本帖最後由 HB1972 於 2019-1-19 15:54 編輯
呢個旅途其實係【大阪→名古屋巴士之旅】嘅下續，有興趣嘅版友可以去 呢道睇。當時當我到達名古屋探完朋友之後，就去鐵路遊。呢次鐵路遊嘅目的地係尾道，個原因會起文章底講到。搭JR由名古屋去尾道其實可以直達搭新幹線，但係因為想搭下氣動車，所以呢次鐵路遊路線係途經一D鄉郊路線，同埋都要兩日先到尾道。因為我所途經嘅地方都幾趙，所以買車票個時唔可以去自動售票機，要去綠窗口辦理，我就用僅有嘅日文同個職員講車票途經唔同地方。 第一日非常早到起身到名古屋站，早上六點鐘嘅名古屋好冷清。 第一程係搭6:33分嘅列車去龜山 313系2輛編成 起名古屋站買嘅早餐便當 應該係YS-11？ 到達龜山7:47，轉乘キハ110系柴油列車往柘植方面進發 到達柘植後，轉乘草津線往京都方向，呢架列車係以忍者黎做主題 草津站。早上得班關西特急はるか排隊位置 普通211系 京都站比我遇到架剛到站嘅智頭急行特急列車 到達京都大約係十點左右，但係已經出左閘（中途下車）。因為Plan左第二日全日會搭鐵路直達尾道。落左車之後就去遊覽京都鐵道博物館。經典國鐵寢台電車583系 485系雷鳥 之後去搭嵐電由四條大宮經帷子之辻去北野白梅町 起北野白梅町轉巴士搭多幾個站到達金閣寺 之後番京都酒店等第二日。第二日一早又係六點左右已經出左門口到京都站，整日搭JR。 買少見少嘅103系 乘搭6:37嘅列車往福知山 京都站早餐 離開京都市 嵯峨嵐山站與嵯峨嵐山小火車 當架車停左起嵯峨嵐山之後，架車就停左好耐，大家都唔知咩事。過左約二十分鐘之後，車長播話嵯峨嵐山至保津峡之間發生冧樹，壓爛架空電纜，初時話要等兩個鐘修理，但係過左一個鐘之後，最新消息話要再等多兩個鐘，大約中午前後先開通番，車上面D人都開始落車。因為我要起今日完結前要到尾道，所以我都要落車轉其他交通工具。一落車上車站大堂都好多人，當中有條隊係排攞延誤證明書。我都要問一問車站職員因為我正在遊程中，問可唔可以Skip左停運嘅路段，起另一個站入閘繼續去尾道，職員話可以，所以就第二次中途下車。當日停運區間係由京都站至園部站，所以我要揾方法去園部站，根據我上次巴士之旅，京都之北嘅巴士路線班次甚少同難有駁腳，由嵯峨嵐山至園部都有幾十公里，更加冇可以行路去園部站。所以起冇辦法下轉乘的士。圖中為車站外觀。 起車站外嘅的士站又有好多人排隊，自已又冇辦法打電話電召的士，所以我就往番嵐山渡月橋行，希望可以遇到的士。起渡月橋外截到架的士，估唔到個士司機都談，最後仲交換埋Facebook。的士車程途經收費高速公路（京都縱貫自動車道），有趣嘅係公路費係落公路時客人先付，唔係的士到達目的地時一拼支付。 八木站，圖中列車已經停駛。 呢程的士車費約一萬日元，好肉赤！到達園部站後，立刻見到車站資訊，見到預計都要一點先開番。 之後第一時間落月台搭最快開個班車，到左福知山先。因為行程混亂左，所以我唯有重新計劃之後嘅車程。 呢架車入面會有收錢箱，係為左到達一D冇人車站時會使用。 車費表 留心發現嘅話會見到因為冧樹要轉左時間表 去到石原站，有工程人員上車，起石原站至福知山站間檢查路軌。 終於到達福知山站，本來約個半鐘嘅行程要近四個鐘先到。 之後轉113系往和田山 途中不斷經過鄉郊地帶 到達和田山後轉乘播但線國鐵柴油列車 播但線成條線分開兩部分，和田站至寺前係非電化部分，而寺前至姬路則電化部分，所以就起寺前轉車，暫時播但線電化路段全段都係103系 到達姬路站 221系 下一程車係223系，由姬路往相生 起姬路站買左個車站便當 之後到達岡山，係其中一個國鐵列車激戰區，此架是117系，之前曾服務京阪神嘅新快速列車。可惜今次搭唔到佢。 呢架係起相生至岡山車程嘅列車 之後由岡山站轉乘吉備線，繞道經總社去尾道。Kiha 40系 四國柴油列車 起吉備線車程，當時已經放學時間，所以遇到好多學生。 起總社轉車遇到架通過嘅貨物列車 下一程車係搭往赤穗線備前片上嘅普通列車 本日最後一程，乘搭17:06嘅普通列車 見到尾道大橋就知就黎到尾道 到達尾道。名古屋至尾道鐵路之旅到此完結。起尾道六月嘅天氣仲係天氣涼爽 話說點解我會選擇尾道作為終點呢？就係因為我將會起呢道轉車去四國今治，然後租公路單車挑戰七十公里島波海道（しまなみ海道），由四國今治踩單車番本州尾道。因為個時奮力咁踩，冇乜影到相，只有起多多羅大橋影左一張相
付上車票一張，但係唔知點解會90度旋轉左
完
| 
