浸鹹水遇溺記 第二十三回 SN2095 BRU-LHR 飛行報告

浸鹹水遇溺記 第二十三回 一個不要離群的故事

歡迎黎到小弟嘅第二十三回 浸鹹水遇溺記，今回遇溺記小弟會乘搭布魯塞爾航空 由布魯塞爾前往倫敦希斯路。繼上回 遇溺記 小弟乘 Jet2 前往阿姆斯特丹，同友人遊覽荷蘭及比利時一星期後，小弟係時候回諾定咸過聖誕節，而今趟旅程小弟會先由 Brussels 乘 Brussels Airlines 前往 London Heathrow, 再乘火車經 St. Pancras 返回 Nottingham。

P.S. 小弟先係呢度講翻聲唔好意思先 - 話說小弟本身係希望按時序推出遇溺記，惟由於第二十回遇溺記係資料蒐集同研究上都比預期耗時，小弟會將介紹 Brooklands Museum 嘅文章押後，並先推出呢份介紹布魯塞爾航空嘅飛行報告。小弟於一九年十二月乘搭呢個航班，而文章主體則於二零年年中就已經寫好 - 為咗保持小弟當時 (疫情初期) 嘅觀點看法，小弟係沒有更改文章主體，惟小弟會係文章中加上補充資料，希望大家諒解。

-- Flight Info --

SN2095 BRU-LHR OO-SSO

Airbus A319-100

STD 1655 ATD 1700 (CET)

STA 1705 ATA 1640 (GMT)

-- 從何時你也學會不要離群 --

布魯塞爾對外嘅交通網路係非常發達 - 比利時前往英國嘅交通選擇 除咗有由 Brussels Midi 開往 London St. Pancras 嘅歐洲之星高速火車之外，Brussels Airport 亦有開往多個英國機場嘅航班，而如果時間唔係首要考慮嘅話, 閣下甚至係可以考慮乘搭 flixbus 或 渡輪服務來往兩地嘅。

多個選項之中 無疑 Brussels 去 London 最直接嘅方法係搭歐洲之星 eurostar，況且小弟一行三人當晚會於 St. Pancras 轉乘火車前往 Nottingham，其實搭 Eurostar 係不二之選。BRU 亦有 BRU-EMA 及 BRU-BHX 嘅航班, 而 BRU-EMA 更係由 flyBMI/bmi Regional 嘅接班人 Loganair 營運。唯由於友人比較遲買車票嘅關係，當時價格最便宜的選項係搭 SN 去 LHR，而小弟亦只好跟大隊買呢張機票，順便體驗 Brussels Airlines 嘅短途服務啦~~

-- Brussels Airport (BRU) --

Brussels Airport 位於布魯塞爾以北十二公里, 乘半小時火車或一小時機場巴士即可到埗。小弟當日同友人乘機場巴士由位於布魯塞爾市中心嘅歐盟總部前往機場, 係交通暢通嘅情況下用咗四十分鐘左右即抵達機場。

BRU 算係一個標準嘅歐洲機場 - 雖然機場室內設計極度平實，不過機場嘅運作效率係非常高，而小弟同友人當日只需十分鐘就能通過安全檢查同辦理出境手續。BRU 嘅禁區外係有例牌嘅找換店同餐廳, 而 Non-Schengen 部份嘅禁區內則有個 Duty Free, 少量名牌鋪頭, 報社同咖啡室。當日小弟通過安全檢查後 買咗杯咖啡, 一路等飛機一路欣賞 Apron Movement。

-- SN2095 --

Brussels Airlines 係一間服務布魯塞爾為主嘅航空公司, 機隊以 A320 同 A330 為骨幹, 而 SN 嘅版圖係覆蓋歐洲, 北美洲同唔少非洲嘅前殖民地。Brussels Airlines 係一間歷史悠久嘅航空公司 - 航空公司經歷過一次破產倒閉同合併, 而現有 IATA Code SN 係取自其前身 Sabena。漢沙集團於 09年購入 SN 嘅股權, 而現時 SN 係由漢沙全資擁有。

航班登機於當地時間四點半開始 - 雖然今日嘅 A319 係幾乎坐滿，不過登機過程係非常迅速，十幾分鐘內全部乘客已經安頓好 - 機組人員作出安全示範後, 航班隨即 Pushback 及起飛。航班起飛後, 機組人員隨即開始 Inflight Service。同其他漢沙集團旗下嘅 Full Service Airline 唔同, Brussels Airlines 係短途航班上係唔會提供免費膳食, 出而代之嘅係一個 Buy Onboard 嘅餐牌 供乘客選購。今日嘅航班航程只有四十分鐘, 而機組人員可以派餐嘅時間可能只係有十幾分鐘。基本上, 機組人員好快咁將個餐車由機頭推到機尾後, 再將個餐車推翻去機頭, 機組人員已經要開始準備降落。

Brussels Airlines 嘅 A319 上一共有 141 張座椅 - 經濟艙係採用一個標準嘅 3+3 座位排位，而商務艙係採用一個 "假 2+2" 嘅座位排位。 Seat Pitch 係一個正常嘅 31吋，而座椅係可以傾後嘅。同大多歐洲短途航班一樣, 今日航班上並沒有提供 IFE 或 Wi-Fi 服務, 而小弟嘅機上娛樂則只係有同行嘅友人 (誤) 以及機上提供嘅刊物 (i.e. 安全卡，雜誌同餐牌)。 有趣嘅係，由於布魯塞爾航空係有提供三個版本嘅機上服務，機上嘅餐牌其實係同本飛行雜誌差唔多厚嘅 - 短途航班係按時間會提供唔同類型嘅食品, 而長途航班上提供嘅食品款色亦當然比較多。

餘下嘅航程都好順利咁渡過 - 機組人員係 1720 已經開始準備降落, 而航班於二十分鐘後安全降落倫敦希斯路機場。用 咗四十五分鐘穿過依舊辦事慢條斯理嘅入境後, 小弟同友人乘 Tube 到 St. Pancras, 再轉乘 East Midlands Trains 北上回 Nottingham, 為呢個一星期嘅 Low Countries 之行畫上一個句號。

-- Conclusion --

總結呢個 0h40m 嘅航班, 小弟覺得個航班體驗係... "So unnoteworthy, as to be in itself to be noteworthy" 無論係機場, 航班, 以及航空公司嘅品牌, 基本上全部都係標準到無得再標準。基本上, 如果你唔同小弟講間航空公司叫咩名, 小弟都無機會推測小弟搭緊咩航空公司，但係亦係同一個原因，令小弟對呢間航空公司印象深刻。

當然, 基於航班嘅性質, 呢個航班係好難單獨評論同比較 - 小弟相信機上大部份乘客都唔係只係搭 BRU-LHR, 而係於布魯塞爾轉機前往英國, 而 SN 亦無必要係一個咁短途嘅航班上太過強調自己嘅品牌。唯小弟相信係 SN 其他航班上, SN 嘅品牌都唔會太過明顯, 而基本上除咗 Brussels 嘅幾部 A320 花機之外, SN 嘅短途航班上真係毫無比利時元素或特色。

另外, 雖然比利時係一個講 Flemish, Dutch & French 嘅國家, 不過當日嘅乘客廣播幾乎全部都係用英文 - 小弟對呢個安排係感到不解嘅, 畢竟 Brussels Airlines 係比利時嘅 Flag Carrier, 如果自己 Flag Carrier 都唔講自己語言, 咁邊個會講呢? 何況唔少法語同荷蘭語人仕係會對自己語言感到自豪, 某程度上 Brussels Airlines 嘅安排係極度唔符合國情。(想體驗下法國人對自己語言有幾熱衷, 閣下係可以試下係法國講英文 - 其實唔少人係聽得明英文, 不過回覆時都會以法文回應)

講翻今日航班嘅價錢 - 今次小弟買呢張機票係俾咗 €60, 而呢個價係一個 Cabin Carry-On only, 唔包寄艙行李嘅價格。如果閣下預早購票, 單程機票價格係由大約 €25 起跳嘅。 如上文提及, 最方便來往布魯塞爾同倫敦嘅方法係搭乘 Eurostar, 唯車票價格係由 €50 左右起跳 - 如果閣下係有寄艙行李嘅, 相信搭火車會係最簡單同便宜嘅交通模式, 唯如果閣下係無寄艙行李嘅, 究竟呢 €25 fare difference 值唔值得俾, 咁就由閣下判斷啦~~

今日嘅飛行報告寫到呢度先，希望大家睇完呢篇飛行報告後 會加深對呢間漢莎集團旗下嘅航空公司嘅認識啦。小弟亦係下面講多 咗少少關於布魯塞爾航空嘅背景，以及漢莎集團嘅發展計畫，有興趣聽小弟講解下布魯塞爾航空嘅處境嘅話不妨睇埋啦。下一回遇溺記小弟會由倫敦飛往都柏林，並一次過乘兩間愛爾蘭藉嘅航空公司 - 究竟小弟係點做到呢個壯舉呢? Stay Tuned!

布魯塞爾機場嘅陸路交通接駁算係頗完善嘅 - 小弟當日同友人由市中心出發 搭 咗四十分鐘 Mercedes Benz Citaro '燒車佬' 後便抵達機場

雖然布魯塞爾機場嘅客運大樓設計未必係最新穎, 不過個客運大樓係非常整潔同實用~~

既然今日嘅航班係一個國際航班, 咁小弟點都要循例行一轉機場免稅店嘅~~

小弟係十二月二十四號乘呢班機, 而當日機場嘅聖誕氣氛都幾濃厚嘅

//曾去追夢想 曾不分路向

拿不到勳章 無方向照亮

每一節演奏的樂章 每一次失意跟缺氧

未有被拍掌 卻可以肯定去向//

[周國賢 凡夫的樂章]

小弟為今回遇溺記做資料蒐集嘅時候無意中發現原來布魯塞爾機場嘅股權中有 39% 係由 Ontario's Teachers' Pension Plan 擁有。呢個情況並非布魯塞爾獨有 - 大家有興趣嘅話 不妨下次同大家講下唔同奇特嘅航空業投資啦

雖然比利時嘅帝國早已衰落, 不過布魯塞爾機場係依然有唔少前往比利時前殖民地嘅航線。 圖中左邊嘅 Rwandair 剛剛由 Kigali 飛抵 Brussels, 並準備飛往 London Gatwick。(註: Rwandair 並沒有 BRU-LGW 嘅第五航權, 而該航班到達 BRU 之後係只准落客)

Brussels Airlines 嘅 “商務艙座位” - 硬件上, 商務艙同經濟艙係用同一張櫈, 唯商務艙係會有多少少 legroom, 以及一張吉嘅中間位。

雖然布魯塞爾航空係短途航班上提供嘅服務比較缺乏特色，不過佢係六部 A320 身上披上不同特別色彩，宣傳唔同嘅具標誌性嘅比利時事物。雖然呢六部機嘅機艙都係標準配置， 不過呢六部機分別係

Rackham (OO-SNB, The Adventures of Tintin)

Trident (OO-SNA, National Football Team)

Amare (OO-SNF, Tomorrowland)

Aerosmurf (OO-SND, Smurfs)

Bruguel (OO-SNE, Pieter Bruegel),&

Magrite (OO-SNC, Rene Magrite, Retired 2021).

唔知大家又有無搭過呢幾部機呢?

[05/21 edit]路邊社消息，Brussels Airlines 正為 Rackham 進行翻油及機艙改裝，而機艙設計亦會加入 Tintin 元素 - 究竟成品係點就要大家期待啦~~

機上嘅 “Inflight Entertainment” - 安全卡, 飛行雜誌及餐牌

Sunsets at 24,000ft are better than sunsets on terra firma

雖然航班已經安全著陸倫敦希斯路機場，不過小弟心底仲有一條問題係依然未被解答嘅 - 究竟 Brussels Airlines 係一間廉航定係一間傳統航空公司, 而究竟 Brussels Airlines 想顧客當佢係一間廉航定係一間傳統航空公司呢? 呢條問題呢條問題嘅答案真係一言難盡...

And back in the East Midlands! Thank you for joining me on this flight.

***

小弟開咗個 IG 專頁啊~~ Follow along my adventures at @bombe_de_terre

***

如果閣下鐘意小弟既飛行報告既話, 不妨睇埋小弟之前寫落既浸鹹水遇溺記~~

第一回 LX139 LX460 HKG-ZRH-LCY 巧遇 Avro RJ100 的故事

第二回 BE1429 SOU-EMA 一個乘搭 Repositioning Flight 的故事

第三回 KL888 KL1515 HKG-AMS-NWI 尋找 Fokker 70 的故事

第四回 KL1426 KL887 BHX-AMS-HKG 被 Avro RJ 尋找的故事

第五回 OS58 OS455 HKG-VIE-LHR 不怕神一般的對手, 只怕鹹魚般的乘客?

第六回 探訪退役協和號 G-BOAF 的故事

番外篇 CX416 HKG-ICN 商務艙 冬日拜訪漢城記

第七回 BE7671 NCL-BHD-IOM 尋找 Jetstream 41 的故事 - 不日推出

第八回 BA3287 IOM-LCY 一個避完稅走去翻學既故事 - 不日推出

第九回 LX467 LX138 LCY-ZRH-HKG 尋找 CSeries 的故事

番外篇 HX690 HKG-CTS 一個唔搭因航遭天譴的故事

第十回 LH797 LH926 HKG-FRA-LCY 初嘗漢莎航空

第十一回 AF1781 AF188 LHR-CDG-HKG 商務艙

第十二回 AF185 BM1882 HKG-CDG-BRS 尋找 Embraer 145 的故事

第十三回 BE7615 VLY-CWL 重逢 Jetstream 41 的故事

第十四回 BT652 LGW-RIX 被 Airbus A220 尋找的故事

第十五回 AY1072 AY99 RIX-HEL-HKG 尋找 ATR72 既故事

番外篇 KC930 HKG-ALA 尋找 757 的故事

番外篇 Z92101 ALA-TSE 一個尋找 Fokker 100 的故事

番外篇 KC992 KC929 TSE-ALA-HKG 一個歸家的故事

第十六回 AY100 AY1301 HKG-HEL-AMS 阿姆斯特丹夜機

第十七回 拜訪荷蘭航空博物館 Aviodrome

第十八回 BE1094 AMS-EMA 重逢 Dash 8 的故事

第十九回(上) 拜訪協和號試驗機 - IWM Duxford

第十九回(中) 拜訪英製民航機古董 - IWM Duxford

第十九回(下) IWM Duxford Mini Airshow

第二十回 拜訪 RAF Museum - Cosford

第二十一回 拜訪協和號試驗機 - Brooklands - 不日推出

第二十二回 LS205 LBA-AMS 尋找 737 Classic 的故事

第二十三回 SN2093 BRU-LHR 初嘗布魯塞爾航空

第二十四回 EI283 LCY-DUB 尋找 Avro RJ 的故事 - 不日推出

第二十五回 FR534 DUB-EMA 初嘗瑞恩航空的故事 - 不日推出

浸鹹水遇溺記 第二十三回 番外篇 So, what is Brussels Airlines?

1. Introduction

究竟 Brussels Airlines 係一間咩類型嘅航空公司呢?

一間傳統嘅航空公司? 不過佢嘅票價結構又唔似丫...

一間廉價航空公司? 不過布魯塞爾航空嘅運作模式又用足傳統航空公司個套喔...

咁究竟 Brussels Airlines 係一間咩類型嘅航空公司，而佢又想做一件咩類型嘅航空公司呢?

不如今次小弟喺呢篇浸鹹水遇溺記度介紹下 Brussels Airlines 嘅歷史，講解下為何布魯塞爾航空會進入今日兩面不是人嘅困境啦，以及講下小弟對 Brussels Airlines 嘅未來發展同睇法啦~~

P.S. 呢度再講多聲唔好意思先 - 小弟於一九年十二月乘搭呢個航班，而文章主體則於二零年年中就已經寫好 - 惟由於遇溺記喺資料蒐集同研究上都比預期耗時，呢份後記係用多咗成年先寫好。為咗保持小弟當時 (疫情初期) 嘅觀點看法，小弟係沒有更改文章主體，惟小弟會喺文章中加上補充資料，希望大家諒解。

2. The Belgian Jewel

Brussels Airlines 嘅前身 SABENA 於 1923 年成立，全名為 'Belgian Limited Company for the Exploitation of Aerial Navigation'，並為比利時及其非洲殖民地提供航空服務。 (某程度上 SABENA 呢個名係改得幾妙嘅，因為當時 SABENA 嘅航線大多都係連接負責 exploit 及負責被 exploit 嘅地區。) 初時服務只限於為歐洲內以及比利時屬剛果內的目的地提供連接，直至 1935 年 SABENA 開辦第一條定期連結比利時及剛果的航班為止。

二戰嘅完結為 Sabena 帶黎巨大嘅機遇同挑戰 - 雖然航空公司於戰後引入新機型發展歐洲-北美航線，例如 DC-6 同 B707 等，不過戰後嘅去殖化浪潮亦大大影響比利時帝國以及 Sabena 的版圖。1960年嘅剛果獨立逼使 SABENA 將營利極高嘅剛果內陸網絡轉交予新國家自行營運，而 SABENA 此後則以營運歐洲內陸線以及連接歐美及歐非嘅長途航線為主。

Credit: Timetable Images

惟七八十年代為整個歐洲航空業帶黎唔少挑戰 - 歐洲經濟除咗被中東嘅戰爭影響之外，九十年代初開始嘅 airline deregulation 亦為歐洲市場迎黎唔少新嘅航空公司。雖然 sabena 嘅主要市場並未有受到太大影響，不過比利時政府係正確地意識到 sabena 係不能繼續以一間中型，獨立航空公司身份喺一個競爭日益激烈嘅市場中生存，而政府亦開始為 sabena 物色一個適合嘅收購者或合作夥伴。最終，Swissair 於 1995年購入 sabena 嘅 49% 股權，並接過其管理及營運決策。

可惜呢度全部都係 Too Little, Too Late - 由於 Swissair 投資失策以及過度發展，SR 根本沒有足夠資金支撐當時年年記錄虧損嘅 Sabena，而佢亦沒有足夠資金繳付 Swissair 代 Sabena 購買嘅新機費用。隨著歐美對飛行嘅需求喺 9/11 事件後大幅縮小， Swissair 喺同年十月宣佈破產，而 Sabena 則於一個月後跟隨 Swissair 嘅步伐 走入歷史。

雖然 Sabena 喺零一年十一月倒閉，不過佢嘅網絡則得以保留落黎 - Sabena 旗下, 負責執飛短途航班嘅 DAT Transport (No relationship to DAT Danish Air Transport) 喺母公司倒閉後係獲准繼承 SN 嘅飛機及航線，而 DAT 則隨即復辦 SN 嘅原有歐洲路線網絡。隨著新嘅投資者加入，DAT 於 2002年改名為 SN Brussels Airlines，並開始復辦故有嘅非洲及北美長途路線。SN Brussels Airlines 更於 2005 年買下於同樣身處布魯塞爾嘅廉航 Virgin Express，並於 2006 年將兩者合拼，成為今日嘅 Brussels Airlines。

[註] 順帶一提，Swissair 嘅版圖最終係由原本負責執飛其區域航線嘅子公司 Crossair 繼承。同 Sabena 嘅處境一樣，Swissair 進入破產程序時，旗下嘅 Crossair 係被兩間瑞士銀行下，並宣布接手 Swissair 的業務。隨著 Crossair 於 2002 年四月接過 Swissair 的航線，飛機及員工，Crossair 同日改名成 Swiss International Air Lines，成為今時今日大家都熟識嘅 SWISS。呢個亦解釋點解 SWISS 嘅 IATA Code 係繼承 Crossair 嘅 LX ，而唔係使用 Swissair 嘅 SR。

3. Lufthansa takes Brussels under its wings

雖然 Sabena 同 Swissair 喺 2001年不歡而散，不過繼任公司 Brussels Airlines 同 Swiss International Air Lines 好快就變翻姊妹公司 - 漢莎集團於 2008 年買下 Brussels Airlines 嘅 45% 股權，而漢莎集團早於 2005 年已經收購 Swiss International Air Lines。漢莎於 2017 年買下 Brussels Airlines 嘅餘下股份，而布魯塞爾航空聯同漢莎，瑞士，以及於 2009 年加入漢莎嘅大家庭嘅奧地利航空，成為 Lufthansa Group 嘅四個核心航空公司之一。

除咗啱啱介紹嘅四間核心航空公司之外，漢莎集團歷年黎亦有玩過唔少 Partnerships 同買入唔少 Regional Carriers 嘅。漢莎嘅 Regional Operations 喺 1992 年由購買 DLT (現稱為 Lufthansa Cityline) 開始，而 Air Dolomiti 以及 Eurowings 則於 2003 年及 2004 年被收篇入 Lufthansa Regional 嘅版圖。此外，現時漢莎集團分別同 DHL 合資貨運公司 AeroLogic，以及同土耳其航空合資主打德國-土耳其航線嘅廉價航空 SunExpress。

4. A Tango with Eurowings

不過喺剛剛提到嘅多間航空公司之中，同 Brussels 比較有淵源嘅係 eurowings - 原為一間使用 Avro RJ 及 CRJ 服務區域航線嘅 Regional Carrier，漢莎集團於 2015 年宣佈 eurowings 將改組為一間廉航，並聯同子公司 germanwings 一同抗衡 Ryanair 同 easyJet 喺德國嘅急速發展。 eurowings 原有嘅 CRJ 機隊及航線會交予 Lufthansa Cityline 繼續營運 (雖然兩者於兩年後才完成交接)，而 eurowings 則會引入多部 A319 & A320 營運新航線。

eurowings 轉營初期係以攻佔市場佔有率為目標，以抵禦當時正急於德國發展嘅 Ryanair 嘅攻勢 - 漢莎甚至喺 2016 年嘅業績報告入面提及 希望於 2017 年內把機隊擴充至 150 部。 雖然當時漢莎已經擁有 germanwings 以及 SunExpress 兩間航空公司，不過漢莎似乎唔滿意 eurowings 嘅發展速度。據報導，漢莎曾研究 eurowings 向 Austrian 濕租 A320 以擴充機隊嘅可能性 - 雖然最後計劃並沒有執行，不過漢莎集團全面購入 Brussels Airlines 後不久，漢莎於 2017 年直接把 Brussels Airlines 納入 eurowings 品牌下，將兩者的歐洲內短途航班機票結構睇齊，並開始以廉航定位定下未來發展。

不過此廉航不同彼廉航 - 當時漢莎集團除咗希望將 eurowings 打做成一個服務短途航線嘅航空公司之外，漢莎集團亦希望以 eurowings 品牌打入長途廉價航空嘅市場，並抗衡 Norwegian 以及專營 Package Holiday 嘅 TUI。同其短途航線唔同， eurowings 係選擇全以濕租形式租借飛機營運新航線，並於四年間分別向 Brussels Airlines, SunExpress Deutchland,  TUIfly Deuschland 以及 PrivatAir 租用 A330, A340 及 B767，開拓不同類型嘅長途航線。

呢個發展模式嘅營運成本雖然唔係最低廉，不過呢個模式並非完全沒有好處 - 依賴租賃飛機營運航線意味 eurowings 能夠輕易增加或減少機隊，配合一個發展步伐比較難預測嘅市場，避開購買飛機時衍生嘅風險。同時，eurowings 亦無需自行培訓相關嘅機師，並減少飛機由購入至投入服務的 lead time。從乘客角度出發，雖然 eurowings 喺每班長途航班上提供嘅乘客體驗都不一樣，不過漢莎則認為呢個安排並不會令乘客對 eurowings 卻步。

5. Back to Square One

雖然漢莎集團係正確地假設乘客並不會因為每次遇上唔同嘅航班營運者而對 eurowings 卻步，不過另一邊廂 呢個安排對布魯塞爾航空嘅影響則極為顯著。基於機隊限制，Brussels Airlines 除咗要把自己嘅機隊部份時間調往 Dusseldorf 執飛 euorwings 嘅航班之外，不時亦會有長期執飛 Eurowings 航線，披上 eurowings 色彩嘅飛機執飛 Brussels 嘅航班。雖然兩者都係由 Brussels Airlines 管理及營運，不過鑑於兩者採用不同嘅機艙配置及座位型號，呢種航班調動係必定影響到乘客嘅飛行體驗，妨礙 Brussels 建立好自己品牌。(Eurowings 嘅 A340 商務艙係採用 2-2-2 排位，而 Brussels 嘅 A330 則採用一個 1-2-1 排位)

幸好，漢莎亦意識到呢個問題，並於 2019 年宣佈停止把 Brussels Airlines 嘅業務融入 Eurowings，並重新把 Brussels Airlines 變回一個 Network Airline，與 Austrian & SWISS 並肩。(漢莎集團前兩年嘅業績報告都將 Brussels Airlines 列作 Eurowings 嘅子公司) 同時，漢莎亦宣布調整 Eurowings 嘅發展策略 － 短期內將會暫緩長途航線嘅發展，並將重點投放歐洲對內嘅航線。不過，漢莎集團亦沒有完全放棄設立長途廉價航班嘅野心，而 Eurowings 租借 Brussels Airlines A330 之安排亦有繼續。據報，漢莎正研究日後把 Eurowings 嘅長途航線分拆出新，並另組航空公司，惟其商業模式以及發展計畫最終是否新瓶舊酒，就要大家拭目而待啦。

[05/21 Edit: 有傳新公司會叫 Eurowings Discover, 惟目的地，營運模式及勞資安排等細節則尚未公佈。]

6. Future

Brussels Airlines 於 2019 年終於由一間 Eurowings 旗下嘅廉航變翻做一間漢莎集團旗下嘅傳統航空公司－ 經過兩年洗禮後，呢間剛剛恢復自由身嘅航空公司究竟應該何去何從呢?

無疑 Brussels Airlines 正由一個 極度擠擁嘅歐洲短途廉航市場 進入一個 極度擠擁嘅歐洲傳統航空市場 - 喺鄰近城市皆為競爭航空公司嘅核心機場嘅情況下，布魯塞爾航空如何可以喺英航，法航，荷蘭皇家航空等傳統航空公司之列 找到自己獨特嘅市場定位 將會係成功嘅一大關鍵。同時，布魯塞爾航空如何補足漢莎集團嘅網絡空缺，又不會同漢莎，瑞士同奧地利航空現有服務過份重疊 亦會係一個成敗因素。不過小弟認為布魯塞爾航空係可以向一個位於歐洲以南嘅洲份發展 －非洲。

呢個建議無論從歷史角度或乘客角度出發都係非常合理嘅 - 雖然比利時喺六十年前已經放棄其位於非洲嘅殖民地，不過兩者依然維持唔少貿易關係，而呢個現象亦喺唔少前法屬或英屬嘅國家出現。同時，喺非洲區內嘅航空服務欠奉嘅時候，有由歐洲直接達到目的地嘅航班係能夠大大提升目的地嘅連通性，甚至可以話係支持當地經濟嘅重要一環。另外，受惠於其地理位置，巴黎，布魯塞爾等西歐城市其實係非常適合做一個連接非洲及北美嘅樞紐 - 只要航空公司妥善篇排航班時間，航空公司係可以提供一個有競爭力幾產品，吸引來往非洲及北美嘅乘客，擴充客源。

呢個舉動亦可以增強漢莎集團喺非洲內嘅路線網絡 - 現時，漢莎同布魯塞爾航空係分別服務十二個及二十二個非洲航點，而當中只有兩個目的地係同時由兩間航空公司服務。同時，配上同屬星盟，可以提供區內連接嘅埃塞俄比亞航空同埃及航空，相信上述因素係可以讓漢莎集團建立一個完整嘅非洲網絡。

此外，布魯塞爾航空亦可以繼續善用第五航權開發新嘅目的地 - 由於單一航點未必能提供足夠乘客填滿一部 A330，不少航空公司會選擇把兩個城市連起，並以一個 A-B-C-B-A 或 A-B-C-A (Triangle Route) 嘅模式服務該兩個城市，增加客源之外，亦可以增加班次 提升競爭力。SN 現有至少有五條線使用呢個服務模式，而呢個模式亦容許一些人口比較少嘅非洲城市獲得一星期三班連往歐洲嘅航班。

當然，布魯塞爾航空喺歐非航線上亦不乏競爭對手 - 以非洲為家嘅 Kenya Airways 同 Ethiopian 亦各自有相當成熟嘅非洲及歐洲網絡 (後者開設嘅第五航權航線甚至係多不勝數)，而土耳其航空近年亦大舉曠展其非洲網絡。除咗英航，荷航等傳統航空公司會飛往非洲各大國首都之外, 同比利時一樣擁有非洲殖民經驗嘅 法國航空 亦有多達三十航線連接各非洲城市及巴黎，配上一個強大嘅跨大西洋路線網絡，布魯塞爾航空要喺來往北美洲及非洲嘅市場中獲得領先地位 絕對唔係一件容易事。

不過布魯塞爾航空又唔係無自身優勢嘅 - 為加強與漢莎集團嘅協同作用，布魯塞爾航空喺 2018 年開始把使用 CF-6 及 PW4000 推動嘅 A330 退役或交還租賃公司，並從國泰及星航引入使用 Trent 700 引擎嘅二手 A330，與 LH, LX 嘅 A330 機隊睇齊。由於 Brussels Airlines 係用上英國獨立黨 UKIP 倡議嘅方法更新機隊 (i.e. One In One Out :0)，SN 嘅機隊規模並沒有因此增大或縮小，不過呢個亦代表現役嘅 A330 投入服務不多於三年，並用上最新的座椅設計同 IFE 系統。

布魯塞爾航空嘅 A330 商務機艙產品亦同同集團嘅 LX, OS 睇齊，採用一個 1.5 - 2 - 1 嘅機艙排位 (註: 單數行有 A 位，雙數行有 AB 位)，而每個座位皆有高清螢幕，私人儲存空間，flat bed 等基本商務艙配套。反觀法航嘅硬件配置則稍為落後 - 雖然法航嘅 787 機隊係使用 Reverse Herringbone 設計嘅商務艙座椅，而新投入服務嘅 A350 商務艙座椅甚至係同 United Polaris 同款，不過法航嘅長途機隊中係依然有使用石器時代嘅產物 angled flat bed 作商務艙座椅。因此相比之下，布魯塞爾航空喺提供一個 consistent PaxEx 方面係比法航大大優勝嘅。

(呢點亦係法航商務艙為人詬病嘅地方之一 - 除咗其 A330 同部份 B777 使用呢種商務艙座椅之外，其旗艦 A380 機隊都係用呢種座椅。法航甚至有一個專營 French Guinea, Reunion 等國內線, 422pax 嘅 B777 subfleet，其商務艙用上一個瀕臨絕種嘅 2-3-2 排位設定，不過呢的反人道罪行就唔係度多講啦)

7. Conclusion

咁去翻開頭問嘅問題 - 究竟 Brussels Airlines 係一間咩類型嘅航空公司，而佢又想做一件咩類型嘅航空公司呢?

其實個答案就無需要咁複雜嘅 - 佢係一間迷失方向嘅航空公司，而佢想成為一間成功嘅航空公司。每間航空公司成功前都必須搵到自己定位，並利用呢個獨市位用作航空發展嘅基石，而布魯塞爾航空成功前必須先搵到自己嘅 niche。

雖然小弟喺上文中描述到漢莎嘅策劃部門係朝令夕改，不過作為一間市值過百億美金嘅公司，佢嘅一舉一動背後當然有大量數據同時常預測支撐。惟可惜地，漢莎為 eurowings 同 Brussels Airlines 預測嘅長途廉價航空市場同歐洲短途廉價航空市場並沒有出現 - 喺缺乏旅遊公司支持下，前者嘅 niche 並不足夠支撐 eurowings 嘅運作，而後者只係將 Brussels Airlines 嘅品牌直接扔落海而已。

2019 年漢莎集團重新審視旗下航空公司嘅發展計畫時，漢莎已將布魯塞爾航空，由 eurowings 旗下嘅廉航變回一個漢莎旗下嘅 'Network Airline'，重回正軌。若布魯塞爾航空可以繼續維持其硬件上嘅優勢，繼續挖掘 歐洲-非洲 及 北美-非洲 嘅客源，善用第五航權增加目的地，同漢莎攜手重返 sabena 昔日光輝嘅日子係指日可待。

完