鴨脷洲建制派區議員：運輸署接納１７１早繁拆線

（資料FROM：利東區議員facebook）

之前建制派同白鴿仔砌得咁衡，唔知白鴿會唔會否決咗佢？海怡有個白鴿區議員，佢企硬反對的話照計唔郁得…

舊ＴＨＲＥＡＤ： http://www.hkitalk.net/HKiTalk2/viewthread.php?tid=595328&extra=page%3D3&page=6 鴨脷洲建制派區議員爭取分拆 171 成兩線




[ 本帖最後由 monkey_bsw 於 2011-3-25 22:22 編輯 ]

白鴿黨今朝已有人係利東一帶數171車流
準備還擊

呢個張議員梗係想拆線啦...
我呢個唔係住利東既人都見到佢坐過N次早繁既171出去
根本佢自己就係既得利益者
其實乜野係真相乜野係歪理
佢自己最清楚啦...唔見得架車係利東開同海怡開有咩分別
海怡6分一班上到利東唔會變左12分掛
有171P既時間海怡果邊根本唔會有人坐171
自己居民攪出黎既野自己居民受番係正常
無人叫你見到有位坐既車都唔上係都要等架有窗口位既先上喎
拆線呀, 可以架, 不過唔該將現有P車同主線用車數倒番轉
班次就肯定唔會係7-9, 最少都要12分一班
張生, 只怕到時真係拆左線 你日日打爆九城熱線都唔掂咋

其實171拆線既方案,真正既輸家係利東居民.
明明原本有頻密既班次唔要,偏偏係要拆線將班次隔疏,隨時因少失大.
況且咁樣拆線法,新既171P咪要落返鵝頸橋?海怡/西邨居民肯過你至得架.
其實解決方案好簡單.只要加密171P班次就搞掂晒.
只要P車班次夠密,海怡/西邨既乘客自然會取171P而捨171.
咁樣利東居民有位坐既機會自然大大提升.
議員們,請實事求是,不要作無謂爭拗喇.

先自聲明,本人沒有支持任何一黨,不喜勿插.

既然海怡西邨居民個個都喜歡坐171P的話，咁點解仲要171由海怡開出？由海怡至利東來回都要5分鐘以上，如果分拆171A改由利東開出，可以節省回車時間。

民X黨，算把啦，南區歷年來由民X黨支持既巴士改動同重組，有幾多個係有好下場？

真係個個都鐘意坐171P?
至少有d人係故意上171都唔上171P
況且171P又可能冇位坐,時間又同171差唔多

我相信171上利東會冇晒位問題唔多嚴重
因為我成日見到有車私去利枝道起載
最好嘅辦法就只有加密171P

咦？原來之前白鴿果邊既利東人咁樣RESPOND過…
(FROM 白鴿仔FACEBOOK)

其實大家不如問下運吉點解會接納建議先啦...
唔通運吉會比個陷阱人踩咩...大家都好似都代替左運吉角色

黎個客觀分析ar....

上面有人話加171P班次，咁加一班171P，原有171就會少咁班
搞兩搞，同班議員建議拆線有咩分別?

你加派特別車，咪又係係171抽，咪間接認同人地建議...
不過佢係1拆3，唔係1拆2

真正目的:唔想海怡早繁只剩171P拉疏班次失選票
(不過某議員應該都唔在乎)

不過利東早繁都會養得起條過海線ge

有議員於早繁經常搭171，又有咩問題?
唔係個個都係全職區議員ga，如果係既話我朝朝坐107返工都有問題，更加唔可以提出107改善建議....

---------------------------------------------
其實人地提出建議，駛乜咁高調出擊抨擊好壞
搞到依家運吉接納建議，進退兩難...(呢個就係高調的結果)
(倒返轉ar，某黨經常提建議又有無人高調去抨擊ar，當區居民最了解呢d野)

老實講，有政黨想係今年發圍，積極改善交通服務係好事ar

*仲有喎，當年提倡590拆線，邊個政黨最後自己鬧了一個貨不對辦，之後又潛晒水
呢筆帳都仲未同佢慢慢計

講返171拆線ar，我一定會留意3-4位議員既投票取態
不論贊成定反對，都會得罪一個(or 2,3個?)選區
睇佢想要另一個區，定係保留現有選區la

當然，我歡迎投棄權，即係同居民講，我無意改善171服務
OK，成個鴨利洲都得罪晒

依家該政黨都叻，見勢色唔對路，想轉軑開特別車，
之後又玩數字遊戲延長60%，居民"或"得不償失，想轉軑又唔想轉軑，我比個中立位置你好唔好?

居民唔興比政黨玩暗示架，"居民或得不償失"呢句，
係咪否定左之前佢地既計算班次?由之前口口聲聲變到咁唔肯定

如果佢堅持佢條數無錯，可以拎多一次出黎比居民睇，等居民評下理
如果佢覺得RDP建議171加一架車可以改善問題，得，無問題，人地有心改善力度多過你

*如果有人睇過今個星期南區新聞，相信都唔夠膽相信60%數字

佢唔拎出黎，只會背負"經常以為可以利用居民不了解實情，就可以誇大失實，欺騙或誤導居民"(自南區新聞)的罪名
590重組個次都已經係咁，我寧願信自己計既數/自己既搜集資料都唔會輕易相信個別政黨言論

當然，如果佢拎條小學生都唔會計錯既數但佢偏偏計錯既出黎，無問題，繼續誤導law...

[ 本帖最後由 kay 於 2011-3-26 08:33 編輯 ]

原帖由 kay 於 2011-3-26 08:25 發表
其實大家不如問下運吉點解會接納建議先啦...
唔通運吉會比個陷阱人踩咩...大家都好似都代替左運吉角色

黎個客觀分析ar....

上面有人話加171P班次，咁加一班171P，原有171就會少咁班
搞兩搞，同班議員建議拆線有咩分別?

...

其實睇返依家情況，對於區議員只顧選民心態的話，
多一條線絕對比少一條線好，多一個選擇絕對比少一個選擇好，班次計落唔多覺，吹到做到自己效果就得...
唔排除提拆線o個位區議員都有淡化海怡"損失"，
不過依家資源永遠都得一舊，拆做171P 同171A，兩條線都比原本171 行少左，又照顧到所有目的地 o既客，
係海怡有可能少左D 車，但民主黨係咁話加特車，又係一樣o係o個度扣，
對於我個人而言，結論係話加特車o個 D 一係根本唔知實際資源分配方式，一係用盡方法唔俾任何171系列唔係由海怡開，即係想咩都唔變

原帖由 VA54-HN8897 於 2011-3-26 09:41 發表

其實睇返依家情況，對於區議員只顧選民心態的話，
多一條線絕對比少一條線好，多一個選擇絕對比少一個選擇好，班次計落唔多覺，吹到做到自己效果就得...
唔排除提拆線o個位區議員都有淡化海怡"損失"，
不過依家資源永遠都得一舊 ...

再講，見到個份問卷，一眼就望到有bias
我相信純粹以搭客既角度問就最好，唔應該加鹽加醋，唔講正面效果卻先講反效果，
如果佢夠膽用個份問卷結果擺上區議會，咪睇下有無人反擊la haha

議員要求拆線只係一個"訴求"，運吉話OK，得，麻煩運吉同巴士公司計掂班次同派車(聯營可能要計兩個地盤係平分做定係你要海怡我要利東)
贊成拆線既議員，現時形勢係"過左大海係神仙".....

當然，171P可能要考慮經堅拿道西但唔停該站，行天橋早繁10次有8次都係慢

老實講，171未提拆線個陣，已經有個唔係巴迷既fd問我，點解171硬係要上埋利東先走人?
如果唔係得171呢條獨巿生意，171好有機會係第2條91