建議重組九巴13D及13P線

原帖由 dippy 於 2012-5-28 02:44 發表 http://www.hkitalk.net/HKiTalk2/images/common/back.gif

咁13P依家有幾多人坐到麗閣先
係條線唔到深水埗西部就揾唔到食
經旺角, 如果班次密而價錢唔貴
98C(重點只係無比較), 2A都有客支持
但新13D點都唔會係抵坐困堆
坐得既都係想喺時間同錢之間攞個平衡
如果時間又耐過40, 價錢又平唔過40
根本搞黎都無意思
因為40已經係平(至少對比紅小)得黎唔慢
新線收6.8-7.3, 點都要再快一D先能夠說服乘客比多D坐新線

都話左我改13D唔係為左取代40連接長沙灣同觀塘的功能，
兩條線服務範圍根本完全唔同，13D做荔枝角道、南昌富昌，40做元州街青山道，點取代？
我改13D只係為左提昇秀茂坪、協和街、觀塘往返荔枝角道、富昌、南昌的連接，係咁多。

同埋我唔明點解你一定要俾「新線收$6.8至$7.3」綁死自己。
42還42，42因為去得遠D，行條路又直，兼且回程分段$5.7，
總之四順還四順，秀茂坪還秀茂坪，13P而家都係收緊$6.1，
13D改完之後都收返$6.1係合理。

延長版6D既班次根本仲密過依家40
之前已經計好哂數, 係做到既
所以再搞九龍東西線就麻煩儘量快
用時間黎換錢

唔可能，6D根據RDP方案，11架車做最密11分鐘一班，
如果拉入觀塘裕民坊，加一架車都可以做到11-12分一班既，
再拉長就肯定拉疏晒，都唔知你點計。
只憑自己經驗作數，RDP有晒班次數據推算行車時間又唔信，計出來的結果根本無參考價值。

同埋13D主要係俾秀茂坪、協和街、巿中心來往荔枝角道/汝州街、富昌南昌用的，
唔該唔好搶秀茂坪資源，將條線變到唔似樣，連協和街都唔經。
你地想有條線由荔景開，做半特快入觀塘，
唔該自己搵42的資源去做，同時又要分返資源俾四順做條正經少少的西九線。

如果新13D只係順手offer多個選擇比荔枝角道
但條線本身收6.8
咁同原本用296C經旺角有乜野分別呢
依家296C就係太慢, 吸唔到幾多客, 仲要到喉唔到肺先搞成咁
你倒多條13D落黎結果都係一樣

我建議條13D係收$6.1，唔係$6.8，收$6.8果條係做翠屏麗港城經觀繞出旺角的13P。

296C根本食唔到富昌南昌（至少出觀塘果程），13D食到，
而且收費又比較有吸引力，要13D好過要296C。
如果296C係因為太慢吸唔到客的話，點解同樣要入旺角的2A
由麗閣至旺角前客量又可以有返咁上下？
又，你都識話296C吸唔到幾多客，咁西九係咪應該放返走條屬於將軍澳的296C，
俾將軍澳自行用296C的資源做返D更實際既野？

原帖由 hon_son_wilson 於 2012-5-28 10:13 發表 http://www.hkitalk.net/HKiTalk2/images/common/back.gif

不過，如果所謂的繁時東西九快線係行南昌街、龍翔道，可能比較容易抽車，亦都一舉多得。
間接幫補2B,2F橫頭磡、黃大仙段，6D新蒲崗段，由6D,2F,2B,原40等線(etc)抽車，
甚至取消2B由7M<>2F轉乘或2F繞道竹園邨取代，可能OK。

2F已經夠慢，繞經竹園邨並不可取。
除非係2B/2F重組，2B拉上慈雲山，2F不經橫頭磡、九龍塘、南昌街，
改做循環線，呈祥道直去蝴蝶谷，之後經青山道、大埔道上返龍翔道直飛黃大仙，
一快一慢的組合就有得諗。

不過重點都係，東九西九之間係咪需要咁多條線？

原帖由 dippy 於 2012-5-28 12:54 發表 http://www.hkitalk.net/HKiTalk2/images/common/back.gif
事實已經證明, 東西九線行龍翔道根本唔會快左
反而行界限街更為直接

如果新線行荔枝角道/長沙灣道, 根本唔會構成直接兢爭
你諗下212同6C, 2A同6D既深水埗段, 甚至32同36B(36A)
將來6D係服務青山道, 石硤尾
13D可以做半直通路線, 主打秀茂坪, 觀市, 深長荔, 荔景
時間已經贏依家40/42

而家1A、2A、16、98C繁忙時間都爆到九彩超負荷，95都唔差得遠，
13D係唯一一條旺角來往觀塘/觀塘山上，繁忙時間仲包保上到車的線。

唔係唔俾你開條東九西九特快（雖則我質疑有冇呢個必要），
但係開的話，唔該唔好咁自私，打劫來往觀塘山上同旺角的13D的資源，
搞到觀塘<->旺角一段唔夠載，好無？

或者咁講，你抽得13D資源，一係條線一定要經旺角，
一係唔該分返一半車俾1A、2A、16、98C等線加班。

原帖由 dippy 於 2012-5-28 14:59 發表 http://www.hkitalk.net/HKiTalk2/images/common/back.gif

只能夠咁講
你重組果區, 咁其他原本服務區都唔駛有服務提昇
甚至恣意令其他區既服務大幅倒退至無服務
你成日話麗港城阻住哂40重組
我夠可以話你借牛頭角之名喺度齊up啦
因為"XX線根本唔係服務YY區, 所以唔存在YY區等價交換既問題

更何況你都說服唔到九巴要offer一個6.1而唔係7.3既東西九線俾麗港城

唔好意思，我搞13D幾時令到其他區服務大幅倒退甚至無服務呢請問？

至於你話點解「九巴要offer一個6.1而唔係7.3既東西九線俾麗港城」，
第一，我建議果條13D係唔經麗港城的；
第二，入深水步果條13P而家收緊$6.1，因此13D改入深水步亦應該收$6.1；
第三，唔知當時係邊個建議6D拉入麗港城收$6.1既呢？

原帖由 dippy 於 2012-5-28 14:09 發表 http://www.hkitalk.net/HKiTalk2/images/common/back.gif

你會唔會調轉左黎諗呢
依家呢條又爆, 果條又爆
係得"牛頭角"果條13D唔爆
咁講左乜呢
咪就係條13D根本無用囉
如果咁有兢爭力, 就唔會D人寧願迫其他線都唔坐你條13D啦
而且D 1A, 2A, 16, 98C, 95咁多人坐, 咁自然而然會有車加
根本唔需要重組時"借"人地既車
13D重組受益既唔止係觀塘, 西九, 連你個牛頭角都有份用
(當然, 如果你堅持牛頭角道山頭主義既話, 根本唔駛討論)
仲未計原本坐98C都上唔到既秀茂坪同得條42既荔景
呢班人係你收足佢7.3都會坐既

而家你樓下條12都唔係好爆，係咪又係無用？
296C都唔係好爆，係咪應該成條摺左？

成件事我只係睇到你為左有條東西九特快，就走去藉人地條13D過橋，
自己西九就乜都唔使付出，未諗過會點樣影響原本13D觀塘區來往旺角的乘客，
未諗過會搞到觀塘<->旺角超負荷，就搶人地資源，
做一D同13D現時主要客源扯唔上任何關係既野，咁即係點？

13D雖然唔爆，但係繁忙時間都要企人，無左13D來往秀茂坪/觀塘<->旺角，其他線食唔食得落呢班客？
你話1A、2A、16、95、98C等線可以加班，但係車從何來？
你話可以「自然而然會有車加」，但係加得既車實際咪又係由其他線抽，
況且rdp話加車果d，最終有幾多真係成功加到？
1A咁爆，前幾年夠試過為左交數而減車啦，好彩係1A做得密兼經常拖卡先唔多覺咋。
總之你將成條13D抽走既話，1A、2A、16、95、98C果堆線係要即時加班，
咁即時加班係邊度抽？咪又一定係由13D抽，
你唔好諗住咁著數乜都唔使付出就打劫人地，
指望「自然加車」俾其他觀塘旺角線，實則迴避點樣滿足受影響原有乘客的問題。

13D而家唔爆，但係做埋深水步就會岩岩好夠爆，又唔影響而家搭佢去旺角果班客。
咁富昌、南昌多左條站位更就腳的線入觀塘已經賺左，係咪需要將自己快樂建築在他人痛苦身上？

翠屏總站行去地鐵站的確係十分鐘內的事
近寶珮苑果邊則慣左行上協和街坐車
公道D講, 翠屏真係無乜需要再放線入去

至於麗港城, 既然依家40通過都無咩問題, 無需要比13P入去

反而你另一篇文既拉24真係諗得過,
全程行偉業街更加可以進一步同15A重組


另外來往東西九龍, 我諗緊296C觀塘道加多一個半個站,
新蒲崗至旺角段13P化, 西面拉到去甘泉街, 來回行長沙灣道
應該可以入旺角同時唔會太慢, 又可以比KMB搶下錢

[ 本帖最後由 LAK2 於 2012-5-30 10:05 編輯 ]