請問現時九巴各廠囤積新車數量為何？

原帖由 1005 於 2011-2-15 18:54 發表

講得遠D
而家有歐六未？
咁多巴士唔出牌
會唔會有歐六巴士
都未見九巴歐四歐五

其實所謂歐盟第幾代引擎係根據歐洲汽車廢氣排放標準而制定，
歐洲本土實施日期如下:
歐盟四期 2005年10月        
歐盟五期 2008年10月        
歐盟六期 2013年1月

大部份引擎製造商都要做歐洲生意，所以要跟據歐盟標準提供引擎俾底盤製造商，例如cummins，
自家製例如volvo/man/scania就更直接，自行按時序研發符合排放又適合自己底盤引擎，
而香港巴士通常由歐洲廠商提供底盤連引擎，先會順理成章跟隨歐盟標準。
(初期內地客車要打入香港市場主要靠外國引擎通過運輸署同環保署果關，而家就多左玉柴同其他選擇)
當巴士/引擎製造商研發完歐六引擎並用於產品身上，到時巴士公司想唔跟都唔得，
(通常option上都仲會有上一代引擎俾買家選配)。

歐洲果邊歐六實施日期為2013年1月，仲有不足兩年時間，相信歐六量產前會有樣版推出，
香港巴士公司估計都走唔甩會成為其中一個測試對象，歐五夾o係中間都唔出奇，
之前例子有3ASV141, AVD1, ATEU1, ATS96,97等等。

而家感覺上企左o係一個十字路口，一方面英國向巴士公司提供補貼大力推動混能車，
各廠商現時將焦點投放o係呢方面，將來主流方向會選擇混能?歐六？純電動？其他能源?
個人感覺好似仍然係摸索中，另一方面據聞歐六排放標準要結合SCR同EGR技術先做到，
而暫時見到市場上有EEV過渡性產物(介乎歐五歐六之間)。

如果考慮到香港獨特情況就更加複雜，現時混能產品主要係兩軸非空調版本(美國有E500h)，
要改到適合香港營運狀況相對冇以前加一條軸加副空調o甘簡單，
一來受制於運輸署負重/車長限制，二來地理比較多上落斜，天氣濕度高，環保引擎散熱困難等等，
混能車成本更加係巴士公司主要考慮因素，九巴未試已經打定輸數話唔建議考慮混能。
(睇返轉頭，之前引入六部混能車要試兩年既原因可能係要睇定製造商既取態，拖到明朗化先決定將來購車方向。)

原帖由 Quanta 於 2011-2-15 18:49 發表


小弟亦非會計人士
不過我留意到你假設一年後原本資產淨值不變,
而實際上原有資產係會折舊的
2010 年上半年, 載通的折舊及攤銷達 4.424 億,
無資料講有幾多屬於九巴的固定資產折舊

巴士折舊係計 14 年, 而該 32.9  ...

雖然有折舊，但因為有新車新設備等，會令資產淨值增加返。
當然一加一減未必可以打和，但因缺乏資料，我只好當作打和。

同樣跟據九巴透視，九巴 2009 年的折舊係 8.8億 (巴士佔 5.9億)，
而 2009 年底的資產淨值比對上一年底只係少 2.7億。