依家D人點渣車.....

事件一
昨天渣車落金鐘西, 由夏愨道轉入去紅綿道, 一綠燈, 我左邊架私家車就標出o黎, 然後響我前面收慢, 去到雙白線前停o左, 咁我咪著高燈照佢囉.... 然後佢騎住雙白線頭過線, 咁我咪俾油去囉, 點知我過o左佢車頭之後, 佢響正雙白線上面想抽返出o黎!!!咁我梗響安砵佢啦, 之後佢跟度我轉出金鐘道, 我轉入添馬街, 當我轉入去之後佢居然砵返我!! 咩駕駛者o黎o架?!

事件二
剛才渣車落中港道, 響差館(車)出入口果度, 我前面果架車已經收慢靠左, 諗住佢左轉啦...跟住佢轉到入去報案室門口, 赫然發現佢竟然想掉頭, 但因為我頂住左所以佢掉唔到, 咁佢就想埋一邊, 等D車過晒先.... 跟手報案室就衝左個差人出O黎向住司機大叫:"單程路O黎O架....黐架你", 咁果部車就走O勒

事件三
返到屋企附近, 響水街同德輔道西交界, 竟然見到有部車由水街左轉德輔道西(當時水街落斜係綠燈)!!!
好在我唔係過馬路o者, 如果唔係多多命都唔夠死!
去到橫過水街條馬路, 又有架車響街口燈前收慢搵路, 佢後面個的士佬結果砵到佢暈

究竟依家D人係點渣車ga~!?

[ref=438567]ml27[/ref]  在 2005-12-7 22:43 發表:

事件一
昨天渣車落金鐘西, 由夏愨道轉入去紅綿道, 一綠燈, 我左邊架私家車就標出o黎, 然後響我前面收慢, 去到雙白線前停o左, 咁我咪著高燈照佢囉.... 然後佢騎住雙白線頭過線, 咁我咪俾油去囉, 點知我過o左佢車頭 ...

而家部份香港人駕車, 都真係有點祖國情懷....
當然, 仲有唔少自命車神的, 但駕駛態度以致技術就......
要例子, 本板最少有一位..

當然, 我地見到既都只屬冰山一角, 如果出面真係有唔少駕車人士都
好似呢三件的, 或本板另一例子, 個人來講真係不敢想像香港的路面秩序
會變成點..

奇想: 運輸署"特登""放寬"路試STANDARD, 搏D考生考到牌之後出去
整亂個路面交通秩序, 從而以路面擠擁為由, 鼓勵大家搭多D鐵路,
再CUT走D巴士線乎?!#

[ Last edited by hkbw on 2005-12-7 at 23:23 ]

以前我都見過有司機打左燈轉右！
亦見有d 小巴/的士司機
上客/收錢顧住望後面
搞掂之後就望都唔望前面就開車
就連前面有人過緊馬路佢都唔知
結果架車要急停
先至冇撞到人

其實，都見怪不怪了，類似或更過份的駕駛者都見過，由其係自命冼拿上身的私家車司機和一眾的士佬。

奉勸大家，在路面上打醒十二分精神啦。

有時發現左右隔離架車行到騎騎呢呢咁, 都係避之則吉.
佢地傻起上黎, 會做d 令你意想不到既事.

有次係高登門口, 有部雅廊係街尾等錶位, 街頭有車走,
佢即時高速倒後行, 其時有人過馬路預唔到有車反方向行,
差 d 比佢撞死, 好彩個行人係後生仔, 如果係老人家反應慢,
咁就死得人...

親眼見過既瘋狂駕駛：

1. 上個月，有部私家車係忠考街轉左上孝民街，但係佢係單程落黎果度轉
左上去，行到君逸山才發現有野，又掉返頭落去。(當時我剛行到君逸山外
，啞晒。

2. 兩年前，搭小巴去到厚德商場，落完客繼續沿重華路(單程路黎既)行，前
面突然有部平治剎出，佢見佢迎面有車黎先知自己行錯路，又立即掉頭，好
在佢「入彎」時冇車「出彎」，如果唔係實傷亡慘重！

3. 十幾年前，放學沿喇沙利道落界限街搭車，去到路口過馬路時突然有部車
監粗係界限街轉左上喇沙利道(該路口是不准轉左)，幾乎返屋企變左上天堂。

[ Last edited by HY671 on 2005-12-8 at 11:38 ]

唔關自己事的危險駕駛見得太多，險些兒導致交通意外的親身經歷有兩單：

我在雙白線的雙線雙程路落斜，轉完彎入直路時，見對前三四個車位有架的士越過雙白線爬緊頭（即係行緊我條線），想過對面線一架泥頭車。我與架的士險些兒迎頭雙撞。最抵死係，我dup到ABS都嚮埋，架泥頭車都停低，架的士反而無停過車自顧自的上山……到我定翻神時，架的士已經走左。

十八鄉迴旋處，我由大嶺旗路往元朗公路屯門方向，約以30km/h行緊迴旋處中線（因為之前要停低讓東行車）。去到博愛迴旋處支路匯入位個路口時，見有架車好快上緊十八鄉迴旋處（夜間睇車頭燈），我都已經直覺有異，收一收油。不料，呢架藍色掃帚佬毫不猶疑，以應該超過100km/h直過讓線再落元朗公路，與我車頭只差三尺位。如我我行前多三尺，真係唔知畀佢撞到打幾多個白鴿轉。

好認同Dolphin所言，見到隔離架車行到騎騎呢呢咁，就算你點o岩火位，最好多係讓一讓了事，畀人害就唔抵兼無辜。

[ref=438864]HY671[/ref]  在 2005-12-8 11:36 AM 發表:
親眼見過既瘋狂駕駛：

1. 上個月，有部私家車係忠考街轉左上孝民街，但係佢係單程落黎果度轉
左上去，行到君逸山才發現有野，又掉返頭落去。(當時我剛行到君逸山外
，啞晒。

我係上個月月中都遇過一單類似你講0既 case。

0個日我搭某部 GT 牌 ADS @ 18，係去到山谷道村地盤
時，突然有架七人車係路邊望都唔望就咁掉頭！當時師
傅即刻係咁砵佢，但個七人車司機仲當部巴士無到，即
刻掉頭。

好彩當時師傅即刻 dup 停部巴士，如果唔係第二日我實
上報紙......

青山道很多時都有車輛強行左轉入營盤街(不准左轉，因為青山道
行得時營盤街係綠公仔。)特別係我地星期日o係個頭番教會見得
特別多，可能多唔識路既星期日司機卦？

瘋狂駕駛係一個大問題....但飲醉酒瘋狂駕駛梗是一個問題..
少少個人經歷:
某晚凌晨2,3點行經紅隧, 雙管雙程, 十分暢通..
但前面架civic好似扭蛇咁, 行中間大晒咁樣...
時左時右, 我跟佢後面我都驚左佢呀...見後面
無乜車就收慢啦..我驚佢撞埋牆我自己收唔切制啦..
岩岩慢線有架九巴係度...我估佢都驚左架civic啦..
搞到我同佢差唔多平排咁行....