

用『無咁靚』黎形容太俾面了,
搭親東鐵經過見到都覺得『不知所謂』

錦泰苑內更加長年煙霧瀰漫,
密不透風/光