減少發夢的方法

試下係訓覺之前既半個鐘內，唔好做用腦用太多既野，
例如睇電視、打機等，因為呢類活動係你停止唔做之後，殘餘既記憶仲留係腦入面，
結果你成晚都會諗住頭先打既果肚機，又或者果場波，
好容易就會發有關既夢，而呢類夢都係高危品種，好易令你訓唔到覺。

小弟係廠頭有部 Hi-Fi，上床時就開著佢，set 好 10 或者 20 分鐘 timer，
聽住柔和既音樂訓覺，效果唔錯架。

只要「有些東西」在潛意識裏
那些東西便可能在夢境中出現

個人認為反而是因為生活而令到睡眠質素差
夢只是睡眠質素差的表現而已

其實夢同現實係同步進行？定還是有time lead？
例如好似4樓板友所講，o係夢境鬧鐘響，好多時都係因為現實發生緊，
但係o係大腦又點會知鬧鐘將會響起，從而令到夢入面既情節又配合得到。

原帖由 on11358 於 2006-2-28 09:52 發表
其實夢同現實係同步進行？

我聽過朋友講 .. 如果某段時間o係自己身上發生左一 D 事 , 不論係好或者壞
而又好影響到自己不停咁去思想果件事 .. 訓覺時大腦就會放鬆唔到
其實都係日有所思夜有所夢 ..
而夢境好可能就係反映該件經常去思想既事 ...
或者人物 / 地點 / 物件等等既角色會有唔同 ..
但係每個角色都可以代入返該件事
而呢 D 夢係特別記得..
醒左之後將個夢慢慢咁記返出黎 ... 再代入角色
就可以解到個夢
某程度上覺得咁樣係好 ... 起碼好似有個提示比你下一步應該點做 ..
或者反映件事既成因 .. 日後就去避免
但係負面影響就係如果件事係一件負面既野黎 .. 就可能會令自己緊張
害怕再去入夢 ... 咁就令到自己訓得唔好

呢D都係自己o係兩年前一個經歷同部份由朋友口中得知
*當然唔肯定人人都係咁 / 做到 ..

原帖由 bose_hung 於 2006-2-26 23:01 發表


呢個講法係小弟唔知幾時睇過Ｄ唔知乜o野書「依書直說」，
而且放落你同小弟身上，
都似乎幾吻合：
至少小弟同你o係 iTalk 入面所出o既文，
都係幾多論點，
部份論點會俾板友指責「太極端」、「諗得太遠」；
間唔中亦要應付板友o既「攻擊」，
要忙於諗 point 「接招」……
呢Ｄ都係令你同小弟「緊張」而引致多夢o既共通點之一。

其實呢D原因自己係可以去避免 ..
反而我想知既係點解會有一D"無黎頭"既夢 ..?
而果D夢 .. 發 10 次只有 1 ~ 2 次醒左後仲記得
好多時呢D夢真係好奇怪 .. 例如
明明自己o係一個地方,轉過頭就會去左另一個地方
同一個人講緊一個話題,突然會變左第二個人同你講野..(都係講同一樣話題)
其實呢 D 夢係有無多解呢 .. ?

原帖由 ming 於 2006-2-28 01:14 發表
只要「有些東西」在潛意識裏
那些東西便可能在夢境中出現

如果腦中潛意識 .. 而夢境真係出現左
會唔會代表該件事係真既呢 ?
定係都係自己多疑 .. 根本無該件事 ..
而自己又去思想
先會令到夢境中出現呢 ?

原帖由 on11358 於 2006-2-28 09:52 發表
其實夢同現實係同步進行？定還是有time lead？
例如好似4樓板友所講，o係夢境鬧鐘響，好多時都係因為現實發生緊，
但係o係大腦又點會知鬧鐘將會響起，從而令到夢入面既情節又配合得到。

我以前睇本英文書（教科書？），話有個人夢見自己由參加法國大革命，
到被斷頭台處死的過程（至少都「幾日」啦），醒來時發現床上的一塊板跌了下來「斬」在自己的頸上。

我認為是，身體受到外界刺激，但大腦和身體又不能即時運作，於是「虛應故事」，
求其亂作一些事來令刺激「合理化」，或者可以說是由深眠到醒來的緩衝過程，
而夢中時間與外間時間是不配合的，可能大腦在甦醒的過程中「開行turbo」，令處理問題的時間加快。

原帖由 DIH 於 2006-2-28 18:27 發表

我以前睇本英文書（教科書？），話有個人夢見自己由參加法國大革命，
到被斷頭台處死的過程（至少都「幾日」啦），醒來時發現床上的一塊板跌了下來「斬」在自己的頸上。

我認為是，身體受到外界刺激，但大腦 ...

呢個我都有領會過，
如果你入夢左一小段時間你個腦可以做到好大後時間既夢境出黎，
咁即係發夢既速度應該係視乎你個腦個運轉速度？

仲有我聽過發夢既原來係因為心情不佳壓力大，
果啲人就會成日發夢，而且我心情唔好既時候真係有夢會發架啵…

原帖由 dennislokawai 於 2006-2-26 21:17 發表

深眠即係點？
我發完d夢好多都記得番的，
差在記得幾多而己。

(尋晚個夢仲好記得，仲搞笑到現實鬧鐘響當左夢景..)

現實鬧鐘響當左夢景我都試果，結果就係搞到返工遲到!

試過我發夢有d零碎的片段,現實有實現。

P.S.我都有一個月冇發夢了。