兩鐵合併后，你同意廢除前九鐵的新聞直線嗎?

原帖由 pstommy 於 2007-12-4 13:14 發表
我支持新聞直線

不過有字幕，無聲都okay

但有時有d新聞想睇想聽，點知播廣播....... 還好長，mute晒聲，聽唔到新聞都幾氣結

哈哈, 我都成日遇到咁ge情況 (特別係大圍去九龍塘果段路 -- 你知個呢段個PA係特長ga la) , 又真係幾令人氣結

我也支持新聞直線！

令人覺得滋擾的，其實係果ｄ又長又「沉」的ＰＡ！

不同意…

1.出左街可以知道新聞
而且坐車基本上無咩好做
望下新聞咪仲好
而且我都見唔少乘客都望住部電視
相信都有一定既需要

2.所謂滋擾
搭車係唔係咩聲都無呢
相信乘客都想聽好D識聽既野好過聽路軌聲

原帖由 鬥牛 於 2007-12-5 21:33 發表
不同意…

1.出左街可以知道新聞
而且坐車基本上無咩好做
望下新聞咪仲好
而且我都見唔少乘客都望住部電視
相信都有一定既需要

2.所謂滋擾
搭車係唔係咩聲都無呢
相信乘客都想聽好D識聽既野好過聽路軌聲 ...

1. 我同意係有需要，或至少「不是沒有需要」，
但其實個電視播「魚樂無窮」我相信都總會有人睇。
「會睇」不等如「要睇」。

2. 搭車唔係咩聲都冇，但部電視係在原有聲音上再加聲，
極端例子就係千九，架車內外都整到咁靜，但係個電視大大聲，當初整咁靜為乜。

我只係唔想佢在周圍環境很靜的情況下咁大聲～～～技術上可唔可以自動感應調節？
我想佢有字幕，唔係話有線冇佢就要冇，只係一個提議，為何有線不加？
我相信大部分新聞都唔係即時得咁緊要，至少用字幕出重點都可以吧，
唔好話想靜喇，就當係為聽障人士服務好唔好？

或者因為我屋企冇有線，對不斷的新聞節目沒有甚麼興趣和研究。

鐵路始終係交通工具，一切其他都係增值服務，在不影響列車運作下應該盡量令乘客能夠選擇。
有部電視，我對眼可以唔望，但係我對耳冇得唔聽，可以話我懶唔想走去靜音車廂，
在此我又想到一個有趣的point，靜音車廂都好多人喎，咁係咪靜音車廂有~16.7%需求（十二卡佔兩卡）？
地鐵瘦身廣告都好多人望（我都會望）喎，咁係咪瘦身廣告有一定需求？

根本係一個非必需品，唔會有人為了睇車上的電視而爭先恐後，
亦唔會有人因為冇電視睇而有大損失（例如股票，緊張就自己check啦），
既然是非必需品，其內容及運作模式應該有斟酌的空間吧。

我而家搭東鐵線，都係唔太理部電視架喎，有又唔詳細，冇亦不可惜，
其他乘客到站即走，不會太在意電視上的報導，咁我又可唔可以話，部電視冇乜需求，唔一定要裝呢？

這種東西的受歡迎程度與「使用量」都很難估計，除非做個大規模乘客調查，
否則難有定論，唔係話你中意就推廣，佢唔中意就唔要既～

[ 本帖最後由 DIH 於 2007-12-5 23:08 編輯 ]

原帖由 exspeed 於 2007-12-5 00:59 發表
加字幕........

有線新聞本身都冇字幕, 新聞直線又點會有丫

播放外訪者片段嘅時候..........