得一班車經過，仲要飛站，咩玩法

brianso198 發表於 2021-9-6 19:51
根本就無嘢好做，不過唔係尾班車叫好啲
難為你又要等下班車囉。

梗係仲有大把程序可以做，只差在樓主想唔想做；不過現實係錯不在己方但要勞碌自己，令好多人卻步。

好似上個月谷婭溦被護士打空針，院方聲稱「非常關注事件」、「向病人致歉」，但事實卻係谷婭溦被人由急症室扔走，無人向佢道歉之餘仲要自己走去私家醫院，之後仲驚咗打針要睇精神科。而位打空針護士呢？繼續返工同人打針囉！好彩谷婭溦有娛樂版幫佢跟進一下，換着普通人第二日就無記者再Mon住件事，出錯人士如常出糧過世Lu……

回正題，由於事件已一而再再而三發生，TCU不外乎回覆「加強訓練」、「督促車長」之類，建議樓主收到回信後向TCU問清楚涉案司機所受之懲罰，例如接受再培訓係幾月幾日之事、出警告信請俾副本運輸署，免得空口講白話（你預佢唔會俾實際答案你，但要盡力嘈咗先）；亦可以經投訴組問「如果行錯路公司指引為何」，等城巴知道你不是省油的燈，否則N日後又再飛你站。
（機場島上必要時搵埋機管局介入都仲得，市區就Call區議員）

如果涉案司機係唔熟路，我建議佢自己上公司網印定幾張地圖背好，又或者用Memo貼A柱貼錶版貼埋自己心口提醒「入國泰城」、「入國泰城」、「入國泰城」，總之身穿制服開緊工就唔可以犯錯兼拖累公司要解話。不過今時今日尸位素餐者大有人在，本身真係咁無心裝載，唔鍾意記路線就無謂開車啦……

poohpter 發表於 2021-9-9 17:12
梗係仲有大把程序可以做，只差在樓主想唔想做；不過現實係錯不在己方但要勞碌自己，令好多人卻步 ...

我回應個帖係針對有站友講E22A飛站嘅問題。

到有進一步回應會再update一下。

睇晒咁多版，真係想簡單問一句。。。城巴紀律何在？到底間嘢有咩制度可言？

啱啱收到城巴回覆，本公司十分重視前線員工的表現，收到　閣下的投訴後，已展開跟進調查，並按調查結果作出相應行動。同時，本公司已訓示涉事車長，當值前必須充分瞭解工作內容，集中精神駕駛巴士並謹記行車路徑及停站位置，如非受特殊事件影響或得到公司特別指示，便必須依照所編排的正確之路徑行車，避免引起乘客不便及錯失班次。本公司會繼續密切留意車長的服務表現，提升服務質素。

同我估計結果一樣

brianso198 發表於 2021-10-7 00:50
啱啱收到城巴回覆，本公司十分重視前線員工的表現，收到　閣下的投訴後，已展開跟進調查，並按調查結果作出 ...

基本上呢啲都係罐頭回覆㗎喇
返工的話就出張delay信畀你拎番公司

brianso198 發表於 2021-9-9 18:36
我回應個帖係針對有站友講E22A飛站嘅問題。

到有進一步回應會再update一下。 ...

的確係，E22A飛站，若有替代路線還好，獨市路段就隨時只有硬食等下一班(30分鐘)，無野會做到。

記得有一次天馬苑往尚德附近，E22A飛站，惟有改搭九巴線到觀塘市中心轉296A，情況已經叫好彩，起碼有選擇可變陣。

arfung 發表於 2021-10-8 09:36
的確係，E22A飛站，若有替代路線還好，獨市路段就隨時只有硬食等下一班(30分鐘)，無野會做到。

記得有一 ...

天馬苑往尚德，除九巴轉296A外，也可A29去將隧轉車，不過都係睇班次做人最慳時間

214P_world 發表於 2021-10-8 16:46
天馬苑往尚德，除九巴轉296A外，也可A29去將隧轉車，不過都係睇班次做人最慳時間
...

現在係可以，不過當時將轉未啟用。
另一方面，之前A29和E22A東行在九龍區是大致前後腳到站，通常先A29後E22A。
E22A飛左站代表A29也剛走左既機會極大。