點解可以食豬, 但唔可以食狗?

近日動物權益再受關注, 在香港, 虐待動物, 食狗肉, 當然係犯法,
而在內地, 則唔係犯法....

咁暫時唔理法律的問題, 點解一般香港/一般意見都認為可以食豬,
但唔可以食狗?

如果講大家是否一樣, 從一個生物角度, 大家都係哺乳類動物,
基本上, 分別唔大.....

如果講是否聰明, 睇電視好多實驗都證明, 豬係聰明過狗, 而根據
我阿SIR 講, 佢話豬係知自己會被殺, 亦係會喊....只有大家平時
少見....

如果講, 狗係寵物, 豬係家畜, 咁我又認為, 同一種動物, 都可以有
唔同角色, 豬一樣可以係寵物, 只不過體形關係, 唔普及..好似雀仔,
有D種類一般可以食, 如鴒, 有D一般唔食, 如鸚鵡

唯一解釋, 可能是一般狗係人類好朋友? 但點解其他動物就唔係好朋友?

講我自己, 我本身唔係食素, 我覺得食肉本身係人類係大自然與生
俱來的基本需要, 我唔會反對食肉..

但問題只是, 除左豬, 其他動物都係咁比, 點解大家分別都唔大下,
食豬視為無問題, 而食狗則視為不文明同犯法? 係文化差異, 定係
長期習慣問題?

** 香港食狗肉係犯法, 此文並非鼓勵此等行為, 但希望知道有咁情況
的原因

歡迎理性討論

[ 本帖最後由 3ASV196 於 2006-1-13 11:29 編輯 ]

我諗食狗肉犯法，係以前殖民地政府定下，唔知會唔會同英國人或者西方人文化有關。
而較先進國家中，南韓仍容許賣狗肉，而在02世界盃時，亦有西方人士批評過南韓，而
我記得佢地當時係有要求南韓在世界盃期間唔好賣狗肉。

我自己就由細到大都唔食狗肉，原因不明。

原帖由 HK104 於 2006-1-13 11:44 發表
我諗食狗肉犯法，係以前殖民地政府定下，唔知會唔會同英國人或者西方人文化有關。
而較先進國家中，南韓仍容許賣狗肉，而在02世界盃時，亦有西方人士批評過南韓，而
我記得佢地當時係有要求南韓在世界盃期間唔好 ...

我都係未食過狗肉, 如果講文化唔同, 我都認同,
而在中國, 狗一直係較負面的動物, 可以從一D
文字看到, 如豬朋狗友, 都係唔好的, 我地平時
鬧人, 話人"乜你咁狗呀", 都係話人奸, 話人唔好,
D官做得唔好, 就係"狗官"...明顯, 可能唔同西
方文化, 狗唔係中國人好朋友, 直到近代先改變....
但文字上, 仍未改變.....而內地, 仍然可以食..

[ 本帖最後由 3ASV196 於 2006-1-13 11:56 編輯 ]

琴日有3隻小野豬被槍殺添...#:-X
都反映殺豬畀人感覺上唔算太殘忍!!
如果換轉係野狗,點都唔可能槍殺卦~~
因為無論咩解釋都會有大把人嘈~~

雖則有關人仕解釋野豬殺傷力較大,
但我覺得要做的話,要活捉係無問題!!

原帖由 DY8711 於 2006-1-13 14:10 發表
琴日有3隻小野豬被槍殺添...#:-X
都反映殺豬畀人感覺上唔算太殘忍!!
如果換轉係野狗,點都唔可能槍殺卦~~
因為無論咩解釋都會有大把人嘈~~

雖則有關人仕解釋野豬殺傷力較大,
但我覺得要做的話,要活捉係無問 ...

我都好反感, 用麻醉槍不可以?
將牠們送回深山就好了啊, 香港的野生動物已經很少了

原帖由 3ASV196 於 2006-1-13 11:22 發表
近日動物權益再受關注, 在香港, 虐待動物, 食狗肉, 當然係犯法,
而在內地, 則唔係犯法....

咁暫時唔理法律的問題, 點解一般香港/一般意見都認為可以食豬,
但唔可以食狗?

如果講大家是否一樣, 從一個生物 ...

價值觀問題。

東方人唔鍾意食牛，因為牛係農業不可缺少既一部分。
西方人唔鍾意食狗，係因為西方人，特別係英國人視狗
為寵物。

原帖由 DY8711 於 2006-1-13 14:10 發表
琴日有3隻小野豬被槍殺添...#:-X
都反映殺豬畀人感覺上唔算太殘忍!!
如果換轉係野狗,點都唔可能槍殺卦~~
因為無論咩解釋都會有大把人嘈~~

雖則有關人仕解釋野豬殺傷力較大,
但我覺得要做的話,要活捉係無問 ...

的確奇怪, 可以用麻醉槍吧, 即使香港無地方養, 或者俾返內地一d動物園都ok

原帖由 Bristoll5g 於 2006-1-13 14:29 發表


我都好反感, 用麻醉槍不可以?
將牠們送回深山就好了啊, 香港的野生動物已經很少了

原帖由 3ASV196 於 2006-1-13 17:03 發表


的確奇怪, 可以用麻醉槍吧, 即使香港無地方養, 或者俾返內地一d動物園都ok

唔用麻醉槍原因係藥力要2分鐘後先生效喎...#:-/
而且野豬係較普遍既野生動物,
又唔及猴子&野牛咁得人心...所以得到如此下場...

相信無動物園會要野豬呢d無吸引力既動物...
運返內地畀人食就大機會d!!
獵豬隊隊員都話會將d野豬燒烤黎食!!

原帖由 DY8711 於 2006-1-13 17:47 發表




唔用麻醉槍原因係藥力要2分鐘後先生效喎...#:-/
而且野豬係較普遍既野生動物,
又唔及猴子&野牛咁得人心...所以得到如此下場...

相信無動物園會要野豬呢d無吸引力既動物...
運返內地畀人食就大機 ...

係o既....不過如果用d 網, 加麻醉槍, 唔知o唔ok, 不過唔係專家,
可能真係唔得.....

不過香港野豬真係少見d, 係香港..^^

[ 本帖最後由 3ASV196 於 2006-1-13 18:05 編輯 ]

唔好話食狗肉，
而家香港就係當狗係人一樣…

我出街經常見到有人出街放狗，
但係佢抱住隻狗「放」…
仲見過有ｄ人將隻狗放落ｂｂ車度唔駛佢行…
真係好反感…
狗只不過係畜牲而已…

都唔知點解ｄ人對豬咁反感，
但係咁鐘意狗…