布達佩斯路面電車雜攝

布達佩斯路面電車網絡係全球最大，乘客量甚至係高過佢自己嘅地鐵系統。
而佢地整體公共運輸網絡幾建全，基本上除非你喺高地城堡區之外，總有地鐵、巴士、路面電車站喺你附近。

城堡區就由於路面因素，主要依靠中、小型巴士覆蓋，會另開新post。

布達佩斯路面電車亦擁有全球最長路面電車車輛，CAF Urbos 3 9卡同埋Siemens Combino Plus/Surpa 6卡，呢兩列型號每一款總長度超過50米，可想而知乘客量需求係幾巨大。

睇落套系統無論車站定車輛種類，都同唔少西歐國家尤其德國好似

S3BL100 發表於 2024-11-23 23:06
睇落套系統無論車站定車輛種類，都同唔少西歐國家尤其德國好似

二戰後雖然一度成為蘇聯衛星國，但加入歐盟後營運商獲得政府資助，逐步將車隊現代化，雖然依然有唔少舊捷克制列車，但批西門子同CAF都係近20年內做生意。

而且營運商keep車都真係幾好，車內外都幾整潔，加上車內PIDS唔係播jpg，係真係出車站轉乘巴士、地鐵嘅live data(巴士內嘅PIDS亦如是)，所以難怪布達佩斯嘅公共交通服務咁受歡迎