17號牌一問

http://www.legislation.gov.hk/blis_pdf.nsf/6799165D2FEE3FA94825755E0033E532/6F088AB9C4BFE0E7482575EE00773151/$FILE/CAP_374B_c_b5.pdf

根據道路交通(駕駛執照)規則第五條, 香港可簽發o既駕駛執照類別沒有 17 - 專利公共巴士, 但事實上運輸署係有簽發呢個牌, 點解會咁o既呢?

據說已經取消了17號牌了﹐唔會再發新的17號牌。

以前﹐經巴士公司考牌﹐只會出17號牌﹐唔會提供「公共巴士」﹐以保障巴士公司培訓員工的成本。

但係﹐同巴士公司檢討時﹐巴士公司都無此需要﹐於是經巴士公司考牌﹐便提供「公共巴士」﹐而不再出17號牌「專利巴士」。同一時間﹐修改駕駛專利巴士要求﹐不再要有17號牌﹐有「公共巴士」便可合法駕駛。

即是﹐有17牌的只會係一些年資長的司機。新入行的只會有10號牌(公共巴士)。

原帖由 acsacis 於 2011-5-3 21:35 發表
http://www.legislation.gov.hk/bl ... E7482575EE00773151/$FILE/CAP_374B_c_b5.pdf

根據道路交通(駕駛執照)規則第五條, 香港可簽發o既駕駛執照類別沒有 17 ...

有無新發 17 號牌我唔清楚，但舊有的應該繼續存在。

如果我無理解錯，運輸署係根據同一規例第 17 條 (1)(a) 款發出 17 號牌，即係限定只有人持可以駕駛公共巴士入面的專利巴士。
但若果駕駛者本身已有 10 號牌，就唔需要考 17 號牌了.... 另外據聞呢個亦唔係好關巴士公司覺得有無需要事，而係不嬲運輸署同
巴士公司都亂亂地，到近年工會開始爭取免試加簽，先至發現法例要求下其實有 10 號牌就唔駛 17 號....

原來係咁......

其實我都覺得怪怪地架勒, 就算係想限制專利巴士司機考牌後o既流動性, 而覺得經專利巴士公司考牌係自動波, 因此唔可以發 10 號棍波牌, 咁乾脆發 10a 牌咪已經可以咯, 使乜整多個專利巴士牌呢? 考到牌果個人如果知道只可以渣自動波巴士o既, 自然會乖乖地留低架喇

da54 兄你咁熟識 d 法例, 咁條例中有無邊條講到有公共巴士10號牌, 就一定可以渣得到 17 號牌o既車咁呢?

原帖由 kei_hk 於 2011-5-3 23:22 發表
據說已經取消了17號牌了﹐唔會再發新的17號牌。

以前﹐經巴士公司考牌﹐只會出17號牌﹐唔會提供「公共巴士」﹐以保障巴士公司培訓員工的成本。

但係﹐同巴士公司檢討時﹐巴士公司都無此需要﹐於是經巴士公司考牌﹐便提供「公共巴士」 ...

其實我睇過專利巴士o既行車証, 只係寫 public bus (xx) (xx 代表間巴士公司名, 例如 kmb), 而唔係 public bus - franchised, 咁即係話, 喺運輸署o既立場黎講, 無論係簽發駕駛執照定係車輛註冊, 其實都只有公共巴士呢個類別, 17 號牌, 正如 da54 兄所講, 只係運輸署長喺公共巴士之下產生出黎o既一個限制性類別, 而正因為咁, 有 10 號牌就可以渣專利公共巴士, 但有 17 號牌就唔可以渣非專利o既公共巴士

http://www.nwstbus.com.hk/about/ ... 116&intLangID=2

原來新巴城巴宜家都有幫新入職o既人考 17 牌, 咁即係 17 牌仍然存在, 個招聘廣告仲講明考到o既牌係 9a/10a/17

原帖由 acsacis 於 2011-5-4 12:25 PM 發表
http://www.nwstbus.com.hk/about/careerDetails.aspx?intJobID=116&intLangID=2

原來新巴城巴宜家都有幫新入職o既人考 17 牌, 咁即係 17 牌仍然存在, 個招聘廣告仲講明考到o既牌係 9a/10a/17 ...

因為有17牌的人﹐即舊人﹐係可以加簽9, 10 牌﹐如果未考過棍波﹐便會加上a (即只限自動波)。

17牌在今時今日﹐可以講係名存實亡﹐因為有9,10牌已經可以駕駛專利巴士。


而去新城學車﹐由於只提供自動波車(即使九巴都一樣)﹐所以你由1,2 號牌直考巴士﹐都會提供  9a, 10a牌。


至於會唔會出 17 號給新人﹐我真係唔肯定。

係就係名存實亡, 但始終.....

一日有 17 牌存在, 巴士公司就可以大條道理唔請 d 有大牌o既人入職, 因為個 17 牌係經佢地培訓考o既, 但就算係經佢地考o既, 如果考自動波o既, 而又想控制 d 人o既流動性, 大可以就咁發個 9a, 10a 牌俾佢地, 咁佢地出去渣唔到棍波, 咁一樣控制到佢地

但最起碼.....如果經佢地考發o既牌係 9a, 10a, 而無 17 o既, 咁一個有 9, 10牌o既人就肯定渣得佢 d 專利巴士, 我曾經就有 9, 10 牌可否渣 17 號車打去運輸署問過, 個職員都唔敢答, 只係話如果你加入專利巴士公司度做, 佢地就自然會幫你考果個牌架喇咁

始終, 我都仲未搵到一個官方o既答案, 有白紙黑字o既法例條文講明有 9, 10 牌就可以渣專利巴士, 如果無左 17 呢個牌, 咁個情況就就會清楚好多, 因為到時經巴士公司考o既只發 9a, 10 a 牌, 咁好明顯, 9, 10 牌就必然可以渣到 9a, 10a o既車勒

我有Ｆriend 在九巴做工程部﹐由九巴去安排學車及考牌﹐考牌後有9, 10牌﹐但係無17牌。平時都要駕駛巴士出街試車﹐同埋做員工接送。

我都問過他﹐是否要去整番個17牌。他說公司早已出了通告﹐有9,10牌便可﹐是運輸處修改了規定。

即是﹐你去九巴做司機﹐有9,10牌便不用再考牌(運輸處路試)。只有1,2牌的才要由頭學車考政府路試﹐完成後有 9a, 10a﹐未必有 17﹐出9a, 10a 原因係考牌車是自動波(除非你有其他重型車的棍波牌)。

有17 同無 17﹐巴士公司都要你做自己公司的路試﹐即係叫你駕駛一部巴士行一段路﹐看看你是否有足夠經驗﹐同埋係唔係雪藏牌﹐駕駛是否合乎公司的安全要求。
過唔到這一關的﹐一樣做唔到巴士司機﹐17牌不是方便巴士公司去選擇準員工而設的。


你打電話去問9,10號車牌可否駕駛專利巴士﹐你這樣問一定考起好多職員﹐因為一般唔會有人問﹐同埋好大機會係1823職員去處理﹐他們都要同你check。

事實上﹐上面都有人講了﹐而家專利巴士行車試已經改用 public bus﹐不再是public bus - franchised ﹐即是有 9,10牌便可駕駛。理論上只有17牌的人﹐反而不能駕駛。

[ 本帖最後由 kei_hk 於 2011-5-4 14:09 編輯 ]

原帖由 acsacis 於 2011-5-4 00:17 發表

da54 兄你咁熟識 d 法例, 咁條例中有無邊條講到有公共巴士10號牌, 就一定可以渣得到 17 號牌o既車咁呢?

唔好咁講，我都係無意中見到....

專利巴士本身就係公共巴士，或者掉轉咁講，公共巴士係分兩類：有專營權的公共巴士同無專營權的公共巴士。 (Cap 230 s4)
我又搵唔到話有咩條文係禁止 10 號牌渣專利巴士，所以 10 號牌容許持有人駕駛公共巴士，應該就等於可以駕駛專利公共巴士及
非專利公共巴士。

Cap 374B 有關的條文自回歸而來都無改過，近年有所謂的改動極可能係運輸署一直都曲解條例，然後糾正返 (其實亦唔係新鮮事)。

而有 17 號牌的，理應可以駕駛專利巴士，而不能駕駛非專利巴士。早幾年巴士公司工會嘈點解 9/10 牌可以免試換 17 牌，
17　牌就唔可以換 9/10 牌，結果嘈完一輪後四大巴士公司只有 17 牌的司機就可以免試換 9A/10A，再後來唔知咩時候就連
17 牌都唔駛考/換，有 9/10 就渣得專利車。