CX630 全程體驗 (SIN > BKK > HKG)

眼見國泰係東南亞最後的第五航權線（新加坡 - 曼谷）會係 3 月尾結束營運，呢條曾經被唔少人攞嚟跑分而開既國泰商務 5 段票終於都冇得玩，原本真係打算心思思出返套 5 段票嚟玩，可惜自己最後都係抽唔到咁多時間，但始終都想體驗下呢條咁特別既航線，最後變咗快閃新加坡，兼且用哩數換返張經曼谷既機票，坐足全程返香港。

換飛既時候發現就算係經曼谷既班次都只需同樣哩數，商務位都係單程 28000 哩就可以換到，對於想遊機河又體驗 J Class 的話感覺抵玩左   原本新加坡飛香港只需 3 個鐘多啲，變左要坐 6 個幾鐘。

目前國泰回程經曼谷的班次為 CX630，於新加坡時間 14:05 起飛，係泰國時間 15:55 抵達曼谷，停留一個鐘後再由 16:55 起飛，最後係香港時間 20:40 到達香港。


無水既 Jewel Changi，每朝 11:00 先會開始放水。


國泰係新加坡使用 Terminal 4，我個人覺得係一個非常差的體驗，至今仍然需要轉搭接駁巴士去到 T4，而且係樟宜機場大部分地方都好難睇到有指示牌指示你去行去邊搭車過 T4，所以至今會用 T4 的航空公司好多都係廉航


國泰係樟宜機場係有自己的貴賓室，好似呢個亦都係點解國泰會用 T4 的原因。


當日 Special Menu 有肉骨茶


叫埋個擔擔麵






約 13:30 開始上機


當日執飛 CX630 的 A350 客機 B-LQA


座位 19A


傳說中的鑽石能量水
  


當日 CX630 新加坡去曼谷的餐牌。


起飛




SIN > BKK 走線圖



呢一餐叫左牛臉頰


Cathay Delight





飛左 1 小時 56 分後降落曼谷


機艙門打開，乘客開始落機後
發現自己係唯一一個會搭到去香港既乘客
而呢班機係曼谷係唔可以落機的
所以你只能乖乖咁留係架機上面等



呢段時間你會見到機組人員換班，地面工作人員上機清潔、補給，成個過程大概 20 分鐘左右。


襯無乘客影一影下個機艙



曼谷的乘客亦開始上機
我亦都收到曼谷返香港的餐牌。


曼谷返香港的餐單係同新加坡去曼谷唔同的。



再見了曼谷
超短暫的快閃;P


第二餐叫了紅咖哩燒鴨胸

Cloud Nine

雪糕 again ;P



最後係香港時間約 20:15 降落香港
呢 6 個鐘多啲既遊機河正式結束

小結：本身冇留意佢呢段線係賣緊咩價錢，但其實新加坡去曼谷程機都有唔少客搭的。不過見到日後國泰連新加坡都有份食 A321，就唔知佢係咪想放棄治療了

停多一個站，食多一餐

其實我估唔到 SIN-BKK 一段都有唔少人搭。但係一日得果一班，想同 SQ/TG 等航空公司競爭都唔易，多人搭但如果機票價錢太平亦唔會有肉食。亦懷疑 CX SIN 用 T4 位置咁隔涉會唔會影響競爭力。如果真係無肉食，唔難理解點解 CX 會取消呢條第五航權航線。

EK 坐DXB-BKK-HKG 既客, 去到BKK唔落機

樟宜 T4 前身就係廉航專用嘅 Budget Terminal,  因航用 T4 自貶身價

S3BL100 發表於 2025-3-14 02:33
停多一個站，食多一餐

其實我估唔到 SIN-BKK 一段都有唔少人搭。但係一日得果一班，想同 SQ/TG  ...

睇外國 page 應該有唔少人係用 mileage 換，再者 fifth freedom flights 定價通常比本地公司平，咁對國泰來講即係白做，好睇唔好食。

CX 用 A321neo 飛 SIN，點睇都係似佢真係唔夠長途機隊要拎返堆 A350 出黎飛長途線。
而家 777X 又要推遲去到 2027，之後呢兩年又有 77W 還，339 又未到。
我都想睇下佢出年點搞，分分鐘 321neo 會起更多航點上面出現。

既然而家 CX 都開到口話 333 要改 Business Flat Bed，雖然唔知會唔會做 Direct Access，
但如果同時更新埋經濟艙，根本就應該可以拎返堆 333 出黎飛一線航點。

某程度上飛返澳洲都唔係話唔得 (CNS 而家都用返 333)，
以前都係咁飛啦。

AVD1 發表於 2025-3-16 02:53
CX 用 A321neo 飛 SIN，點睇都係似佢真係唔夠長途機隊要拎返堆 A350 出黎飛長途線。
而家 777X 又要推遲去 ...

CX拎359/35K飛SIN因為同SQ鬥氣