建議取消 N680 中環港澳碼頭尾班車

根據觀察, N680中環港澳碼頭開出之尾班車, 經常跟680金鐘東及681香港站開出之頭班車近乎同步途經銅鑼灣至北角一段, 引致該班N680客量極低, 浪費資源, 建議N680中環尾班車取消, 該部九巴改行其他路線.

680同681港島頭車係咩公司?

原帖由 坤仔 於 2012-5-28 15:15 發表 http://www.hkitalk.net/HKiTalk2/images/common/back.gif
680同681港島頭車係咩公司?

分別係新巴及城巴.

照你這樣講，那麽N8X頭班同N72頭班都唔駛開嚕，反正分別同2/8X和77孖住上。

原帖由 Choi 於 2012-6-2 22:52 發表 http://www.hkitalk.net/HKiTalk2/images/common/back.gif
照你這樣講，那麽N8X頭班同N72頭班都唔駛開嚕，反正分別同2/8X和77孖住上。

N680只得上環至中環一段商業區唔同, 清晨有客機會好低, 中環其餘路段基本上用681搞掂, 金鐘開始路線同680幾乎一樣,
得個雅典居唔同, 而我講緊N680尾車果個客量極低, ０客量唔係誇張, 即使係大節日, 譬如聖誕/新年/年宵/中秋, 有鐵路通宵行走,
即使係搭巴士, 清晨時份已經水尾, 680/681都夠清客啦, 真係睇唔到呢班N680中環尾車開黎為乜!

N72 vs 77, N8X vs 2/8X路線上根本有幾點唔同, 而且係用通宵車頭班車比較, 冇得比喎!

原帖由 EX-TL 於 2012-6-3 01:50 發表 http://www.hkitalk.net/HKiTalk2/images/common/back.gif
N680只得上環至中環一段商業區唔同, 清晨有客機會好低, 中環其餘路段基本上用681搞掂, 金鐘開始路線同680幾乎一樣,
得個雅典居唔同, 而我講緊N680尾車果個客量極低, ０客量唔係誇張, 即使係大節日, 譬如聖誕/新年/年宵/中秋, 有鐵路通宵行走,
即使係搭巴士, 清晨時份已經水尾, 680/681都夠清客啦, 真係睇唔到呢班N680中環尾車開黎為乜!

N680 0550係九巴開
680/681港島開既九巴時段分別要到0740/0700(假日0720)
架車點都要返馬鞍山做生意
取消個班但又要私番去，無野搵野黎搞

原帖由 GL3789 於 2012-6-3 08:36 發表 http://www.hkitalk.net/HKiTalk2/images/common/back.gif
N680 0550係九巴開
680/681港島開既九巴時段分別要到0740/0700(假日0720)
架車點都要返馬鞍山做生意
取消個班但又要私番去，無野搵野黎搞

一. 680 2005年由中環港澳碼頭縮短至金鐘之後, 港島區頭班車仍然開0610, 清晨往新界方向客量少, 變相推遲服務時間, 其實尚算合理.
     N680中環港澳碼頭尾班車繼續開0550, 原本問題不大, 不過近年巴士公司要節流, 慳得幾多得幾多, 但行東隧+大老山淨計路費
     已經$151一單(東隧$75+25, 大隧$32+19, 唔知有冇計多?); 而實況亦話俾我知, N680尾班車及680+681頭班車原來未過海已經拖卡,
     識搭o既乘客應該唔會咁醒上N680啩, 刻意要搭九巴者冇佢符! (以上情況係過去幾個月睇番黎o既, 唔知係咪7年來都係咁樣燒錢法!)

二. N680港島區尾班車開0550, 根本冇可能20分鐘先行到金鐘去同680 0610頭班車拖卡, 最離譜見過一次0635先去到維多利亞公園,
     當日都覺得奇怪, 「正常」係0623左右會見到N680同680北角拖返馬鞍山, 當日就得番部新巴680, 原來係N680開慢左/有事而遲到!
     另一邊廂, 新巴N680錦英苑尾班車, 0550開出, 0630已經出到維多利亞公園, 班次好穩定, 通宵線清晨時段計客量唔算差.

其實想藉住本建議, 要求巴士公司/運輸署正視日間巴士線擴充/縮減服務後, 通宵巴士現時營運狀況仲合唔合時宜, 眼見日間路線呢幾年
不斷有派人調查客量增減班次調撥資源, 有更多被無故削減班次(脫班); 反觀通宵路線就好似被所有人(包括巴士公司)遺棄, 或者係所謂
社會責任作怪, 要繼續開, 夠唔夠客唔理, 班次亂晒大籠又唔理, 資源重疊又唔整治, 好似個個缺乏維他命A得o左夜盲症! 最唔想睇到o既,
係要日間路線不斷開源節流o黎貼果D亂o黎一通o既通宵路線!

記得以下篇文, 係上年站友開文講N680班次失準, 而家班次準唔準唔清楚, 至少睇得出N680(尤其是九巴服務時段), 尚有改善空間.
http://www.hkitalk.net/HKiTalk2/viewthread.php?tid=631867&extra=page%3D7%26amp%3Bfilter%3D31536000%26amp%3Borderby%3Dreplies%26amp%3Bascdesc%3DDESC

至於你話果部九巴點都要返馬鞍山做生意, 講真, 唔做生意私牌行紅隧+獅隧返沙田仲好啦, 司機唔駛就住就住咁行, 路程短D,
路費又少一大截(紅隧$15+10, 獅隧$8, 唔知有冇計多?), 何樂而不為?!

原帖由 EX-TL 於 2012-6-3 16:58 發表 http://www.hkitalk.net/HKiTalk2/images/common/back.gif

一. 680 2005年由中環港澳碼頭縮短至金鐘之後, 港島區頭班車仍然開0610, 清晨往新界方向客量少, 變相推遲服務時間, 其實尚算合理.
     N680中環港澳碼頭尾班車繼續開0550, 原本問題不大, 不過近年巴士公司要節流,  ...

如果係資源重疊，點解唔係推遲680/681頭車?

講到開源節流，好多通宵線都要摺
但摺左都係杯水車薪既時候，who care?

[ 本帖最後由 GL3789 於 2012-6-3 19:39 編輯 ]

原帖由 GL3789 於 2012-6-3 19:21 發表 http://www.hkitalk.net/HKiTalk2/images/common/back.gif
如果係慳成本，點解唔係推遲680/681頭車?

講到開源節流，好多通宵線都要摺
但摺左都係杯水車薪既時候，who care?

但你唔覺得呢條尾班車開0550真係好晏咩?

上文間接/直接提到, 如果N680尾班車跟足時間表, 及以正常速度行車, 根本唔會20分鐘先去到金鐘,
因為680頭班車13分鐘已經由金鐘去到北角, 咁點解N680尾班車要33分鐘先可以由上環去到北角呢!

開源節流只係建議取消原因之一, 最重要係公司本身未做好自己本份, 間接影響乘客甚至其他巴士公司.

680/681推遲頭班車咁又點, 照你上面咁講, 新巴/城巴都要有車返馬鞍山開工, 私牌入即係冇野搵野黎搞!
仲將原本果幾個客送埋俾人, 班客又要俾多D錢坐N車, 九巴搵埋呢幾個客o既錢有幾多呀? who care?

原帖由 EX-TL 於 2012-6-3 20:09 發表 http://www.hkitalk.net/HKiTalk2/images/common/back.gif

但你唔覺得呢條尾班車開0550真係好晏咩?

上文間接/直接提到, 如果N680尾班車跟足時間表, 及以正常速度行車, 根本唔會20分鐘先去到金鐘,
因為680頭班車13分鐘已經由金鐘去到北角, 咁點解N680尾班車要33分鐘先可以由 ...

推遲日間線頭班會比人投訴服務縮減/搶錢的,
縮通宵線尾班就無搶錢的問題
只係其實日間線私牌的成本會較低, 因為可以由廠直接私過海, 慳返廠去總站的路程