本帖最後由 ctb7k-pc6795 於 2020-8-1 21:30 編輯
貼文時, 3ASV364 (KN9016) 已經退左兩個月,
當日係好多架KN牌大豬到期日,
無諗過到期果日都出左好多架做日頭打仗,
9016 係當日係最夜收車的一架, 尾數日做北區邊境同區內線,
無諗到尾日被拉返大埔, 派去大埔中心對外特快線 72X,
行足全日, 直到晚上十一點左右返廠榮休......
當日知架車做72X 都好驚喜 (雖然72X 用尾日車好平常),
同時亦令我憶起在到期前的五個月的遊河 (舊年12月尾最後的周日),
果日好大雨, 佢亦都係做72X, 廠徽在舊年年尾都無補返,
車頭車牌係舊款 (係佢第二副車牌, 亦難得到退都保留),
真係當佢時光倒流亦得 (當年佢甩69X 之後改掛75K穿梭郊區...);
門位廣告上左好耐 (超過一年, 當係尾日影都得 XDDD),
只係梯位 Banner 唔同左, 舊年的壽桃就全以小朋友做肖像,
最後的白蘭氏賀年廣就以劍擊手崔浩然做代言人.....
再講返架車, 初次遊佢做72X 之前, 曾在星期六下午於九龍塘坐佢做271
路線相似, 按下重溫 (附有佢行車表現, 個人認為係較為柔弱, 唔止一個講)....
https://www.hkitalk.net/HKiTalk2/thread-1153403-1-1.html
亦無估到佢係今年元旦凌晨做左271富亨出九龍收工單 !!!~~
舊年遊72X 時, 又凍又落雨, 落雨果陣遊豬係好過坐躉,
等左好耐先坐到, 上車過埔中就在尾二站同埔中留影,
之後再坐佢出旺柏影門位, 加埋燈光之下反映架車被雨水沾濕,
坐佢最好就係凍天氣先坐, 到尾日坐就更有明顯對比.....
到兩個月前的尾日, 當日天氣好熱, 收工之後保鐵過九龍塘等,
等左半個鐘見到9016 向旺角方向走 (早知過對面影門位 ),
之後再坐車出旺柏遊, 係終極兩轉, 返大埔果兩單都係滿載,
冷氣係上層好一些, 有出風, 但降溫效果爭D,
上映月台時聽到車長按鎖波制谷, 不過佢快轉波,
作用唔太大, 難怪好多人話佢無力;
公路表現就普通, 有唔少同款會比佢好.....
到埔中後醫肚, 再坐佢尾轉出去, 出旺角尾二單上層無咩人,
在上獅隧暗斜時見到前面有 首批歐五 B9TL (PG6918),
係69X 後兩代掛牌, 亦轉左去沙田服務,
兩代69X 誇代金車掛牌前後腳, 兩車的車身裝工亦一流,
無摩擦聲, 返旺柏見時間都唔算晏, 就再坐埋收工單,
尾日係志在坐多過影, 想去其他攝點但太熱, 唯有影站頭相算.....
返到埔中, 架車已轉私牌, 影果陣岩岩白蘭氏廣告的
下面點出品牌的口號被燈光遮左, 但同電牌字句配在最後都好配,
就係 "送健康, 摯有心, 加強清潔抗肺炎".....
影完之後目送車長泊卡, 再渣佢出站返廠, 就此完結18年載客生涯,
多謝點閱長文.....
|
