安達迷思：巴士總站=/=總站？

kei_hk 發表於 2016-8-28 11:06
長安巴士總站，除了41A & 44M外，咪條條線都令客中伏？

話就話係總站，但係大部份路係都係中途站，來回 ...

如果你上過安達，睇到個站景
你會知道對初嚟步到嘅客(特別係老人)嚟講有幾咁難
同長安唔同，長安起碼係一體，你企去程站會見到回程站牌，相反亦然

安達總站同其餘兩個反向站係唔同位置，完全係三個地方，
老實講，我呢啲知情人士解釋都要解釋一輪，難以想像唔知嘅人要點先知個站

你可以話佢地閱讀理解能力低過你，但實際就係出現咗呢啲問題，要研究有無需要或者措施去解決

S315E 發表於 2016-8-28 15:17
如果你上過安達，睇到個站景
你會知道對初嚟步到嘅客(特別係老人)嚟講有幾咁難
同長安唔同，長安起碼係一 ...

不是站牌已經講了去那個方向嗎？

又唔係有臨時改站，乘客不是應該自己留意行車方向嗎？

S315E 發表於 2016-8-28 15:17
如果你上過安達，睇到個站景
你會知道對初嚟步到嘅客(特別係老人)嚟講有幾咁難
同長安唔同，長安起碼係一 ...

同意你嘅意見, 而家唔係下下追究啱定錯, 加個指示話此站不出市區, 出市區請往對面搭, 何樂而不為? 唔加指示唔係錯, 加咗就更加好咁解。

同埋安達係新區, 巴士線又係新線, 市民係要時間適應方向, 搵啲已發展多年嘅地區來比較係九唔搭八。

雖然覺得寫明往油塘,往中秀茂坪，但同意九巴可多做一步。
不過，區議員們真係有心既，就應該o係每棟新入伙大樓樓下o徒一張通告位，教人去邊度搭四條新線(仲有之後過海及沙田)

其實九巴每次開新線都印左站位，管理公司用九巴張資料放大出黎俾人睇又得。(難怪九巴次次都要加張安達地圖o係度)
不過開213D時，個圖已經唔show「寶達邨」既路線……係咪覺得呢四條線可應付大多需求？

安達總站係普通巴士總站，還是路邊分站？昨日坐214回程，返到安達落客期間，突然有人行出來影梯位，但印象中拍攝者所站的位置太似是總站範圍。

12A 發表於 2016-8-29 17:53
安達總站係普通巴士總站，還是路邊分站？昨日坐214回程，返到安達落客期間，突然有人行出來影梯位，但印象 ...

似黃大仙 temple mall 外龍翔道東行的巴士站

kei_hk 發表於 2016-8-28 20:16
不是站牌已經講了去那個方向嗎？

又唔係有臨時改站，乘客不是應該自己留意行車方向嗎？

你咁講，咁點解有啲永久站又放個「只住XX」嘅過膠白紙？
佢地都唔係永久改站，唔通嗰度啲客又係應份提？

petcity 發表於 2016-8-28 15:20
你咁講樓主可能會立即執筆去訊傳媒揭發呢個世紀大陰謀
講正題，好多時你點整都好，D人唔睇就唔睇，除非 ...

咁點解有需要又唔做先？此處真係有呢個需要喎
咩叫「點整都好，啲人唔睇就唔睇」，
咁站頭夠有時間表啦，九記夠可以話「點整都好，啲人唔睇就唔睇」，又做乜要搞個ETA？
點解有啲野可以做好、做多一步但唔做？
咁先前嗰啲特快化，九記係咪都可以「點整都好，啲人唔搭就唔搭」，然後坐喺度乜都唔做？


「點整都好，啲人唔睇就唔睇」，呢個並非解決誤會嘅方法，
而且呢個誤會實實在在出現喺民眾生活上，作為一間服務性機構，係有需要去改善。

九巴職員只會跟原定計劃放站牌, 或者跟標書內容行事, 唔會按實際情況再做多少少去方便人, 其實213D 214秀茂坪沿線所見, 係有張過膠紙寫左213D 214係往中秀茂坪 油塘, 或者往旺角 長沙灣甘泉街, 而安秀道個路況又有少少唔同, 除左新邨關係, 安達總站對面人車稀少, 由總站望過對面係望唔到仁達樓(山崖邊)巴士站, 不經安翠街等等因素, 即使站牌寫明往中秀茂坪 油塘, 以一般人認知, 未必知道安秀道另一邊(清水灣道)係咩世界, 聯想到經秀茂坪走的機會好大, 所以唔怪得有人會以為要搭去秀茂坪再轉另一班車.

以個人認知, 香港應該冇一個站係類似安達現時咁款, 且看未來越來越多人上去參觀/住, 或者搭213D 214經過成條安秀道之後, 仁達樓巴士站的知名度提高左, 市民識得自己行去搭車, 唔會再有蠢事發生. 九巴現在最好在安達總站多多宣傳仁達樓巴士站, 教埋人行邊度過去最方便就更好.