[小改動] 綠小 79S 延長至天水圍北

對比79s，77的確係較多，同埋條數點解唔可以咁計？加車後計落條數(車資收入扣減司機人工及油費等問題)無得賺分分中仲要蝕既，比著你係營辦商都會摺線喇。

我話要N269做，只係因為N269仲有運載能力，入天北個分段都搞左咁耐先成事，出九龍要成事就更難，所以我先會搬城巴出黎。再者，城巴夠車隊夠人，相信大部份人都會贊同，原因係比既車費少左。

PS但都無理由同輕鐵同價...正路通宵線點會平過日間線...(N260、N269九龍頭站除外)

原帖由 天瑞總站 於 2010-11-24 23:15 發表 http://hkitalk.net/HKiTalk2/images/common/back.gif
而家都唔少人搭79S落元朗..若果條數咁計,即係而家個分段都要取消!
如果而家一班車去到元朗得返一個客去落馬洲 咁小巴就唔洗蝕?
N269係有運載力 但係呢個向來係另一家運輸公司做緊
何況九巴一向都無乜做呢類分段 (即 ...

都要蝕，不過蝕少班好過蝕多班

落車比錢N241咪有囉...點解N241去到紅磡-美孚可以做到有分段，元朗區就做唔到？而另覓營辦商只係最壞打算。

原帖由 天瑞總站 於 2010-11-28 22:27 發表 http://hkitalk.net/HKiTalk2/images/common/back.gif
你點知一定會蝕?延長之後難道天水圍北一定唔會有人去落馬洲?
為什麼N241有N269就有? N241做緊大半個九龍區,無其他選擇,當然應該要有分段
而家天水圍去元朗向來都係靠79S N269只係區外線
點解79S延長唔可以一定要N ...

聽講現在成個元朗市同天水圍市通宵時段都係得條79s去到落馬洲，客就得咁多，調多幾部車、幾個司機入黎做79s，拉上(天北->元朗)補下(油錢、多左班次無乜客入落馬洲)後分分中無賺既，咁點解要做(營辦商角度)？同你既反對轉公司一樣道理。

話N241做緊大半個九龍區所以要有分段。咁有2,6,6A，成堆新界南下線唔駛設分段啦，反正有其他選擇。兩樣野跟本無得拉埋黎講...

至於責任問題，服務有關路段就有責任啦，點會話關小巴事唔關巴士線？引用你既句子，天水圍北原先唔係79S既責任，你由憑什麼逼佢做呢？

原帖由 天瑞總站 於 2010-11-29 16:36 發表 http://hkitalk.net/HKiTalk2/images/common/back.gif
N269加左分段,難保唔會搶走部份天水圍去元朗既客
咁樣都有機會令79S收入減少

講緊凌晨西九龍只得N241服務所以要有分段
唔代表日間有其他服務,某些線可以不設分段,呢度先係兩回事

最尾一句 的確係有關路段就有責任  ...

N269加分段令到79S收入少左，係因為多左競爭者，而79S延長後導致收入少左，係拉上補下。另外，獨市唔代表要有分段，有競爭亦唔代表唔可以有...

唔需要拗既問題2:你又肯定九巴唔願意？

最後...其實我同你都無必要就呢個話題回落去，大家觀點唔同，亦說服唔到對方，再回落去都無意思=.=

你叫九巴加車，個機會率跟中六合彩頭獎冇咩太大分別