關於 AMS 482 的不滿

以下是我在TCU 的投訴內容:
本人對此路線的停站位置的管理有所不滿, 事源該專線小巴為通宵路線, 理應可在凌晨0時至清晨6時, 在安全情況下於單黃線的禁區的地方上落客. 另外, 大河道天橋巴士站, 或美田路支路接駁香粉寮街的臨時上落客點都是很適宜供小巴停靠的地點. 但該小巴線自行定立一些指定站頭, 所有司機都拒絕在指定站頭以外的地點上落客.

交通工具是便民的, 尤其是靈活的小巴, 理應隨叫隨停. 希望局方可正視.



完


真係最唔妥佢既就係明明佢係經我o個區, 但係又唔停俾我上車... 見住架車o係我側邊經過, 又唔停俾我, 荃灣假期番沙田就客滿早開車排長龍, ... 湊埋四個站頭客搭的士無咁嬲! 去大圍仲要每人$12.8有找!

[ 本帖最後由 arriva-eric 於 2010-7-27 02:28 編輯 ]

但專線小巴要在小巴站上落客
你的要求就..............

原帖由 dennisung 於 2010-7-27 08:31 發表
但專線小巴要在小巴站上落客
你的要求就..............

綠色專線小巴只是規定了行車路線
但車站則是有關公司自行決定的

一般情況下，理論上，乘客只要站在路線上、且符合交通情況／法例的位置
即可以上車，毋須於固定車站上車。

各處鄉村各處例....
你唔守規矩仲咁鬼惡真係難得一遇...

個個都乖乖地跟站落你就跟啦....
如果真係有需要好多人都會要求響該處落車
就會變成非官方分站，否則你投訴只會石沉大海，無補於事

比你上係人情，唔比你上係公理

更何妨大公司大企業，樹大招風

其實好多綠小線都係跟站上落啦, 咁樣乘客排隊有秩序, 減少打尖機會, 又避免因有客隨街截車而剎車既危險情況, 真係想唔到任何反對呢個安排既理由. 好似CFM咁, 硬性規定依站上落, 乘客不知幾咁接受.

荃灣通街都紅小, 佢地經常無故停車上落既驚險鏡頭, 真係好常見. 如果再多埋綠小咁做, 荃灣交通一定好混亂.

一句講晒, 有權利亦必有義務. 大家相就下, 何樂而不為呢!

純粹個人看法, 不喜勿插.

正常481系/482在荃灣某些沒有站牌的位置，好似西樓角停車場或蕙荃路救護站外乘客按鐘/叫司機都可以落車。樓主提及的情況都可能是個別司機的問題。

482 在荃灣市中心的內街是隨叫隨停的! 但我所不滿的, 為何482 卻不停大河道天橋巴士站 (即 kmb 51 的巴士灣).

另外, 482 是繞經美田路近城門河的, 為何 482 不在美林巴總附近設站, 或在我建議的臨時上落客點停靠呢?




我明白大公司唔想踩過界, 但荃灣/旺角存在競爭嗎... 真係唔明law.

樓主似乎真的有點本末倒置, 為了自己的方便, 恃著凌晨時段好多地方可以停車上落, 就要條線按自己的要求去做.

作為一個公共交通營辦商, 在考慮是否容許上落時, 除左係咪禁區之外, 亦要確保附近環境安全, 以及需求而定. 如果個個都話要係自己想去既地方上落, 咁一條小巴線怕且都要停好多好多次喇, 咁樣咪只有難為左一班司機大佬.

香港既交通可謂非常方便, 作為一個乘客, 若然覺得某一種交通工具未能夠為自己帶來方便, 咁咪索性唔好搭, 轉搭其他交通工具囉.

"香港既交通可謂非常方便, 作為一個乘客, 若然覺得某一種交通工具未能夠為自己帶來方便, 咁咪索性唔好搭, 轉搭其他交通工具囉."

乜咁回應都得ga~ 我講緊通宵小巴wo~ 482 係獨市路線來的

美田/美城/美松三條大村既客要額外多走300米的路去乘搭一架本來經過自己旁邊的小巴, 而那300米都是可以在安全情況下合法停車上落客的, 不是很可笑嗎?
深夜的沒有巴士停靠的巴士灣不能截小巴, 也是正常的?

[ 本帖最後由 arriva-eric 於 2010-7-28 01:59 編輯 ]