[Guildford][混帳 ADL 尋寶之旅] MMC

巴士界翻炒既稱號實在多不勝數，"MMC" 都唔例外




原圖取自

北上前路經 Manchester 巴士博物館時劣影，只可惜無器材無技術亦無時間影好少少返去慢慢讀

返回現時語境之下講既 MMC，繼續劣相
今次比上次更即興但更狼狽，一方面相機瀕死，中途亦沿著廠房正門後門條路來回跑左幾轉搵地方避雨
兼要避開隔離農場既動物襲擊
字數所限只能揀黎貼，如有興趣請從最尾幅相條 link 入去繼續睇


由 Guildford 火車站搭 34 或者 35 號巴士去工業村自己行入去

事隔兩個半月，最有特色個堆車消失晒

歐六 E350H 泊左係上次 E400 MMC 泊既位置，背景係最新砌好既普通 (應該都係歐六) 版 E200


左邊


後面個部砌好準備運去倫敦既 E200


又係呢部車尾底部爛撻撻，相信試驗過幾隻動力配搭既開頂 E500


上次泊埋一二邊，但已經大約流傳左兩年零兩個月既紫色內籠 E50D 玩具泊左出黎對正廠房邊
內籠似九巴凳但唔係完全相同 (因為似似地絲絨同埋係淨色)

藍色 E400H 都移左位

E50D 死氣喉位置同形狀同量產版完全一樣
而憑常理推測，下方既木框應該只係個臨時支架，近著左邊有明顯切割過既痕跡，唔知係咪試驗過新動力配搭喇


為方便施工，架 E50D 個太平門位就咁用搵木板同電線膠紙封著，冷氣糟似乎係吉既


上次見到個部橙色左軑開頂 E400 消失左或者收埋左，個臨時車牌 747 BK 搬左去深藍色 E400H 度試車用
後面架類似九巴凳既白色舊版 E500 似乎仍然泊係同一位置，上次個部改建引擎室既紅色 E400 似乎泊左入埋邊


上次泊開頂 E400 既地方今次有部 E50D 底盤打斜擺係度


之前流傳 E50D 用普通版鈴蓋裝左會過闊，驟眼睇 E50D 個轆或者鑼絲又真係幾凸下，不過無舊版底盤拍埋做對比就難講 d


成個底盤外圍同引擎室同車轆上方仍然係用框同側架框起，如果無理解錯咁樣都仍然係 perimeter frame 既設計


死氣喉尾段繼續係綁係底盤上，唔知係咪一早裝定出黎驚刮爛喇

跟據中門同前軸/中軸之間個距離、軑盤樣式、中門預留位闊度同埋英國廠房製造，
如果唔係 ADL 自用咁應該即係新城最後幾條英國造既 12 米 E50D 底盤之一


近年瘋狂偷輕之下，側架中尾軸位已經削到前所未有咁薄
車尾大大副綠色 (應該即係歐五) ISL 引擎，後面架 E400 MMC 貼紙車已經唔係秘密，泊埋一邊


再埋邊就係 ADL 玩具部既遁邏車、長途版/澳紐版 E200 同本土版 E200 各一
架 E200 車尾尚未有改動，明顯重係歐四/五配置，而事隔個幾月可能而家已經開始改裝緊


車門口有個爛撻撻舊油缸，唔知係咪純粹丟係呢個位
隔離緩跑徑/走火通道中間道單向式鐵閘係新加既，上次個幾隻好得意既馬仔大隻同惡左好多，
本身想沿農場中間公眾通道行捷徑兜去廠後面，點知俾另一隻馬攔著條路再踢到成身泥，
行開下先影其他野然後襯圖中呢隻衰馬走開之後，再行呢條捷徑
點知隻馬高速調頭遠遠衝埋黎，俾佢撞低或者踢一腳真係隨時入廠
事後搵野頂著道閘，鬼唔望隻馬下次行左過去車廠出面唔夠位調頭跟著困係中間條走火通道上


暗得濟睇唔清底盤編號，不過原本係架普通歐四 E200


望見個車尾爛晒同埋車尾多左堆後期改建既散熱口，果然有張紙寫著係歐六試驗車，手掣都無拉，d 掣就咁吊著駁著咁


勉強可以見到英國版 E200 同高端/外銷版 (長途/香港/澳紐版) E200 其中兩項分別
其一有英國 Enviro 系列標準圓形錶板，外銷版明顯見到一大舊錶板組件堆到好高
其二係倒後鏡，英國版兩邊倒後鏡都係細細塊分別摺向車門同埋司機位窗側邊，而外銷版似部分 E300 或者雙層巴士咁一枝鏡臂隊出黎


牌箱空既，可能一直都係玩具車無出過牌
內籠一片凌亂，攝幾張九巴凳又攝幾張英國最常見既凳
太平門位置較後，即係唔係 4 月個次停係正門外個部試驗版歐六 E200


另一唔同係動力配搭，英國版 4 汽缸 ISBe，尾跨大致上同舊版 Dart 差唔多長


外銷版 6 汽缸 ISBe，尾跨長左一截，用返香港尾跨:軸距既出牌比例，即係軸距無得再似以前咁短
相信係呢個原因，九巴同愉景灣公司現時最短只可以買 10.49 米版本 E200


順便影下廠房內等候安裝既零件，新出牌歐六 E200 後面個堆灰黑色或者藍色袋包著似係車軸


有一大堆引擎室支架，4 月幾好似係咁上下位置都見到呢堆支架，睇落個形狀又似 E200 又似係歐六 E400H 用


唔熟機械，估計似歐五康偈駁著一個唔知波箱或者混能組件 (灰色好似唔係 Voith)


隔離有一堆 ZF 車軸


到訪前先運到無幾耐，亦果然係 ZF 車軸
唔知 WPO 之後個 5 位數字應該點樣解碼喇，所有 ADL 車同埋剛才個件康偈上面個膠袋都寫著個 5 位數字


繼續大大細細堆左幾層高既康偈，綠色好似有大有細，應該即係 ISLe vs ISBe 或者 6 vs 4 汽缸 ISBe
重有堆藍色袋既紅色偈，假設康偈繼續紅綠相間代表排放規格，呢堆即係歐六康偈，歐六就唔覺有 ISLe 版本，官方亦未有消息


左邊堆到咁高無記錯係油缸，屋仔個堆係車軸，重有一堆車轆同埋斜式油缸


打橫放打棟擺同埋已經成舊組件連埋個網砌成一舊既散熱風扇


ADL 廠房內到處都係其他牌子個名，最常見當然係 ZF，另外就例如合作搞混能既 BAE


VDL，不過好似係起重機或者運輸車之類


唔知呢舊咩黎，睇落似德文或者差唔多分支既語言，但細細地個張紙有英文寫著美國，


舊版 Dennis 標誌但好新淨既物體，唔知係咪吸震筒


當然會有自己個名


後門講著咁多先，講下前門同埋側門，個地圖一眼睇晒


今次側廠除左歐六 E400H 外重夾雜著 E50D 底盤；留返幾張唔執咁光，睇返當時個天實在非常黑


唔知買定自己砌既運輸車仔，重有一大堆原色支架，個綠色籠都係寫 Alexander Dennis


唔知係咪巧合，上次星期六黎，見著有部借俾 Stagecoach 既樣板歐六 E400H 打橫泊同埋有架試完車返黎泊係度既歐六 E200 玩具
今鋪同一位置就係新砌好 Stagecoach E400 MMC 同新出牌歐六 E200


繼續係車尾額外散熱網，扁形死氣喉，棍仔 (應該即係 Allison 波箱)


上次無為意正門隔離落地玻璃泊左部 1936 年 Dennis Ace 消防車


車尾個種線條比想象中複雜，諗起九巴 ASU 同埋細牌箱 3N
畢竟 ASU 據講就係前都普構思過既設計黎，Plaxton 同都普 90 年代亦好似係同一集團黎
MMC 又係前 Plaxton 人掌陀，本土版 MMC 輪到 Plaxton / 都普改良及翻炒一次都有可能


個角度好似官方洗腦相咁，但電箱隔離個塊就仍然係已經曬到甩色又俾雨浸到爛爛地既 Transbus 貼紙


過去呢半年 ADL 周圍搵買家試車，而跟據英國巴壇普遍司機意見
以往劣評如潮既 ADL 舊頭幅/司機位今次大幅改良，ADL 係英國終於有樣產品係正評多過負評


ADL 鋪天蓋地宣傳新式裝窗方式，聲稱新設計可以由技工一個人係車內快速換窗，外觀上似乎係膠邊窗同黏貼式車窗既混合體
Optare MetroDecker 個概念岩岩好相反，將所有大小維修改為車外一次過做晒，避免技工需要來回車外車內而無可避免將機油/沙塵帶入車廂


到底英國版 MMC 系列既成果會唔會俾自己多年黎既 QC 敗返晒，等多陣第一批開始出牌應該都好快會知

後記：本身其實係想睇下 E200 MMC 成形未，點知變成咁刺激俾雨淋俾馬追之旅
不過，食盡地利既英國 ADL
E200 MMC 部分新元素現時已經係倫敦現役車度試驗緊，有機會再講

[ 本帖最後由 HW8373 於 2014-8-5 21:58 編輯 ]

香港俾狗追，英國俾馬追，巴士廠真係多野玩…

條E500盤因為即砌所以整走條防變型BAR？

P.S.多謝老師搏命影番嚟嘅相…

樓主系廠正門影冇人趕甘好ge
我上月頭行到去閘口前已經比左後方更停的人叫晤比影
只有一張收獲

我當日嘗試過由正門影，之後在N Moors 由東北方兜入去，
個廠的北方都晤見有甘多車擺系度...
想請教你是不是要兜到去個廠的西邊至有野影？？
南邊我見好像系私家停車場又晤知入晤入得去
定還是假日入去較好？

[ 本帖最後由 HN577 於 2014-8-6 10:35 編輯 ]

原帖由 S315E 於 2014-8-5 22:15 發表
香港俾狗追，英國俾馬追，巴士廠真係多野玩…

條E500盤因為即砌所以整走條防變型BAR？

P.S.多謝老師搏命影番嚟嘅相…

邊條？似乎除左側廠上灰色防鏽油既底盤之外，當日見到既 E50D 底盤都有一碌梯咁既野幫手頂著個形


而且砌車係北部 Alexander 廠或者少部分型號係東北部 Plaxton 廠砌，Dennis 廠係整底盤同研發


據在場保安提及，係搵貨車運，正如香港個堆運去廣深地區砌咁

原帖由 HN577 於 2014-8-6 10:31 發表
樓主系廠正門影冇人趕甘好ge
我上月頭行到去閘口前已經比左後方更停的人叫晤比影
只有一張收獲

我當日嘗試過由正門影，之後在N Moors 由東北方兜入 ...

嘩都有 E500H，好過無




ADL 廠 (只去過 Alexander 同 Dennis 廠同總部) 算好易去同埋幾易搵到路圍著間廠影

比起搵 Volvo 代理或者 Wright 或者 Optare / East Lancs 廠或者搵 E500H 去過既 BAE 廠應該易得多
(結果幾年黎都去唔成，而家唔知幾時先再有機會去英國 )

有 d 博物館例如 London Bus Museum (Weybridge)、Wythall Transport Museum

幾乎一定要身上有顯示地圖既器材先可以去

或者極度隔涉，例如 http://www.usedcoachsales.co.uk/coach.ihtml?coach=994
Plaxton President B7L 原形車放售既車場

搵左成年終於打聽到個可能性頗大既地點，只可惜架車已經終於賣走或者湯左





不如借兩幅圖講

http://goo.gl/maps/b3dGC

EWL 個條石仔路既窄巷，雖然生滿雜草同堆滿垃圾

但其實係公家通道黎，入去再側身跨過棵大樹就係 EWL 個間廠同 ADL 廠中間既石屎造走火通道

兩次星期六去，ADL 廠得返一兩個人開工，隔離 EWL 廠開工工人較多，隔一陣就出黎條通道度食煙

雖然佢地應該都見慣有人黎影車，但感覺都係怪怪地，通常呢個時候就試下兜去其他位置影




http://www.dennissociety.org.uk/history.html

拉落底有幅高空全景相

現時周邊發展左，但大致上同十幾年前都係差唔多樣

EWL 個條窄巷大約係相中九點位置，入到去有棵樹同草叢既位，

剛好就會望晒廠方後面怪獸區同埋正門附近，即係成張相正中心位置

最好就係呢度開始影，最後先影正門，

免得若果不幸遇上個心情不佳既惡保安，俾人正門趕完到佢巡廠時再趕走多次
(雖然後方個條路係公眾地方，鐵絲網外寫得好清楚有 cctv 但無寫唔俾影相，不過搞到掃晒興似乎都無晒癮)

跨過草叢位個條走火通道就係相中黃色貨櫃同幾部巴士中間條路，一路直去，至相中十點鐘位置

十點鐘至十二點鐘個堆草中間淺色左，而家個條淺色公家路仍然存在

而個條路現時左邊養左兩隻馬，右邊另有一隻更惡既馬，本身場主搵幾條鐵線圍好佢個場都俾佢踩歪晒行左出去巴士廠側邊

4 月中去都好地地，6 月尾個次遇著落雨，加上因為即興去結果只著涼鞋，腳步浮浮下跣跣下

可能令隻馬以為我想偷襲佢地

好彩條路通返去巴士廠個邊都有個轉角位，而且側邊種晒有刺既植物，隻馬衝到埋黎都收返慢少少

否則如果無需理會隻馬既話，就沿著相中十點至十二點個條草/泥路通出去大路 (會見返 34 或 35 號巴士)

目測範圍之內會見到另一個類似既農地/草地/泥地但寫著 "public path" 之類既入口

唔記得係相中十二點中垂直落黎定係兩點鐘 (右上角) 屈返落黎喇

總之不斷試，同埋跨過堆草/河/深坑，會到相中兩個停車場中間個位 (十二點鐘位同四點鐘位既停車場)

個度有堆高身植物作天然圍牆 (好似有刺)，

上次 4 月去，相中十二點鐘位置就擺左堆 E40D/H/E50D 底盤同叉電 E350H

今次 d 植物高到不適宜接近，不過明顯從空隙中見到無其他怪獸車

而該位置望向左邊少少 (即係相中正門旗杆位) 上次泊樣板 E40H，今次就 E400 MMC

企該位置會望見架車既正背面，但會俾樹遮左半架車，似乎唔係太有必要刻意擒黎擒去

印象中最佳離開方法就係原路走，再出返馬路/行人路、經農場 (馬)、

走火通道 (即廠房後方)、工業村馬路行路去正門 (相信再無捷徑)

轉入正門 Dennis Way 大直路個路口前尚有條掘頭巷 (N Moors)

6 月個次無行過，印象中 4 月行過發覺係離開間廠愈黎愈遠，未必兜得返去相中右上方位置

星期六 ADL 較少人返工 (但 4 月個次係中途架試驗版 E200 開返廠，然後技術落車收工；
6 月個次車廠內好似亦不只保安一人)

4 月個次遠遠見到保安係更亭內，最後打算透過正門隔離個停車場 (星期六得一兩架私家車停泊)

行近少少，保安出黎話唔可以再向前行

6 月個次特登戴返頂比較幼稚既帽，盡量打扮得似個無惡意既遊客

比較幸運係保安行開去左巡廠，不過當然都係企埋少少影多幾張就算，無謂偷走入去 (其實亦無必要)

影到一半，保安巡完廠出黎見到有人，不過佢一望見係華人面孔，問明來意之後就好熱情咁大家傾左一陣

原來佢都係香港住過一排
(似南亞人，4 月個保安似移左民好耐既華人，其實唔知係咪同一人黎，但其中一次可能佢心情好)

當然基於保安理由就唔會星期六放個無預約過既人入去影 (事實上當日下晝 5 點零鐘差唔多全廠已放晒工)

不過大約企係更亭位前少少左右影






嚴格黎講，其實係英國影巴士久唔久都會踩下界

兜去廠側兩個停車場即係相中右上角位置個條路，其實係公家路但有鐵線攔著唔俾人行近樹叢

唔知係因為個度有條溪所以攔著唔俾細路誤闖定係其實屬於私人地方喇，不過無論 4 定係 6 月，個度都係得雜草，

完全無農作物或禽畜，周圍無人睇場亦無任何標示私家地方既牌，只係行返出去鐵線外成日有一家大細係草地玩

不過只要適可而止，部分係香港會俾人公審既行為係英國都唔會有人阻止，佢地一早估到/默許有行家咁做

互相尊重，實屬難得

[ 本帖最後由 HW8373 於 2014-8-7 02:18 編輯 ]

以前巴士書好似話90年代dennis與DUple是同一集團，但plaxton似與nc同集團，asu設計可能是d人東家唔打打西家(david johnson去咗wright之後..?)之後嘅idea(唔係攞埋d設計走掛)