【最低限度】建議 68X/69X/265B 重組

fleetline 發表於 2020-8-2 18:48
天瑞對269B始終有一定貢獻,
而由有變冇的改變比路線改慢影響更大,
所以我唔贊成269B完全唔經天瑞.

路線改慢其實已可令 269B 對天瑞嘅重要性減低，甚至有等於無，
當年 6B 併入 9，9 兜入黃大仙，令原有客源流失而生意大跌就足以證明呢點，
更何況天瑞尖沙咀鐵路競爭力大，如果堅持要天瑞頭站盡兜，
我諗到時 269B 天瑞客流失嘅情況只會比而家更嚴重。

天水圍站逆走就更加唔洗諗，屏欣苑、天祐苑同天耀圈嘅情況仲差過天瑞，
如果淨係純粹象徵式有條尖沙咀車，無客都係變相浪費巴士公司資源，
倒不如真係大刀闊斧，將 269B 由天南送上天北，而俾天南其他補償，
就更容易無後顧之憂，到時 269B 一係照係市中心開，115 區直出，
一係就改去天富，學你所講 264R 行法兜天北同嘉湖北上公路，
到時嘉湖北有尾站車，但 115 區嘅站位就變得唔理想，所以兩個方案各有取捨。

David_hk 發表於 2020-8-2 23:09
其實可以再簡單少少，

剩係分拆265B同縮短269B就算。

你個方案係就係令天北去旺角方便咗，兼有車去油麻地佐敦，
但最後變成天北無咗車去深長荔，呢段客量似乎唔細，請問有無方法補位？

SE7378 發表於 2020-8-3 15:57
路線改慢其實已可令 269B 對天瑞嘅重要性減低，甚至有等於無，
當年 6B 併入 9，9 兜入黃大仙，令原有客 ...

路線改慢確實會影響原有客量,
不過睇返269B改路,
如果行埋天北就估計比現時慢5分鐘,
如果唔行天北隨時快過而家咁行,
一條要行超過一個鐘的線,
慢5分鐘對客量影響未必好大.

而天耀一帶基本上係預左唔多人坐,
繼續放天南原因,
主要是等他們有一條肯定有位坐路線,
你要知道天水圍除左天北人經常投訴冇快車,
仲有天南人經常投訴冇位坐.

SE7378 發表於 2020-8-3 15:25
繁時第 112 區需求固然大，但其實可以靠拆兩味支線去分流，
例如上述 265P，天恆開經濕地公園直出欖隧去 ...

265P呢個idea唔係唔得
但我有幾樣疑問：
1. 非繁時段天葵路/115區/慧景軒可以搭咩車
我覺得你建議嗰條269M走線係可行，但一樣有機會比天秀路同李兆基書院站嘅客源反對。
2.會唔會拉疏265M班次？

旺柏嗰度，之前已經講咗大欖線有68X，另外荔枝角道仲有52X可以搭返去旺柏，同埋可以拉270B比旺柏，拓展客源。所以265B拉出旺柏問題不大。

68X乘客唔係傻嘅，點會順你意改行荔枝角道？
事實就係個個都想行長沙灣道，但總要有人墊屍底。呢個就係我覺得天北可以放棄265B嘅理由。

最後，如果直接將閣下嘅269B走線改做旺角特快又得唔得，又或者做齊油尖旺（收費問題可以再討論）。因為我完全唔覺得做尖沙嘴可以打得贏西鐵。

fleetline 發表於 2020-8-3 21:01
路線改慢確實會影響原有客量,
不過睇返269B改路,
如果行埋天北就估計比現時慢5分鐘,

都係嗰句，既然預左唔多天南人坐條頭站盡兜嘅路線，
就算佢哋有位坐都未必有人坐，倒不如改得大刀闊斧，唔好再尾大不掉。

David_hk 發表於 2020-8-4 09:55
265P呢個idea唔係唔得
但我有幾樣疑問：
1. 非繁時段天葵路/115區/慧景軒可以搭咩車

個人覺得又唔使太擔心天秀路同李兆基書院嘅問題，
因為一來佢哋行去天瑞路或天華路坐 265M 唔算好遠，又有特快車程，
就算近李兆基書院嗰邊馬路嘅天晴邨嫌遠，都可以行去慧景軒坐 269M，
兜第 115 區用多咗嘅時間未必差得過而家太多，甚至放遠少少睇，
如果因第 115 區令 269M 有可觀的客量增長，九巴肯幫 269M 加班，
到時天秀路出欖隧荃葵嘅班次水平都會有改善，分分鐘抵銷返多咗嘅車時。

至於 265P 派車問題，所有天水圍 M 線都會有份，唔會完全傾斜於 265M。

如果洪水橋、屏山同元朗真係好唔想被人抽走長沙灣道線，
可以學樓上版友話齋，柏景灣方向改行南昌街落荔枝角道，
就保得住深水埗站附近嘅站位優勢，楓樹街客響南昌街落車就得。