建議2A縮短至蘇屋, 增辦22A彩福－奧運鐵路站

係5部車, 4部來自2A, 1部來自9,
班次寫20-30分鐘係好保守,
因為計埋塞車同埋1小時食飯.

小弟唔係好識計行車時間同班次o既關係, 係咪行車時間x2/用車,
係的話應該就係45*2/5=18, 即係可以最密18分鐘一班,
甚至減行車時間到40分鐘/單, 變成最密16分鐘一班.

由於非繁時塞車機會冇繁時咁高, 加上全為正字軌, 所以實際應可開到16-20分鐘,
再取巧d全日得一兩班開15, 其餘18-20, 但食飯時間難免要去到30分鐘一班.

對於2A回程上四彩, 就算可以彩德加站, 亦唔代表樂華人肯上完山落返山再上樂華,
(即使係經返牛頭角道淘大正門) 同現實條新28A一樣, 只係角色調轉(樂華 vs 四彩),
但受影響人數比新28A明顯更多.

西行方向去牛總搭仲講得過, 淘大人要行上彩霞道搭2A, 即係反其道而行(顛覆廿多年來習慣),
通勤從來講習慣, 不論係講搭車抑或行路.

2A改行彩霞道係方便到彩霞/彩福/彩盈人, 但對淘大/將來的跨區大會堂客來講係唔方便.

另外, 淘大上樂華客量可觀, 28一條線做唔做得晒? 28一斷纜就企晒晌度囉
做唔晒的話, 可能有其他交通工具應運而生, 若果呢條水喉俾人KO左, 第時千祈唔好怨.

至於6D, 40o既話題, 小弟不會在此回應.

原帖由 dippy 於 2012-9-30 10:28 發表 http://www.hkitalk.net/HKiTalk2/images/common/back.gif
所以咪話開嚟無意思囉, 你條線16-30分一班, 但係人地行出去只係15分鐘以內既時候
根本無人會坐新線, 情況就同24一樣, 因為班次令啲人寧願行出去都唔坐你

條22A由彩福開出, 通勤客會知道每日大概開車時間, 唔存在等16-30分鐘一班係等得耐,
搭慣左會自然識得幾點幾分落街等車, 繁時開幾班15分鐘, 我就唔信冇一班車o岩佢地搭,
前後開18-20分鐘, 橫掂咁多人唔睇好四彩夠客撐起區外線, 彩福/彩德冇人搭都仲有淘大啟業
執2A, 13D, 16死雞.

至多俾你話屈番去淘大係浪費時間同里數, 但係咁由彩福落到彩石里, 其實同2A樂華去到牛頭角巴總時間差唔多,
牛頭角巴總轉番出牛頭角道(淘大), 相信22A由彩石里點飛都飛到去福淘街等緊轉入牛頭角道, 唔存在慢o既問題,
仲可以保證比起淨做彩福/彩德多客, 兼做埋轉乘客.

事實係兜完既行車時間增加只係五分鐘以內既事
但班次可以再加密
對樂華既影響係咪如你所講大呢?
仲有, 改來回程上彩盈/彩德係配合拉直深水埗定線
咁對樂華都有利既

哈...幾時有講過2A上彩盈/彩德係配合拉直深水埗定線, 呢一篇加埋F1版另一篇, 再加B2版講左32版果篇,
都唔見有講過呢樣野(定係我眼大睇過龍).

依家係講縮短2A去蘇屋+增辦22A, 同你所講o既拉直2A去美孚及繞經四彩係兩碼子o既事.

先前話我無視左美孚+荔枝角工貿<>樂華, 同樣地, 你咁係無視左啟業邨至太平道沿線(無鐵路)
去東京街至蘇屋邨沿線乘客o既實際需求, 然後走去做一個舊有數據差(6B), 只係得潛在客源o既路線(未知數).

彩霞會近左之餘, 山下仲有6D/13D
唔想轉乘車模式既客一樣有得揀, 甚至要改站位都係合理步行範圍內, 亦唔見得會行遠好多

正因為2A密又平, 就算上到車未必有位坐, 一樣吸引到人搭佢企出九龍城/旺角, 13D係咩黎,
依家等緊2A班客, 除非見好耐未有車, 否則見到13D大部份人仍然不為所動, 上車都係去大角咀/旺角西.

淘大門口有Lift上彩霞道lol

係, 咁上到彩霞道個站係咪擺正部lift出面先, 你應該知道彩霞道唔係平路呵.

有乜其他交通工具可以應運而生呢?果個位都係區外線做多
我就唔信觀塘啲小巴會肯兜上樂華, 唔驚趕客咩
仲未計28自己都載得哂

28係可以載得晒, 但冇左同2A o既不定時聯合班次, 乾等28唔係上策, 同埋冇可能將呢批客拆開牛頭角道同彩霞道等車上樂華, 客量一定會被分薄,
同埋會早晌九龍城至啟業沿線, 乘客已經揀左2A去四彩, 28去淘大, 去樂華不變, 不過睇都係去淘大多過去四彩囉(根據大家話四彩唔夠客開對外線),
搭2A去四彩班客落晒車, 有冇客會上車去樂華呢, 如果有, 新28A做緊同一樣野喎.

應運而生o既交通工具好明顯啦, 淘大上樂華咁短, 巴士可以收$4.6, 佢地收到$5一定有人搭, 仲唔駛迫唔駛慢慢dun上山,
當然唔係你所諗去觀塘d車做埋啦, 你唔會未見過果d車好似大條道理咁停正馬路中心上落客, 頂死晒後面堆車卦.

[ 本帖最後由 EX-TL 於 2012-9-30 16:07 編輯 ]

原帖由 dippy 於 2012-10-2 10:52 發表 http://www.hkitalk.net/HKiTalk2/images/common/back.gif
如果係做轉乘客, 點解要坐你條又貴又疏既線唔坐83A呢?
又如果要轉乘, 點解唔去坪石轉呢

22A用八達通轉乘只收$5.2-$3.8=$1.4, 點睇都平過83A/83M, 淘大轉只係出返觀塘道過天橋就到,
$1.4可睇成係71B同類, 亦可以搭多個站去啟業邨, 6D/89X同站轉, 其餘行返轉頭去啟泰苑轉,
去程雖然係行遠D, 但唔好忽視回程全部係啟業邨原站轉, $1.4上山, 呢點夠吸引卦?!
再者, 啟業邨站只係接近彩德邨, 轉乘客落左之前果程車後, 等於焗佢地等$1.4車上山喎,
等得耐, 要行上去都幾係o野(落雨更加), 唔等落去又好似唔值, 咁咪吸到客囉!

坪石轉去新界線, 要落返彩虹站由頭行到尾, 再上返地面行到紅萼樓, 坪石轉絕對冇優勢!
就算俾轉乘優惠到坪石往返尖沙咀/長沙灣, 只係俾到轉26/42, 貴過淘大28/6D,
對乘客而言, 轉26/42價錢唔吸引, 不如搭港鐵, 俾你到九龍城甚至旺角先轉,
呢個年代巴士公司仲會唔會咁笨俾你$1.4搭到咁遠, 再轉平線2/5/6.

個人認為有兩個方法去執呢堆線
簡單啲就9唔入黃大仙但拉上彩福, 阻力會少啲而黃大仙仲有3C做緊類似既野
複雜啲就接2A上山同時接直西九定線
如果只係試彩福專線, 應該跟27咁出, 分27客, 而唔係逆走番牛頭角

彩福專線好難夠客, 點都要加埋附近地方兜下, 延長9只係定線好, 實際有幾多人需要往返彩虹道呢,
彩虹道(東頭邨對開一段)對於觀塘區來講, 冇直達交通唔緊要, 需求就算有都去晒龍翔道/太子道東.

如果真係9延長, 轉乘優惠想有都難, 冇轉乘優惠加上行埋條冇需求o既彩虹道, 反映唔到彩福客量,
咁同冇對外巴士服務冇分別.

跟27行唔係唔得, 問題係呢個建議係抽2A資源去開, 行27條路只係食到坪石客, 冇淘大咁多客.

假設抽27資源開新線, 坪石-旺角來回程同27疊住行,  而轉乘問題上, 坪石落車轉新界線有排行,
反方向更加冇可能咁行, 俾你轉乘價收到$4.4-$3.8=$0.6, 要行咁遠就算免費轉乘一樣唔吸引,
行咁遠不如直接由四彩行落九龍灣站搭, 但行左落去唔係一定搭巴士喎, 咁呢條線就只有往返
旺角/九龍城有用, 去其他地方係貴到冇人會搭, 因為轉車要再俾多程全費.

首先, 好明顯係你睇錯多, 甚至係首次提出與否同呢個建議既可行性根本無關係

啟業邨站一樣可以用到2A, 仲有條6D去深水埗, 彩頤以後有796C做緊同樣既野, 價錢仲平啲, 你係咪又無視左呢?
都仲未計呢段根本唔多客

我要睇左我睇錯d乜先作評論, 煩請提供之, 謝謝!

兩段路都唔多客, 照你意思應該將2, 2A一齊縮去長沙灣邨就夠啦, 反正你話李鄭屋附近一直係靠青山道線,
有6, 6C, 6D, 796C, 仲有小巴, 夠晒啦?!

咁更加應該實施價格岐視啦, 平車站位入啲, 唔識路/唔想行既人俾貴啲, 協助改善13D盤數
一舉數得

只可以講, "dippy價格歧視理論"好難明.
更加想講o既係, 咩係"價格歧視"?

咁有趣?巴士幾時只可以係平路停站?
近近地振華苑巴士站已經斜過彩霞道啦

個站唔係擺正部lift出面, 即係要人行段斜路先有車搭?! 怪唔知得收人$5.2咁抵啦.
"dippy價格歧視理論" 原來係咁解.

如果咁易應運而生既, 就唔會巴士至今都係主流啦, 問題係淘大巴士站唔停得小巴, 你唔係未坐過下話, 德寶下一站已經係牛頭角街市

淘大上樂華o既論點, 講一次就夠.

仲有, 既然你覺得唔夠客但又要開專線22A去服務佢地, 但又兜又趕客, 咁你係咪攪事先

你究竟想講咩呢, 同一句話入面有齊"專線"同"兜"兩組詞, 咁我講咩好呢........
諗到啦, 13D係寶達專線(搞事中)

幾好丫, 9+2A包晒成個四彩, 有轉乘優惠幾乎去晒全九龍新界, 建議你快快手寫好個建議計劃send俾有關人士參詳,
咁完美o既建議真係世間罕有, 機會難逢, 千祈唔好俾佢停, 改到之後大家會為你感動流涕.

[ 本帖最後由 EX-TL 於 2012-10-4 21:43 編輯 ]