對d的士今日係中環抗議行動好反感

佢地抗議指d白牌搶生意無錯
不過 佢地打橫d車阻街,,阻到市民 又阻自己做緊生意既同行

佢地話機場有白牌搶客 佢地自己咪又有d平價折扣的士周圍搶客

有時真係好憎d的士業者 郁d就話遊行罷駛
跟住又做d損人不利己既野
我覺得佢地有咩不滿 就做d激烈行為迫政府讓步

諗深一層 佢地既服務質素(部份人士) 係其中一個令佢地生意唔好既原因
好似有d坐短程既 唔知同佢有仇 定佢同架車唔妥
踩大油 大腳brake 高速衝過減速石膊 令到d客坐得好唔舒服
成日架車係d禁區等客 唔理後面d車塞死
一見到有客 唔理咩路面情況一抽幾條線埋去
我見過有d行錯路即刻入後波(不過果度係highway)

我屋企就係做白牌既，有時唔係話搶唔搶佢地生意，
係有d生意佢地根本做唔到。

好簡單，我地主要客源，係真係有大件野跟身既人，
譬如成隻木門掉上車，裝修師傅又會有大把架生，
就算上到車，你估d的士大佬會唔會黑面？

仲有係入機場，五個人五六件大行李，的士車唔晒，
咁點好？叫人地搭兩部的士？唔係下話...

唔好話我有利益衝突，我都要話，香港d的士司機，部份真
係好過份，駕駛態度差唔在講，仲要下下都用市民利益黎
威脅政府，搞到自己被嚴打，到時真係唔好怨囉。

首先我作此作出利益申報:
我家父是的士司機來的.

但係現在的的士司機有時連車租,入汽錢都做唔到,
即係做到要倒貼! 宜家仲要話加汽價, 一加加禁多,
真的可是百上加斤, 試問問沒有加價前的情況
已是如此了, 加價後的後果真的請各位自行想像.
不錯, 有一d的士司機行為真的不能接受, 老實講,
今天的行為我是不能接受的. 我覺得應該會有
其他一些比較溫和的方法來表達訴求.

我自已並不會怪白牌搶生意, 因為白牌車都係同
的士司機一樣都係搵餐飯食. 其實造成今日的局面,
不多不少都同政府有關, 因為政府監管不力, 成日
造成油公司 "加價加得快, 減價減得慢"的情況出現.

ps: 我已經做到盡量中立了, 如果有得罪的地方,
請多加見諒.

另外，亦不要忘記的士的牌費與白牌的差別！
白牌係平好多，亦對的士造成不公！

建議政府把白牌van限制乘客於兩位內，反正白牌van以載貨為主！

原帖由 aeroplane 於 2006-3-1 20:59 發表
另外，亦不要忘記的士的牌費與白牌的差別！
白牌係平好多，亦對的士造成不公！

咁的士牌價咁高係邊個做出黎既呢？

原帖由 GK9398 於 2006-3-1 21:04 發表
建議政府把白牌van限制乘客於兩位內，反正白牌van以載貨為主！

我唔同意你呢個講法，貨VAN係叫做客貨車，有好多行業係要車貨又車人，例如係裝修。
咁改的話，就算我地做唔到既生意，的士都一樣做唔到。

原帖由 aeroplane 於 2006-3-1 20:59 發表
另外，亦不要忘記的士的牌費與白牌的差別！
白牌係平好多，亦對的士造成不公！

要留意的士既牌價係自由市場，政府完全唔干預，正所謂
願者上釣，買的士做車主時應要衡量自己既力量，如果唔
夠錢，不如買架貨VAN好過！

不過今次受影響既應該係租車既司機為主，所以唔好愈講
愈遠喇。

好老實講，就算我地貨VAN 司機，都曾經有就油公司加快減慢呢個Issue
搞過遊行慢駛，不過係星期日，只係沿路守法表達不滿，而唔會好似今日
咁，阻塞交通囉。我絕對相信如果貨Van 都係咁做的話，後果絕對會比今
日四架的士攔路嚴重得多。

[ 本帖最後由 arhang2001 於 2006-3-1 22:10 編輯 ]