建議重組沙田來往西九龍的巴士線

原帖由 dippy 於 2011-12-9 23:04 發表 http://www.hkitalk.net/HKiTalk2/images/common/back.gif
先不理用車等技術性問題，如果以定線論，個人認為這樣分配比較恰當．相關的九龍塘四Ｍ延長去石硤尾／大坑東，免費轉獅隧線

故提出以下路線
...

要明白如此改動係無著數，行車里數長左(大條道理加價)，但行車時間又唔係有明顯優勢
係九巴角度，既流失客源，油費又用多好多

可以將以上路線係早繁開幾班試下，唔需要一下子完全取代原有路線
相對地增加乘客接受程度，減低影響

現在討論以上路線既定線
281X總站可以擺火炭鐵路站(原82K總站)，可解決泊位問題
282X水泉坳需求甚低，仍在發展當中，總站現階段可以放博康/沙田圍
284X不需入沙市(因為249X)，免資源重疊
285X 經大學，時間上無優勢，可改經濱景(不經亞公角街)
281X/282X總站可選尖沙咀東(麼地道)，考慮途經尖碼，擴大客源

原帖由 GL3789 於 2011-12-9 19:45 發表 http://www.hkitalk.net/HKiTalk2/images/common/back.gif
有點要指出，非繁86C由利安出歌和老街大約35分鐘，就算唔經大圍時間上都差唔多
40X城隧出返烏溪沙總站，最少都要40分鐘
結論就係馬鞍山往返市區，行青沙公路係無明顯優勢
既然86X全日，唔應該再走回頭路開一條兜晒成個沙田先上公路既線
89C做成咁，再開一條線經錦泰都唔知吸得到幾多客

咁呢度就奇怪喇，行既距離差唔多，點解40X同86C沙田一段時間會爭咁多？

重點係：行晒成個沙田，就算唔係比行公路慢好多（應該會慢起碼個幾字），
感覺其實唔好，我個建議擺明就係解決現有問題之時，捉埋地區人士心理。

我建議條86C，行晒成個沙田先上公路，但係錦泰本身無得揀，
同時定線對濱景至大圍之間一段其實相當直接。
再者，86C係沙田段慢而巿區段快，去長沙灣一定快過行獅隧兩個字，
長沙灣以後唔使慢慢停晒深水步至石硤尾先入隧道返沙田。
繁忙時間優勢更明顯，獅隧例塞而青沙相對暢通。

你可以當86C係一條長沙灣來往半個沙田、馬鞍山的半特快，同時又順手執埋大角咀客。

沙田出深水步，獅隧係不二之選，行青沙時間反而更慢
除非繞過塞車路段，否則行青沙公路出九龍真係毫無優勢
另外巴士絕對唔能夠與私家車/旅遊巴相比，行青沙時間上唔一定會佔優，但油費就一定貴左唔少

行青沙，去長沙灣一定快兩個字，返沙田方向的優勢更明顯，
再者南昌街果堆燈陣，感覺頗差。
至於油費？全程里數差唔多，全程行車時間都差唔多，點解會貴左？

當然我成個建議唔係為左搬線上青沙而搬，我都係揀一D適合的去改。

原帖由 DIH 於 2011-12-9 15:46 發表 http://www.hkitalk.net/HKiTalk2/images/common/back.gif

86
將條86拆成83/86，望落去似乎有點重疊，計埋72，
源禾、市中心總共有三條全日線去深水埗欽州街一帶。 ...

反而我個建議或者可以創造條件，俾72全日不停沙田。

原帖由 dippy 於 2011-12-9 23:04 發表 http://www.hkitalk.net/HKiTalk2/images/common/back.gif
先不理用車等技術性問題，如果以定線論，個人認為這樣分配比較恰當．相關的九龍塘四Ｍ延長去石硤尾／大坑東，免費轉獅隧線

故提出以下路線
２８１Ｘ佐敦（渡華路）－禾輋／火炭山尾街
渡華路開經佐敦道，彌敦道，亞老街街，連翔道，青沙公路，大埔公路大圍 ...

我覺得無必要差唔多將所有沙田來往西九龍的巴士線搬晒上青沙，只需搵適合的去改已經得。

M線拉落石硤尾本身無乜著數，上面GL3789已經提及。
另外仲有一點，86/86A/87A/87B仲有一個角色，就係執澤安/石硤尾 <-> 深水步/長沙灣/旺角的流水客，
特別係澤安村，雖然人口少，但係交通本身已經唔方便，佢地亦無得揀，
將86/86A/87A/87B同時改走晒，對佢地好大影響。

所以呢個就係點解我改幾條線上青沙的同時，堅持留返86、86A同半條87A、半條87B。
86改去南昌站，可以食埋澤安來往西九龍新區的客。
86A拉落美孚，令到澤安來往美孚仍然唔使轉車。
南昌站、美孚、澤安同屬深水步區，同一區之間要轉車，其實唔合理。

另外就係，我留返86/86A/86X行獅隧，
令到石硤尾來往沙田，搭開86系的大部分人都唔會受太大影響，
只係去石門一帶要轉車，但係換返黎去火炭唔駛轉。
改線的同時，盡量都唔好影響到太多既有乘客，對佢地構成不便。

原帖由 dippy 於 2011-12-10 12:14 發表 http://www.hkitalk.net/HKiTalk2/images/common/back.gif
我都知M線拉落石硤尾無著數, 石硤尾繁時一班車都未必上到十個人
只係如果無線補償就會過唔到
所以唯有用幾條M線做埋
而且用多左既車都係81/88M合併度填得番條數
咁到時成個青沙網絡搞好左就可以過橋抽板, 淨係留番一 ...

石硤尾入沙田唔係完全無客的。

至於澤安村的問題，我梗係唔會期望重組後的86系主打澤安村搵食啦，
只係諗住執多幾個當bonus。
都係果句，果度人口少，但係交通配套本身差，唔好連佢地僅有既都拎走埋。
我建議的83/86C已經覆蓋到大半個沙田，再加埋半條87A、半條87B同埋281X/287X
沙田大部分地區都有青沙線，覆蓋唔會差過城隧線好多（當然班次無可避免有顯著距離）
當然，青沙如果有幾條全日線，應該設立轉乘，
不過我唔會視建立青沙轉車網絡為主要目標，唔會為左建立青沙巴士線網絡而夾硬拉線上去。
你會留意到，我的建議縮短長沙灣、大角咀、深水步往返沙田的行車時間的同時，
亦都能夠俾返石硤尾一帶合理的服務。

至於深水步來往沙田，視乎係邊度出發，我相信如果係欽州街果頭的話，
青沙肯定會比較快，但係如果係黃金、近石硤尾果頭的話，青沙的優勢唔會太明顯。

[ 本帖最後由 S3BL100 於 2011-12-10 12:32 編輯 ]