轉載：廣州火車站安全須知

原帖由 S3BL103 於 2005-12-31 00:04 發表

咁香港都會咁o既,
報紙經常都有報導街上有人搶劫時,好多途人只會圍觀,袖手旁觀~~~:mad::mad:

最低限度都會幫你報警，我早幾年都係廣州搭巴士，
畀5個扒手，夾左2部電話，但當年完全冇防範意識，
係個巴士佬開左車，先敢話我聽(連司機都知)
而家上去個人敏感左好多，最緊要"財不可露眼"
同埋個人個樣要"惡"少少，要經常留意靠近的陌生人，
公眾地方說話同行為舉止要小心，以免被人"起底"，
我個人上廣州，唔會帶銀包，會將錢同證件，放在有繩的膠套，
上到去，會放低少少錢係酒店，出街證件同錢分開放.......;)
但萬一不幸遇劫，都係一句..................命緊要d，畀佢law#

[ 本帖最後由 mat 於 2005-12-31 01:03 編輯 ]

原帖由 mat 於 2005-12-31 00:58 發表

最低限度都會幫你報警，我早幾年都係廣州搭巴士，
畀5個扒手，夾左2部電話，但當年完全冇防範意識，
係個巴士佬開左車，先敢話我聽:
而家上去個人敏感左好多，最緊要"財不可露眼"
同埋個人 ...

那你當年一次過帶兩部電話去廣州？

其實係酒店時一定會把最貴重但唔重要的全部放在酒店，可
是問題所在係離開酒店時，所有行李都會跟身，呢下先至重
要。

"財當然不可露眼"，不過最怕就係見到無野值得搶都照搶。

我反而有興趣想知，有沒有版友見過如果有賊上巴士時，乘客
扮訓覺/訓緊覺會唔會俾人拍醒...

原帖由 mat 於 2005-12-31 00:58 發表

最低限度都會幫你報警，我早幾年都係廣州搭巴士，
畀5個扒手，夾左2部電話，但當年完全冇防範意識，
係個巴士佬開左車，先敢話我聽(連司機都知)
而家上去個人敏感左好多，最緊要"財不可露眼"
同 ...

真係人心惶惶,
其實廣州本地人又點睇?
又世界有冇城市治安比廣州更差?
係歐洲通常巴士比地鐵安全,
但係廣州巴士成日有事,
咁地鐵呢?

原帖由 S3BL103 於 2005-12-31 00:03 發表

相機好似冇事吧,可能佢部DC仔(Digital Camera)夠細部,o的賊發覺唔到卦.....   :mad:
不過如果換著係我部SLR/DSLR點收埋呢? 到時就肯定渣都冇得剩............  :mad:#:`(#:`(

證件我唔清楚........
不過 ...

無0既，廣東自古已經係叫南蠻0既地方，咩省份黎做工0既人都有，治安自然難攪得好。
其實去內地離開左南方，治安就已經好好，d人都有人情味好多。

[ 本帖最後由 ktbt 於 2005-12-31 13:31 編輯 ]

原帖由 ksmbh 於 2005-12-31 01:25 發表


真係人心惶惶,
其實廣州本地人又點睇?
又世界有冇城市治安比廣州更差?
係歐洲通常巴士比地鐵安全,
但係廣州巴士成日有事,
咁地鐵呢?

廣州本地人?
佢地有d人gar心態係事不關己，己不勞心，無咩事唔好理其他人gar野
我在廣州d親戚話如果係在廣州打電話報警同埋call白車會有好多手尾跟
而且曾經有報導指有熱心市民被人報復，加上市內的治安當局不見得好，只係有事gar時候或大日子先做下門面功夫，整頓多時治安不見得好左好多
我d親戚都同我講過廣州gar維持治安gar人係唔可靠的

地鐵...
比巴士好dd...
但界褲袋同扒手仍然存在

除此之外，廣州地鐵衛生不見得好，
一線剛通車時廣州某報紙報導有人在車內大小便...
我個人見過有小朋友在車內小便......

我在廣州出街打的多，特別係晚上，仲有每次路過流花車站同省站附近都會怯.....

原帖由 ksmbh 於 2005-12-31 01:25 發表


真係人心惶惶,
其實廣州本地人又點睇?
又世界有冇城市治安比廣州更差?
係歐洲通常巴士比地鐵安全,
但係廣州巴士成日有事,
咁地鐵呢?

廣州既朋友"十分鼓勵"我"打的"...........
佢地自己都知自己事

其實廣州地鐵比巴士穩陣, 因為地鐵相對上成本比較高, 而巴士成本比較低

而家搭廣州地鐵, 情況比以前好左, 因為係本地人先至有錢搭, 外地人始終較少, 唔信可以睇下一汽14號點解同地鐵2號線接近80%重疊, 都係一汽皇牌熱狗路線

廣州坐巴士(係講坐, 唔係企), 最重要就係唔好放財物響路邊, 我如果係要出去既, 都一定要著褲袋有拉鍊或者帶個袋, 而過袋係要開幾重先拎到貴重財物既, 好處當然係唔比人偷, 但比錢或者聽電話就麻煩啦 不過錢比麻煩重要嘛, 無法

原帖由 wesley 於 2006-1-2 11:30 發表
其實廣州地鐵比巴士穩陣, 因為地鐵相對上成本比較高, 而巴士成本比較低

而家搭廣州地鐵, 情況比以前好左, 因為係本地人先至有錢搭, 外地人始終較少, 唔信可以睇下一汽14號點解同地鐵2號線接近80%重疊, 都係一汽 ...

果de一蚊兩蚊可以帶起褲袋拉埋拉鏈
最緊要係細紙同大紙唔好埋一齊
以免拎細紙比錢果陣 show 埋大紙出離 ...