[Manchester, GB] 佢似曾相識，有著城巴 D1-D6 影子

繼續多圖多字但炒相 (大家以後可以"睇名入"，認著本人就係長氣鬼同埋劣相代名詞 )
今鋪係底盤編號夾於城巴 D1-D6 之間既一部珍寶，博物館環境好黑，執左好耐先執到以下相片見得人


動力配搭跟城巴 D1-D6 相若；D1-D6 係 ALX 頭幅 x MCW 身 (嚴格講應該只係 "W" 身)，呢部描述說明話係全 ALX 身


本人無緣見 D1-D6 真身，不過此車望落去同相片中既 D1-D6 差唔多樣，唔知係咪物料或者車身/車尾會同 MCW 有較大差別
或者該年代既車身廠唔似而家咁有強烈自家風格，又或者當年係設計埋巴士大約模樣然後由各車身廠建造，例如 DMS


車轆車鈴


平坦無梯級地台唔係珍寶首創，不過珍寶算早年一人控制 x 咁闊落既上車平台最突出型號之一
(中巴第一部雙層巴士已經係無梯級平台，當年中巴臨時取消訂單既重有 Guy Wulfrunian，亦係一人控制 x 無梯級上車平台
但就無咁闊落，可靠性亦成問題；最後造就左雞鴨鵝出黎，三隻都唔再係無梯級平台)


上落車門，上面有一盞好得意好靚既燈


樓梯後係行李架，不過純粹係善用樓梯底空間，此車乃較早期順時針方向上樓梯既車
樓頂鐘燈原來當年已經興，不過因為遷就樓梯而斷一截短短地既出黎，有少少多此一舉，望見忍唔著笑左



英國巴士咁細隻窗禁煙都正常，不過唔知邊年開始解禁動物，成日見大大隻狗可以同主人一齊搭巴士或者火車


無考究過點解左邊又一大個行李架，可能係唔想放腳位令走廊收窄所以不設座位


車窗好似無膠邊，而車內物料似乎已經頗先進，唔似中巴圓頂寶個內籠油到咁核凸


好似好多巴士都有一舊仔機械係軀動軸咁樣偷走少少車廂空間，不過自己對機械可以話一竅不通，唔知乜黎


上層一攝，車身物料好似係玻璃纖維，光潔明亮


車頂有天窗，睇落似乎係梗窗，其實相信可以節省車箱照明，唔知搭車時感覺如何


此車明文歡迎登上，但唔係任你坐勻晒全架車，例如車尾部分係欄著唔俾坐，可能避免有訪客借車廂訓覺用


車頭都係唔俾坐，可能唔想 1+3 座位排 3座位被訪客借黎訓覺


但望見咁厚座墊簡直唔坐下都唔得，當日係自己一個環遊英國其中一站，幾日無試過坐得咁舒服，爭扎一番先企得翻起身


簡陋既駕駛室，深紅色好似使駕駛室較陰沉，都係中巴藍色好睇


車窗上面有水牌同埋溫馨提示


ALX 水牌，似乎水牌釘係車頭幾個熱門位置呢種做法當年已有，幾十年不變


甩甩地個張紙已忘記係開工檢查清單定係巴士路線牌布表


珍寶同 Atlantean 都將電器開關集中晒係左邊既銀色控制箱，個銀色箱表面少少粗糙，開關掣唔同批次既珍寶/Atlantean 略有出入，影過其他同類車開關排列有少少唔同
物料摸落去大約同水喉通差唔多，可能因此中巴司機有時會誇張到棟隻左腳上去而唔會即刻跣落黎


油門迫力似乎同另一篇文部疑似珍寶底盤一樣，相信中巴珍寶城巴珍寶都似差唔多樣


傳統式手掣，扭式開門掣，同中巴較舊既珍寶相若；不過中巴開門掣係左邊，但唔記得門掣開關方向了
唔知咁大碌手掣會唔會好易拉，印象中搭而家倫敦 Routemaster 司機係咁意就拉完手掣，不過唔知批車手掣有無改裝過


算盤子；睇翻自己之前回文時應有少少混淆，睇過似乎幾部呢種算盤子都係 H 字右邊中間位置為停車熄偈空波波位


打側睇，碌棍比想象中長


此館自由度真正高，好多狀態好既巴士係明文叫你上車玩，小朋友係家長同職員陪同下重可以試玩開關同坐司機位影相
gf 小時候父親係九巴司機，抱過佢上一部"有波棍"既巴士 (即係 5C 既平頂寶) 司機位玩，聽完後妒忌左佢好耐 而家自己終於可以親手玩

此館樓底 5-6 米，分兩層 (嚴格講應該係唔重疊既高低兩個樓底高度)，擺左幾十部巴士、機械，其中一層其中一邊係車房
所以如果好似以前中巴司機咁一掌就撥郁枝波棍，會應聲到成個館都聽到，為免驚動全館都係細細力玩
但似乎打算盤入波唔係想象中咁輕而易舉，起碼用上開啤酒樽蓋咁上下力度先得 (用最簡陋得一枝鐵環既開瓶器開)

圖中可見 4波保護片啟動，正路 N 波及其他前波時，4 波係有塊鐵片擋著，入 4波後就會變成 3波有塊鐵片同埋頂著通往 1、2 波波位
可以見到拖波唔可以 4、N、2/1，而係一定要 4、3 (最好先入空波) 先可以轉往 1、2波

而唔知係波箱本身有既設計定自己玩壞左 (應該唔會一掂就壞)，從空波 (3、4 波之間) 入其他前波後，例如 1、2 波
試著用"正確手勢"從 2波入 3波，中間並在空波停一停留，空波波位好似有條彈弓將波棍彈向 1、2 波中間，而唔係 3、4 波波位
似乎將棍推向 1波後、1轉 2、2轉 3、1/2 轉 R 波都係以 1、2 波中間為空波波位，諗緊到底係落後定係先進設計
咁樣可以防止 2轉 3時唔經空波，但似乎增加左 2轉 3時入錯落 1波風險......

記得玩完後一度以為珍寶空波波位就係 1、2 之間，睇相見其他車空波位置在 3、4 中間，以為係唔同型號算盤子波位不同，
特意上網搵左大量相同片，似乎大部分半自動波車停車時都係停係 3、4 波波位中間，入波時先移左再推上入 1波開車
但而家睇翻相，原來此車波棍最初都係停留 3、4 波之間，相信停車時此位置就係空波位

而家回想，話唔定當巴士開啟電源/引擎後，算盤子內個操作會唔同，例如從 1轉 2後空波波位會唔會變成 3、4波中間，從 3 轉 2 後空波波位就變成 1、2 中間之類


後波保險器彈弓頗緊，捏起佢等於捏開一個巨形黑色萬字夾咁難，加上正如上幾張相影到波棍原來咁長
要單著左手兩隻手指捏起後波保險棍同時手心入後波係好難，過程好大機會跣手或者發力不當未郁到波棍左手已經無力而鬆手
不過可能係企係導航位隔離唔就手，如果坐上司機位方便 d (司機位好似係攔著，懶得逐架歡迎登上既巴士捉著職員批准同意坐上去，企隔離影算數)
一鬆手枝保險桿落翻去大聲到好似用盡全力丟落鐵珠落雲石/金屬地板上咁嘈，簡直全館聽到聲，
尚幸當日全館遊人不多，不致搞到有人以為我在破壞架車


以上係今年 6 月中攝於 Manchester Transport Museum，網址 www.gmts.co.uk，無記錯星期三入場費學生價 £2
遲下有機會去多次的話一定會試真 d 個算盤子點玩 (該場地可以玩既車重有好多，當日亦估唔到影完以上相片幾日後又有另一部珍寶算盤子玩
亦同同地香港有過既珍寶有些微關系，為免爆字今次只貼著呢部先)


[ 本帖最後由 HW8373 於 2012-11-21 10:23 編輯 ]

Manchester o既transport museum 好d 定係 London o個個好d?

以前九巴搞活動都係可以上車玩的, 唔知邊一次有人搞破壞之後就以後都冇得上
(我都上過D11, D26, A19, L308, D418, D430及卡通巴士)

最近一次玩算盤子是在12年前的2000年在澳洲郊區的Richmond區火車站旁一間麥當勞入面, 當年果間麥當勞有架East Lancs車身Atlantean的Playbus在內, 最近該車都已經被拖走了.

算盤子(或半自動波箱)運作大約如下:
起動入1波, 同棍波一樣, 轉數到咁上下就轉2波, 但與棍波不同的是, 由於沒有極力子, 故此轉波時要將波棍先留在空波約2秒離合再入波, 否則車子會挫, 然後轉3波及4波也如是, 理論上是可以由1波直接轉4波也可以(試過20年前坐中巴的XF205由赤柱返司徒拔道個車長趕食飯真係1波直轉4波).

算盤子部份係有自動波功能, 主要是波箱再外置電腦控制波段, 九巴後期的D, 2D, 中巴後期LF, SF, XF以及城巴的坡柴都有自動波功能, 開車時只須將算盤子推入4波位置, 波箱就會自行轉波, 但自動波的算盤子是沒有離合功能(即原本半自動時用人手空波停兩秒的動作), 所以係會挫的, 在外國有部份訓練人們駕駛半自動波箱的巴士的教車師傅是不能接受轉波時不將波棍停留在空波位置的.

原則上Leyland的Hydracyclic(主要是Olympian, Tiger, Lynx), Puemocyclic(主要是Leopard, Atlantean, 非州雞)(唔知有冇串錯)波箱都與算盤子一樣操作.

樓梯向前行一個煞制真係仆到落車
英國巴士車頭好多時都冇用盡空間整座位
留返個位比客放買完既野*/行李等等
相信人地見到香港ATE AVBWU大大個位
又唔放得行李
更加覺得騎呢!

原帖由 oman 於 2012-11-22 10:06 發表
Manchester o既transport museum 好d 定係 London o個個好d?

Manchester! 巴士藏品多好多好多
而且周不時都有活動, 牛河

上次去部世冠都城 (中巴MS) 復修緊
遲下應該會擺返出來展覽同有得坐