[2026.04] G9550/G9549 香港西九龍<>潮汕 (多圖多片)
本帖最後由 DIH 於 2026-4-20 15:52 編輯今年復活節連清明共 5 日長假，外遊機票早已水漲船高，又唔想幾日無所事事，於是同家人報團搭高鐵專列去潮汕一遊，開齋中國高鐵體驗。今次係我人生第三次搭中國鐵路，第一次係大約 5 歲時跟團，由廣州東搭綠皮落深圳搭足半日；第二次係 2016 年一家人探親後由廣州東搭和諧號落深圳，當年手機購票未似如今方便，要排隊去櫃檯，感覺頗麻煩；今次去西九就方便快捷好多。
（註：本文地點及路線資料來自高德地圖及維基百科，影片大部分以電話 AI 去除人聲。）
去程
日期：2026-04-03
車次：G9550
表定：08:32 香港 – 10:56 潮汕
用車：CR400AF-A 第 1036 編組，配屬廣州局集團，基地廣州南
月台：香港 7、潮汕 4
▲旅行社約 07:00 集合，獲發團體旅客證。
▲過高鐵閘時經人手通道，唔使用回鄉卡。
▲安檢後落下層
▲離港
▲過大陸關
▲到候車區稍作休息，大約有半個鐘時間。此處雖在大陸關內，但設施仍為香港風格。
▲08:00 左右開始排隊等檢票
▲候車區 wide shot
▲福田散客
▲連我都落場，當日人潮爆多。
▲大約 08:10 終於去到檢票位置
▲搭電梯落月台
▲二等座車 ZE 103605，如無理解錯應該係復興號 CR400AF-A 第 1036 編組第 5 節車廂。若說和諧號白身藍線似東海道新幹線，復興號黑窗紅線就有點似德國 ICE 及意大利 Frecciarossa/Frecciargento 混合體。
▲3 個人用 2 個細喼，放上頭頂行李架。
▲椅背
▲摺枱
▲摺枱可承受 25 kg
▲安全卡
▲清潔袋
▲玻璃日期為 2019 年 12 月
▲等開車
▲準時開車，本次列車為旅行社專列，由香港直往潮汕，只在深圳北停站開門。香港至深圳北全程在隧道，無拍片。
https://www.youtube.com/watch?v=NXwQmHCm1gA
▲抵達深圳北站時為 08:52，即開車後 30 分鐘。
▲入站時見到 CRH2B、CR400BF、CR400AF 等列車
▲往廈深鐵路方向要調頭行，停站期間出廣播，叫乘客自行調轉座位。由於間距唔多，三座位旋轉時只係僅僅夠位。調轉後我個位有柱阻，都睇到景。
https://www.youtube.com/watch?v=NZsXf5i5rgU
▲停站大約 10 分鐘後於 09:03 從深圳北站開出
▲對頭的 CR400AF
▲參觀廁所，有座廁及踎廁，我只用座廁，當時剛開車無耐，尚算乾淨。
https://www.youtube.com/watch?v=35Fyp_QNptk
▲深圳市龍崗區園山街道附近
https://www.youtube.com/watch?v=WZupvVPuCMM
▲深圳坪山站臨時停車，專列即係加班車，我已預料會有臨停。
▲深圳坪山站 CRH1A-A
https://www.youtube.com/watch?v=8Q1znOS_Yjo
▲惠州市惠陽區西區街道附近
https://www.youtube.com/watch?v=1EXrRzXCjgY
▲惠陽站臨停
▲惠陽站 CRH2A
▲CRH1A-A 進入惠陽站
https://www.youtube.com/watch?v=c6bY1QxPwR0
▲惠東站通過
https://www.youtube.com/watch?v=-nkAU7MnJO4
▲汕尾市海豐區梅隴鎮附近
▲行程唔包第一日午餐，又聽聞餐車食物麻麻，10:00 左右淥杯麵當午餐。如欲幫襯餐車，可以向乘務員訂餐送到座位。
https://www.youtube.com/watch?v=y6IFH6ua65A
▲汕尾站臨停，離站後車速並無加快。
▲汕尾對面又係 CRH1A-A
▲稍後才再上到 247 km/h，接近廈深鐵路速限 250 km/h。
https://www.youtube.com/watch?v=KJJ8LSVLJbI
▲陸豐站通過
▲車門
▲綠色係水基滅火器
▲紅色係乾粉滅火器
▲車門設有開關按鈕，但中國高鐵的營運情況應該唔使自己撳。
▲風琴位
▲冷熱水機
▲車廂內部
https://www.youtube.com/watch?v=LBNemfXqCzM
▲普寧市南徑鎮附近
https://www.youtube.com/watch?v=1hIyOIFnqTg
▲潮陽臨停後發車，印象中每次臨停我都有拍，即此程有 4 次臨停。
https://www.youtube.com/watch?v=JR2mxh61Xj8
▲潮陽至潮汕之間橫跨榕江一段
▲準時到達潮汕站，跟團搭高鐵已預計影唔到列車全貌。
▲搭電梯落通道
▲連接各月台的通道
▲便捷換乘即係直接去返候車區，唔使再過安檢。
▲出站指示牌，可見 KFC 已烙印成為地標。
▲站外
▲代表潮汕文化的花樽
▲英歌舞表演
▲浩浩蕩蕩去上車
（下續） 部分行程相片
▲潮州古城上水門
▲城牆一隅
▲竹木門
▲廣濟門
▲下水門
▲從下水門旁廁所 2 樓拍攝下水門及廣濟門
▲牌坊街
▲古井
▲糖蔥餅
▲牛肉丸
▲腐乳雞翼，我平時唔食腐乳，不過見佢氣味唔太濃烈，加上肚餓就試下。
▲建於唐玄宗開元二十六年（公元 738 年）的開元寺
▲兩支源自唐朝的真古跡
▲相傳宋帝南逃時路經此地，得僧人收留煮羮醫肚，故封為鎮國禪寺，並流傳有護國羮。
▲護國羮
▲廣濟橋，又稱湘子橋，始建於 1171 年，現時樣貌為 2003-2007 年按照明代規模復修。
▲此橋特色為兩邊係石橋墩及樓閣，中間則以 18 隻船體串連成浮橋，夜晚會收起。
▲行程第二日早上天氣良好
▲遠望汕頭站
▲去礐石公園塔山景區（礐音「確」）搭吊椅上山
▲行 20 分鐘上到索道站
▲索道票
▲除吊椅外，散客可選擇用滑道落山。
▲出發前預報幾日都有雷暴，當日早上難得天氣晴朗，以為可僥倖避過，但下午再次烏雲密布，結果等吊椅期間話因為落雨不再接受上山，導遊收回索道票，公司決定服務費收少港幣 $40 當回水。跟團就係咁，時間唔靈活，成個朝早好天白白浪費。
▲收飛之後就開始落雨，瞬間變成倒水，遠望索道仍然運作帶人落山（無影到），但咁樣搭法一定濕晒。
▲反正我同家人都唔太熱衷，唔去就罷，但要冒住大雨行返 25 分鐘落山。因應取消行程，團友集體同意返酒店休息個半鐘。
▲汕頭小公園中山紀念亭
▲街道彎位竟有點倫敦 Piccadilly Circus 望向 Regent Street的感覺
▲蚊型的達濠古城
▲潮汕歷史文化博覽中心
（下續） 本帖最後由 DIH 於 2026-4-20 16:06 編輯
回程
日期：2026-04-05
車次：G9549
表定：16:00 潮汕 – 18:45 香港
用車：CR400AF-A 第 2195 編組，配屬廣州局集團，基地深圳
月台：潮汕 4、香港 6
▲開車前一個鐘左右到達潮汕站
▲散客售票處
▲進站口
▲安檢
▲候車廳
▲往廁所通道的廣濟橋相片
▲潮汕站共有 8 個月台，1-4 主要為北行、5-8 主要為南行，另有 4 條通過線。潮汕站為廈深及梅汕鐵路交匯點，班次繁忙。
▲15:20 左右跟住人潮慢慢塞去檢票
▲檢票時間為開車前 15-4 分鐘，但專列成千人一齊上車會早少少。
▲從顯示屏可看出以下情況：南行方向不出 10 分鐘就有一班車，在這半小時內有 3 班車直達香港，其中定期列車 G925 與我地班 G9549 只相差 5 分鐘；我地班車用 4 號月台，距離上一班車只有 20 分鐘左右，當時 15:35，往深圳北的 D687 剛停止檢票，有部分團友太早檢票，入閘後要留低等。
▲15:36 開放 G9549 檢票，檢票後行返條通道去 4 號月台。
▲通道只有車次及時間顯示，不顯示目的地。可見我地班車有 16 卡。
▲上到月台，剛去到第 5 卡排隊位，列車就入站。
▲二等座車 ZE 219505
▲駁卡位及集電弓
▲地上排隊標示
▲當時顯示為 G9550 由深圳北抵達，照計已經無團或用唔晒全車，車上有少量乘客，可能係想物盡其用。
▲15:46 轉牌可以上車
▲7 號月台 15:51 潮汕始發沿廈深鐵路開往廣州南的 C6757
▲今次椅背廣告及摺枱都同之前唔同，摺枱只能承受 10 kg。
▲6 號月台的 CR400AF，應該就係 15:55 往香港的 G925，由廈門開出。
https://www.youtube.com/watch?v=O9BebAJTac4
▲16:00 準時開車
https://www.youtube.com/watch?v=VhvX_xeRggY
▲潮陽站通過
https://www.youtube.com/watch?v=M17UQ1WpaYw
▲錄字幕及葵潭站通過，車外空氣極度潮濕，又在醞釀一場大雨。
https://www.youtube.com/watch?v=QWsz1ZM1KEQ
▲陸豐站通過後開始滂沱大雨，第一次在高速鐵路車上睇落雨。
https://www.youtube.com/watch?v=sf7rTSNGzOc
▲烏坎村一帶
https://www.youtube.com/watch?v=CiedJGxF26c
▲慢速通過汕尾，並行列車係前面同樣落香港的 G925，但佢在汕尾後取道廣汕鐵路，經惠州南站往深圳北。現時由汕頭至深圳北之間，有[廈深]及[廣汕+贛深]兩條相距不遠的平行路徑，兩者中途於汕尾交匯。
https://www.youtube.com/watch?v=Ouvl7JPvrI8
▲再次經過梅隴鎮附近，瀋海高速公路塞車。
https://www.youtube.com/watch?v=aIc5PF_X-sE
▲鮜門站臨停
https://www.youtube.com/watch?v=AMVEmC1Csw0
▲接近深圳坪山
https://www.youtube.com/watch?v=QD2Dje2vtdQ
▲深圳坪山站臨停
▲風琴位及遠處兩道廁所門
▲洗手盆
▲車端部行李架
▲深圳坪山站停車大約 7 分鐘，其間被兩班車爬頭。
▲18:00 到達深圳北站。導遊們在深圳北落車，對面一列復興號駛入，又係遇返 G925。在潮汕、汕尾及深圳北與 G925 三次相遇，我在整理時才發現。
▲因無公布幾時開車，大家都唔敢落車，只在車門邊觀望。
▲列車長達 16 卡，我由 5 號車廂行去車頭相信要不少時間，安全起見都係唔去了。
▲然後我望到呢塊牌，顯示我地班車停到 18:20。同時發現 G925 已有延遲，原定開車時間才到站。
▲稍後 zoom 到月台顯示屏，我地班車延至 18:25 開出。
▲等待期間，G6130（深圳北—長沙南）入站。
https://www.youtube.com/watch?v=VK_I0P595WM
▲G6130 先行離去，而原定 18:05 離開的 G925 到 18:08 才開車。
▲我地班 G9549 在職員顯示屏亦更新出發時間至 18:25
https://www.youtube.com/watch?v=L0jtKkmc9zE
▲4 號月台 G6391 入站，該列車由汕頭開往香港，全程途經廣汕、贛深鐵路。計埋我地班專列，大約 20 分鐘內有三班車由潮汕一帶往香港，加上其他進港車，深港一段非常繁忙。
▲現代人寫唔出《背影》了
▲走去餐車睇下
▲小食車
▲小食餐牌
▲餐牌好長，但各站供應菜式不同。
▲熱飯大約 15-40 人民幣，我無食過。
▲藍箱不知是否站內上車的飯盒
▲我去餐車視察時，通道有鐵道職員站崗（前面左邊道門就係佢辦公室），聽到佢 18:20 用無線電叫閂門。
▲我都返埋位
▲實際開車係 18:24 左右
▲福田又臨停一陣，即本次車程臨停 3 次。
▲抵達西九龍比原定時間遲了幾分鐘
▲對面月台的上海動臥
▲19:10 完成所有手續出到大堂，首次中國高鐵體驗之旅至此完結。原本諗住搭的士，但係排長龍，都係走返去搭屯馬，兩老到尖東有位坐，我就將背囊放上喼，挨門邊企到鑽石山，迫過放工。
——————————
感想
任何促進交流發展的便民措施我都支持。今次見到汕頭至深圳之間短距離內有兩條平行鐵路，可見需求甚殷，而且廈深要兼顧長途運輸，已經密到幾分鐘一班車，新開舒緩路線有其必要。中國高鐵特色係集中檢票，同一時間上月台，有好有唔好，好處係避免不同車次乘客相撞引起混亂，壞處就係即使早到都不能預先準備，尤其是今次旅行社專列，成千人一齊入站，好彩無發生爭路事件，但上到月台搵排隊位都難免迫出黃線外；當然亦不能長時間影車，所以大部分中國高鐵分享都好少影到車頭。散客係開車前 15 分鐘開始檢票，而由檢票口至月台隨時要行 5-8 分鐘，尤其是老人及行動不便者需時更長，但全國標準都唔係咁易話改就改，正如潮汕站所見同一月台兩班車可相隔少於 20 分鐘，加上前車可能 delay，已無太多餘裕。
觀察到各車站月台上設施及指示牌好少，當然搭車流程已經分好晒，基本上唔會有客在月台上長時間停留，所以在其他地方會見到的座椅、路線指示、防風雨候車室，以至自動售賣機都唔會出現。站牌只得車站兩端各一個，中間樓梯位可能會有張貼站名但唔一定，如果乘客唔識路又聽唔到／無留意廣播，在列車中間要確認站名就不太方便。整體感覺就係列車好新、大站有好多軌道，但月台不成比例地簡單，簡單過裝幕門前的東鐵月台。
今次係旅遊專列，全車都係團友，唔使同散客共處，除深圳北外亦無其他上落客站，感覺尚算良好。我有朋友會間中同家人搭高鐵自由行，我就暫時未有這個打算，搭過一次至少有個印象，知道 what to expect。今次係特例，因為有 5 日假又想唔太貴出下埠，如果只得 4 日或以下就可能唔會出動。去潮汕搭 2 個鐘時間剛剛好，朋友同期去長沙要搭 3-4 個鐘我諗都頂籠，再長就不如飛機或者動臥。
全文完，多謝觀賞。 多謝分享。我上次坐中国鐵路已經超過廿年前（好似係深圳上廣州），上次跟團北上都係廿年前，甚至上次過境都已經係十一年前的事了
公道講句，中国高鐵無論用車定車站，都已經足以媲美甚至超越唔少歐洲頂尖高鐵系統。北美就更加唔使講，我甚至認為北美政客同民眾應該見識下中国高鐵，然後反思下自己點解呢方面落後咁多
雖然因為調轉行車方向而要旋轉座位係麻煩少少，但呢個設計又幾人性化，至少唔使下下迫人坐倒頭位
但文化上面深層少少既野，未必係先進設備可以改變。無論椅背廣告、車站定係景點 vibes 都係好 distinctively 中国。排隊遊景點、遊覽文化博覽中心、夜遊舊城，甚至乎車站歌舞表演歡迎旅行團、拉橫額影相，所有野都安排好晒、將佢地最想展現一面展示出來，都令我諗返起廿年前果次去北京洗腦交流團片段;P
S3BL100 發表於 2026-4-18 22:11
多謝分享。我上次坐中国鐵路已經超過廿年前（好似係深圳上廣州），上次跟團北上都係廿年前，甚至上次過境都 ...
車廂內部設計、可旋轉座位及二等 2+3 擺明學日本，第一代和諧號吸收各國經驗之後，去到復興號感覺上係新幹線元素佔多，始終人口密度及體質比較相似。其實近代公路設計都係學日本，只係照鏡版，連自動繳費都一樣叫 ETC。
講真我都係志在唔好浪費假期，去下飲飲食食，唔會太深究，文化館都只係影下相，「文化」展覽都無睇到。;P
今次旅程住宿同膳食都非常唔錯，不過唔係 R3 重點就無貼太多，酒店房間夠大夠新而且有洗 patpat 廁所，早餐好啱胃口。我無平時周末北上習慣，上一次北上係 2018 年去中山，早餐得少量點心饅頭，唔夠人搶要自費食 KFC:L ，反之今次幾餐都好豐富，明顯覺得「麥子字仲肥」。
▲酒店房間
▲酒店廁所
▲酒店早餐
多謝分享。
關於上車問題，其實每個老人、孕婦等有需要人士可連同最多兩個陪同人士提早落月台，只要同閘前職員講聲，佢就會掃描眾人嘅回鄉卡，咁就可以喇。 深圳北竟然要自己轉方向
搭過幾次去汕頭都唔使轉 (即香港-深圳北係倒頭車) 本帖最後由 rickycheng 於 2026-4-19 23:20 編輯
nwfb1001 發表於 2026-4-19 22:37
深圳北竟然要自己轉方向
搭過幾次去汕頭都唔使轉 (即香港-深圳北係倒頭車) ...
我估應該因為專列先叫轉(因為大家都係圑友,深圳北停十幾分鐘又唔駛用時間上其他客夠時間一齊轉方向..邊轉方向邊上落好混亂)
廣鐵(乘務員/車長)實知呢班係專列
上星期咁岩搭左一班終點站去成都見大航假期導遊都不停同乘務員溝通(我搭呢班唔係專列...我也唔係跟圑只係去深圳..但車卡大部分係圑友)
搭過幾次去都係有段廣播叫忍受十幾分鐘倒頭車
定最近改左(但機會不大)
rickycheng 發表於 2026-4-19 23:07
我估應該因為專列先叫轉(因為大家都係圑友,深圳北停十幾分鐘又唔駛用時間上其他客夠時間一齊轉方向..邊轉 ...
轉位期間必須至少兩排人全部企晒出走廊，加上報團多數都係老人家手腳慢，真係全部團友先好咁玩。;P
點解當初唔係倒後入香港就唔清楚。
另外，回程無叫轉位，並在開車後廣播話唔想麻煩大家所以無叫。咁佢下一程如果再上客就唔使轉。
本帖最後由 rickycheng 於 2026-4-20 20:58 編輯
DIH 發表於 2026-4-20 12:59
轉位期間必須至少兩排人全部企晒出走廊，加上報團多數都係老人家手腳慢，真係全部團友先好咁玩。
點解 ...
個唔轉唔想麻煩大家係標準廣播
咁就應該係出發前因為某D 原因唔係倒頭,當然唔想你搭兩個鐘倒頭就要你轉位
因為正常佢下一程都係要轉.因為永遠只有香港至深圳北呢段會倒頭車.除非佢呢列下一班唔係潮汕(舊路)方向(加班車咁既安排也不奇怪)
---
補充:而家個設計唔預你係月台長時間等車...廣深和諧號一樣
落月台之前候車室就多
另外去到邊個站就正常班次個顯示屛會定格顯示,標準設計也唔預你落車睇;P
頁:
[1]
2