你喜愛哪個新市鎮?

我比較鍾意荃灣
貪佢勝在乜野都有
交通方便
又算近市區

原帖由 238X 於 2006-4-8 22:27 發表
以環境來講鍾意沙田，但計埋交通、氣候
問題都係覺得荃灣最好。

即係雖然荃灣交通極為病態 (幾十萬人既大
市鎮交通竟由紅小主導)，但至少有
地鐵過海，去東涌機場大西北都近，沙田大
埔都叫 OK。係將軍澳比 ...

唔覺得好病態...
(或者你迷小巴迷到有少少病態就有可能...)
小巴響荃灣係佔一定比例…
但主導點都係巴士掛？...

不過我都覺得荃灣最好…
真正做到「衛星城市」...
就業機會比其他新市鎮充足好多

我由細到大都住荃灣,自然揀返佢.
原因...交通方便,生活所需大致齊備.
雖然荃灣屬早期新市鎮,明顯有別於現時規劃標準,但我對舊區亂中有序偏有好感.

我選馬鞍山...
住...靜
環境...背山面海
交通...方便, 有馬鐵, 巴士
SHOPPING... 市中心有
文娛... 有LIBRARY + 體育館, 又有大型公園
樓...唔會變O左超高密度既石屎森林
醫療... 有夜診, 近區域醫院
不過...交通費好貴...

將軍澳,住左o係個度差不多12年(仲有幾日到12年XD)
住坑口o個邊某邊居屋,望出外面d境幾好,
空氣唔差,行去地鐵站只需7分鐘,仲有地鐵直達港島區,
巴士就好多地方都去到,不過大部分路線都好兜就真
又近醫院,都ok綠化,但係春天會好潮濕

原帖由 mmlcs36 於 2006-4-9 00:09 發表





而且地鐵也有很多區內客
可見地鐵在鎮內是滿足大部份人的需要的

但行路/踩單車既人比搭地鐵更多...
厚德<>寶林同尚德<>坑口條路,人流基本上全日川流不息

PS:係咪因為將軍澳係健康城市,提倡人地多行路當做運動,所以區內交通咁差?

原帖由 pakchi70 於 2006-4-11 04:54 發表

係呀,我昨天去新都城,響寶琳見到有人買單程飛淨係搭一個站去坑口
回程過海時,坑口同將軍澳站都好多人落,估唔到會咁多人用地鐵往返區內
成日覺得搭一個站地鐵好傻咁

當你去下景林通往厚德條隧道睇睇時,就知搭地鐵由寶林來往坑口既人相比行路/踩單車既,係小巫見大巫

原帖由 superbus 於 2006-4-8 16:22 發表

我住&#21655;0係將軍澳接近十八年
好?我真係唔太覺
0的樓密質質,一到春天就變哂個霧都,淨係0的衫晾植都唔乾已經煩
交通費貴,但又唔見佢0的服務好喎
公共設施?嘿,到近兩三年先叫好0的
之前就真係

將軍澳典型特徵係
樓密交通好(寶林/坑口/尚德),
樓疏交通差(翠林/康盛)
你會點揀?

不過調景嶺除外,調景嶺係樓密得黎,交通都唔見得好
(就算有地鐵站,好多人都覺得調景嶺果頭好"背")

原帖由 238X 於 2006-4-8 22:48 發表


咁我亦唔否認對觀塘好陌生。

其實除非係返工返學
或者有親戚朋友/男女友係住響果區
否則我地呢d 響新界西南住既人
有幾何會去到到觀塘以東既地方丫
貪佢夠遠咩！

我地去呢d 地方
真係仲耐過過海...
(除非你搭亡命小巴或者的士)