UA 開辦香港<>曼谷/胡志明市航線

Waiyin12 發表於 2025-4-7 07:16
另外就係美國無 direct airside transit 一說，就算只係想經美國轉機去另一國家，都要申請簽證

所以見到 ...

以前就得歐洲，現在有Emirates，所以去南美轉機，
經美國的人已經近乎絕跡。另外，也有人選擇去澳洲/新西蘭轉機。

kbh 發表於 2025-4-6 13:42
唔知算唔算離題：單純大部分國家赴美要簽證，已經隔絕阻好多人
（小弟都係10年前赴加探親果次去埋）
去歐 ...

去美國要簽證但去歐洲唔駛，除咗香港之外應該唔係好多地方

qunow 發表於 2025-4-8 01:43
去美國要簽證但去歐洲唔駛，除咗香港之外應該唔係好多地方

歐洲部份國家對於入境旅遊，同國際線轉機，簽證要求唔同；唔似得美國，就算 international transit 都一定要拎簽證入境

例如用中國護照，搭 Lufthansa 經德國轉機去另一個 non-Schengen 國家，轉機時全程留喺 airside，可以唔需要簽證

https://www.germany-visa.org/airport-transit-visa/

經法國轉機，亦唔需要 transit visa

https://france-visas.gouv.fr/en/airport-transit-visa

S3BL100 發表於 2025-4-5 21:28
Don't get me started on this

其實美國民意逾半反對關稅，四位傳統共和黨參議員更倒戈聯同參議院民 ...

利申：非侵粉亦不反侵

Trump 1.0嘅行事係唔太正路，但至少效果正面。
叉開少少，當年促成以色列同部分中東伊斯蘭國家建交已經了不起，
甚至促使多國之間嘅直航航線，對和平帶來希望。

Trump1.0嘅貿易戰政策先唔理美國以外點睇。
拜登接任都延續，肯定係兩黨共識。
甚至佢都解釋佐點解泱泱大国同墨西哥兩個歷史文化聯繫甚少、
同為中等收入且遠水路嘅國家，居然養得起一抽直航航班

去到2.0嘅地圖炮再加矯枉過正嘅一系列舉動，唔群情洶湧先至奇。
市場嘅反應都清楚反映就算行埋計劃經濟，都唔會有本事走佢intended條路。
說好嘅撥亂反正去佐邊呢？

你後段提到嘅美國民航現象，就算無地圖炮都有呢個勢頭。
美國無論經濟、國民收入以至匯率，早已領先大西洋對岸嘅舊世界一截，
美國人去歐洲消費就有如香港人去日本一樣，D錢好好駛
調番轉歐洲人去美國、日本人去香港就係高消費囉。

s3n370 發表於 2025-4-9 07:05
利申：非侵粉亦不反侵

Trump 1.0嘅行事係唔太正路，但至少效果正面。

最後一段大致同意，老實我而家去歐洲心態都同香港人去日本玩差唔多

不過如果純粹係因為經濟或者匯率問題而令歐洲訪客減少前往美國意欲，都好難解釋到點解到舊年年尾仲好地地但侵 2.0 即刻搞到外來訪客數目按年暴跌 18%。我想講既係我三月底去完兩個大型會議，no-shows 當中除左唔少係中国人申請唔到簽證以外，亦有好多係歐洲人，佢地有 visa waiver 唔需要簽證以外，出差更加唔需要考慮自己荷包，但就係決定唔來

拜登起碼唔會同盟友打貿易戰，但侵 2.0 已經差唔多去到敵友不分地步。老實我直頭懷疑緊佢有幾真心想對付中国，佢真心就唔會四處點火製造敵人搞破壞啦，唔慌人地倒轉槍頭同中国合作咩。當然今日佢突然間話暫緩其他國家關稅，然後將中国關稅加到 125%，but the damage is already done

今日 DL 岩岩出完 1Q 盈利報告，先前一月仲口響話今年會係歷來最賺錢一年，點知三月就大幅調低盈利預測，無左接近一半，今日結果同最新預期相若。CEO 講到明會靠調整供應維持盈利，仲批評侵政府亂來。唔知 UA 遲下會唔會仿效，姑且睇下兩間航空公司舊年同今年堆新線可以捱到幾耐

S3BL100 發表於 2025-4-10 04:30
最後一段大致同意，老實我而家去歐洲心態都同香港人去日本玩差唔多

不過如果純粹係因為經濟或者匯率問題 ...

唔係太瞭解波蘭物價，但睇過大師之前到訪英國的飛行報告，London 同 Edinburgh 物價都稱不上特別平，但原來已經平過美國？

有條件到美國參加國際學術會議，相信條件差極有限，以佢哋嘅 profile，理論上申請美國簽證時，唔會有移民傾向（唔通堂堂大學教授，去到滯留美國打黑工，洗大餅、送外賣咩...）；莫非係研究課題過於敏感導致？

Waiyin12 發表於 2025-4-11 07:45
唔係太瞭解波蘭物價，但睇過大師之前到訪英國的飛行報告，London 同 Edinburgh 物價都稱不上特別平，但原 ...

唔一定要做既野敏感，而家凡親 STEM disciplines 而又係來自中国或者香港，審查簽證都會慢慢審你背景，如果係同军队有關係已經無乜可能批，就算唔係都搞你幾個月，隨時到 conference 開始果陣都未批簽證

當然呢樣同歐洲人唔少 no-shows 原因無關

至於美國 vs 歐洲消費，當然美國有地區真心平，歐洲都有唔少地方貴，倫敦更加係真心貴。但首先要 apples to apples 去比，倫敦同我而家住緊既城巿去比無乜意思，應該要同 NYC / Boston 呢類比較就差唔多，調返轉 Edinburgh 其實唔算貴。食飯價錢倫敦同 NYC 其實分別唔大，但倫敦都係平少少；再對比返我呢邊而家想平就係麥記 $5 meal deal，倫敦以至大半個歐洲都仲有唔少性價比更高選擇。喺 R3 同其他地方約略介紹過，今次喺波蘭尤其首都華沙，大半時間都係去平民食堂，好食又抵到爛

然後係酒店，我舊年喺倫敦、Edinburgh 同 York 加埋住左八晚，每晚連稅都係八十鎊左右，相當於 USD 104。當然你可以話 Central London 想住合理水準就閒閒地都要二百鎊，我係用 corporate rate 訂機場間 Renaissance 先住到咁平。但假假地都係 Greater London 仲要係 Renaissance，無論早餐定其他待遇都遠勝美國同樣品牌同級酒店。NYC 閒閒地都係要二三百美金一晚，就算去 Newark, NJ，一百蚊美金都未必住到低兩個 grade 既 Courtyard。而 Edinburgh 同 York 當時更加係唔需要 corporate rate 都住到。美國就算係我住緊果類城巿，正常少少酒店 corporate rate 一晚都要坐底 $110-$120 未連稅，但待遇無咁好之餘，講緊成個地區相對都無咁多野玩同睇。好似我舊年因事去加州三日，要住到 Ventura 無雷公咁遠慳錢，一晚都百六，連稅就 ~180，真心好貴

當然可以話因為我係淡季去，如果係好似 Amsterdam 呢類遊客熱點一定貴少少，but you get the idea...

再之後係機票。唔介意講埋我舊年去英國玩八日，同今年去波蘭玩兩星期，機票都係真金白銀買而唔係用里數兌換（因為唔抵），舊年來回使左 $780，今年 $840。當然係淡季價錢，但再對比我上個月去西岸出差，來回機票已經係 $1130，仲要係最平果陣買，我就算唔坐 DL 坐 UA 都係差唔多價錢，根本美國飛歐洲唔一定貴過飛內陸，如果係住 NYC 呢類大把選擇大城巿就更加。如果好似我，美國值得去大城巿差唔多去晒，根本去歐洲玩性價比抵過去美國國內其他地方好多，得閒無理由唔去歐洲玩返轉。聞說而家 NYC 好多人 long weekend 就飛歐洲一轉，心態正如 s3n370 兄所言，同香港人飛日本無分別

cx838 發表於 2025-4-7 09:14
以前就得歐洲，現在有Emirates，所以去南美轉機，
經美國的人已經近乎絕跡。另外，也有人選擇去澳洲/新西 ...

無錯，Emirates / Qatar Airways 經中東轉機變咗香港去南美嘅常見搭法，Turkish Airlines 經 Istanbul 都有唔少人揀

澳洲、紐西蘭直航去南美集中係去智利，都不失為一個好選擇（LATAM 同 CX 有 code-share，以前仲要係 Oneworld），但去阿根廷、巴西就未必太順路

S3BL100 發表於 2025-4-11 23:45
唔一定要做既野敏感，而家凡親 STEM disciplines 而又係來自中国或者香港，審查簽證都會慢慢審你背景，如 ...

如果係去一般熱門城市旅遊，唔係要體驗咩特色住宿（例如各種溫泉、Santorini 白色海景建築），我對於酒店要求唔會太高，裝修正常、睡床足夠就得，去過幾個西歐大城市，除非遇上特別節日，否則唔算太難做大約到 1000 HKD (120-140 USD) 一晚（當然有部份係 Ibis
/ Holiday Inn Express 呢類平價酒店）；而同樣價錢，應該喺美國已經算平？

如果係往返兩邊大城市，非旺季 trans-Atlantic 的確唔貴；以我 London 出發，LON <> NYC 好多時間都有 400 磅樓下的 FSC 選擇，飛西岸 LAX/SFO 就通常貴多 100 磅左右，就算來回寄艙行李要再加多 100，真心唔貴（講緊 intra-Europe 有時都唔止呢個數）

NYC 飛西歐六七個鐘（耐過香港飛 CTS 1-1.5 個鐘），去程通常可以 red-eye 慳時間，如果機票都係 4000 HKD 多少少，真係同香港人用 4-6 日去轉日本有幾分相似