[North Yorkshire, GB] 乘車報告：Coastliner 840/X40

小弟早前往英國旅遊期間，專程乘坐一條不少英國當地巴士迷推介的遊車河路線，
由Yorkshire Coastliner營運的840/X40路線，由Leeds經停York, Malton等地
往返Whitby的長途巴士線，840/X40全長約120km，單程約需3.5小時，
沿途經過英國漂亮的城鎮, 鄉郊, 荒野等地方，完全把英國風光最美的一面在巴士車窗外顯現出來！

840/X40 (Leeds<>York<>Malton<>Whitby)


Yorkshire Coastliner全線採用配Wright Eclipse Gemini車身的Volvo B7TL和B9TL


車隊大多數是Volvo B9TL


全長120km的840線，未知840是否全英最長的一般巴士路線呢？


此線的票價來回只需£13，坐足七小時240km真是物有所值


此線全程車約三小時半，上車前請先上廁所


Yorkshire Coastliner Volvo B9TL上層車廂


舒適和豪華度遠遠不及Manchester的The Witch Way



下層車廂




採用直樓梯


這款座椅在長途車來說舒適度很一般 (香港有少數綠小都是用這款座椅)


Yorkshire Coastliner車隊中有四架Wright Eclipse Gemini II車身的歐五版Volvo B9TL


在York狹窄的街道相遇


在狹窄的鄉郊道路相遇


840/X40沿線風景優美，特別是Thornton Dale往返Whitby的一段A169道路


這段路兩邊盡是大荒原景色


景色就是坐這條線的享受


經過小橋流水


經過徒斜的道路，這條線也完全考驗了Volvo B9TL的性能


沿途也經過不少多彎山路


最後送上A169公路拍到的！這個是英國軍事雷達站嗎？


多謝觀看，歡迎討論

個司機都好正，一日開一轉都差唔多

數就咁計，但通常呢d長途線會分開兩三段路來換car佬，
到某個地方就換令一個揸，佢自己就揸返轉頭。。
但當然會有特更揸哂全程收工

騎劫先！4 月中由英國東邊打橫遊過一次中部，搭到人都癲晒，只計 4 月 21 日，搭左五程車，唔計最後一程係搭返屋企，
一共搭左 £23.8、車程 8 個半鐘、300 公里以上，將英國新款巴士大致搭勻



晨早流流從 East Midlands Airport 起身，搭左部 ZF Ecomat 2/4 6 波 B7RLE，經 Loughborough 落 Leicester
前一晚買來回飛上去機場當免費酒店，除翻開該程車 £5，搭左一粒鐘

搭著架 B7RLE 又靜又快真係爽，不過途中熄偈換更後再撻車，部車竟然入唔到直結波，以前 ZF Ecomat 年代咁樣壞就好普遍，
但由 Ecomat 2/4 波箱年代起，英國/香港過千架巴士都係第一次見識到佢咁樣壞法，不過停左十幾秒後停燈，停完燈部車自己變翻正常，全程車再無壞過


英國近年 First 既城市巴士就係用呢 d 凳，Stagecoach 城市巴士凳就更 cheap，似似地樓主部車張凳移除頭枕後既樣
不過訓左成晚機場、又凍又未食野，都唔太計較部車舒唔舒服喇，後面有兩個鬼佬訓到扯晒鼻鼾成隻豬咁



Leicester 係少數可以一條街內見到 Arriva、First、Stagecoach、NX (夾硬計埋佢地既客車) 既英國城市，不過站頭就無 First (或者係我影唔到)、NX 係相中另一邊既站坑上客



來回機場就係搭右上角個部 Plaxton Centro 黃色車身，來回好似都係呢款車，搭左車隊編號 763 定 764 定 767 其中兩部
總站內有 Volvo、VDL/DAF，重有陣間搭個部 Stagecoach 22838 E300 Man 18.240LF
唔太記得有無 ADL 車，不過前一晚就係搭 ADL E300 黎的，Stagecoach 27686



Stagecoach X7，由 Leicester 來回 Northampton (而家好似延長到 Milton Keynes)
買 DayRider Gold，£10.8 (Leicester 唔係 Stagecoach 地頭，張飛跟 Northampton 價，車頭張粉紅色紙就係加價通告 )
呢張中部地區既 DayRider Gold 勉強可以搭到方圓幾十公里誇郡路線，北至 Leicester、南至 Luton、東至 Bury St Edmond、西至 Coventry 可以搭勻


不過以上範圍只係估計出黎，官方好似無明文講清楚可以搭到邊度，唔同郡官網寫法又互有出入
諗落照計無咁荀俾你咁樣搭法 (但或者巴士公司無諗過有人咁樣搭法)，但個幾個星期分別係幾個地方買 DayRider Gold 幾乎去到邊都暢通無阻，
只係試過一次呢頭落車個頭上另一條區內線，個司機都竟然話唔知乜飛而拒載，否則一早買左 MegaRider Gold，相當於 3 張 DayRider Gold 價錢，可以 7 日任搭 Stagecoach 呢幾個郡既車


對家 Arriva X3 大約有 1/3 同近 Leicester 一截既 Stagecoach X7 重疊，Stagecoach 出梳化椅 E300 / E300 Man，Arriva 好似只係出緊頭先搭 B7RLE 機場巴士個種無頭枕凳



估唔到星期六晨早流流都好多人搭 Stagecoach X7 來回一個個小鎮，12.8 米 53 張豪華椅坐滿晒重有廿人企，自己坐著個導航位都有少少唔好意思成車人企係度望著我恰下眼訓又影下相咁



Stagecoach 入左有過半 E300 車身都係配 Man 底用黎行長途同埋 Park and Ride 線
呢 d Man 行順左都過得去，只係極速慢少少，上唔到 6 字頭 (因此毋需安全帶)，但靠副 7 公升偈，企滿人從迴旋處入大直路就要加速一陣先快得翻
當日只覺得部 Man 車聲同坐感似搭著部廢廢地既歐二 B6，只係估唔到影完相幾個月後，香港正正就由一堆咁樣聲同坐感既 Young Man 取代晒 B6
(題外話：E300 Man 18.240LF 同埋之後返香港 Young Man 之間重搭過 Stagecoach E200 Man 14.240LF，力水同坐感剛好亦係大型 Man / Young Man 之間)


前一晚就坐一部內籠一樣既 Voith 4波 ADL E300 由 Northampton 去 Leicester，ISBe 引擎容積同馬力細過 Man 偈，但 ADL E300 成部車又輕 d，感覺上完全同香港搭鐵記 E200 一樣，兼一樣有導航位坐，香港無得好似相中睇著個咪錶爆到咁高速

呢條線 E300 / E300 Man 各半，指揮燈桿一左一右，前一晚個司機可能渣慣 Man，轉渣 ADL 渣足個半鐘，每次打燈時都下意識用錯左手撥空氣
比起 Stagecoach，都係 NXWM 夠體貼，由 Dennis 到 Transbus 到 ADL 全部改晒左邊指揮桿


係 Northampton 總站落車，抖一陣再轉搭呢一種 E400 身 Scania N230UD，向 Peterborough 進發 (咁橋 X4 好似都延長左去 Milton Keynes)，曬頭先張飛就可以坐落去



張相係 4月旅程第一日影既，係 Cambridge Busway Stagecoach E400 N230UD，E300 / E300 Man 就係呢種靚凳



金車 N230UD 就係呢種凳，都係非常舒服，兩種凳款式好似唔同，都係無得較後，亦無安全帶，暗示批車極速有限


Stagecoach 無論近年買車取向 (大量買入 ADL 製品)、跳飛機制 (First 都跳，但據聞無 Stagecoach 咁辛苦、不過人工又低過 Stagecoach 少少；話唔定跳飛機制就係英國傳入)、
派車膽量 (差唔多有咁大部得咁大部) 都同曾經有過密切關系既城巴好相似，兩者都係巴士迷創辦 (Stagecoach 創辦人重係女仔)
服務以價廉物美賣大包取勝，市區平價線用車比對家 cheap 好多，但高檔路線服務又大勝對手成條街，
大家都好識包裝唔同路線同服務，例如 Stagecoach Gold 就係其中一個高檔品牌、類似 CityFlyer，圖中金色圖案就係佢地 logo



Stagecoach X4 近年升格成為 Stagecoach Gold 旗下品牌高檔誇郡線，Cambridge Busway 批車係呢幅圖中 logo 個位係個叉電插座
Stagecoach 有 wifi，Busway 無，不過當日自己有上網 plan 就唔多需要了，當日需要既係插座，咁靚既旅程影完內籠相就手機/相機齊齊無電



穿越一個又一個小鎮，風景睇極都未完；其實去到 Peterborough 後應該可以用翻張飛再搭兩程車屈落 Cambridge 搭下 Busway
(前一日朝早先由 Coventry 用 DayRider Gold 走馬看花經 Rugby、Northampton 夜晚到 Leicester，相信由 Northampton 買飛搭到 Cambridge 都可能得，不過當日另有要事就唔再兜落去)


當日都唔知穿越幾多呢種無乜商業中心/辦工室、無大學、中小學都唔多間、自成一角既小鎮，相中棟古樓遠睇好似舉緊中指


呢張相已經夠顯示晒 E200/E300 殼以外 Stagecoach 最常見既低地台巴士外貌咁濟，只爭 Plaxton Pointer
呢度應該係 Wellingborough 附近，最衰當日相機、手機齊齊無電，影唔到呢區既私牌路線牌顯示
各處鄉村各處例，唔同地方巴士各有表示私牌既方式，攪牌年代就係數字攪高/低半格，電牌年代數字牌好似係打 P/KMB (九巴)、"新巴/NWFB/0"、
"CTB/C/P/9999"、"A (例如 First Norwich)"、"NIS (例如 Stagecoach Exeter)"、"0/000" (部分 Stagecoach 地頭)、呢度無睇錯係一架巴士圖案黎
(至少呢度、Cambridge、Exeter、Leamington Spa 私牌都唔係寫 A 或者 P，呢幾度分別有路線因歷史問題而以英文字為路線稱號，再用英文字母會混淆)






風景望過不完；N230UD 已經比 ISBe 既 E400 Trident 好力，但仍然唔夠高速同斜路用，無論 Busway 定呢部金車都係得 5 波，而且力不從心
近代少少既 ZF Ecomat 4 波箱 Scania 波箱模式調較過，呢部金車就好似城巴部 8900 一樣 1波油壓直結好順滑，Busway 個架就好似九巴 ASU 咁 1油 1直會猛力一 chok




翴
去到呢個好似唔知邊度偏遠山區中既小鎮，成條街想搵亞洲人都無個，但竟然都有間寫中文字既餐廳，同埋下一站就係巴士廠同埋 EM train 某車站隔離 (三樣野都不在圖中)
無考究過呢三部車係邊個擁有，不過睇落咁有 Stagecoach 味道加埋藍內籠、司機制服都走唔甩



好似普通英國馬路




行行下就到左呢 d 行人都無多個既古老小鎮，商店、學校都無乜，懷疑有幾多人長住係度，但度假就一流



技術同器材無電問題，只偶爾開到機影相，呢張唔算最靚，呢段路再行會有高低起伏，好似過山車咁，兩邊都係呢 d 田，可惜等唔到去到最高著兩邊望到盡都係呢 d 田時候影相



搭左兩三粒鐘，係 Peterborough 逛下之後起程返 Norwich，搭圖中個種舊版圓碌碌 B9TL，即樓主個種，單程 £8



一諗起 £10.8 坐左夾埋 4 個幾鐘 Stagecoach 梳化椅 (有 DayRider 鍾意可以唔走再狂搭 Stagecoach)，再俾 £8 再搭 3個幾鐘 First 得呢種凳就真係
好比搭完城記 2700 再搭 3601 咁，似乎 Stagecoach 同 First 對"豪華"既認知相差好遠



英國中小型巴士真係無處不在，好多小鎮想搵部的士睇下都難，但只要有巴士既地方幾乎一定有 Solo/Dart 其一或者二



呢種 "3601" 凳全車設有安全帶，椅背後面個白色 logo 就係講緊呢樣野；英國巴士/客車係以此區分，
頭先個 d 靚車鎖 60mph 以下、無安全帶係巴士，呢 d 薄到無得再薄既絲絨衰凳有安全帶就叫客車，最高限速可以有 62mph



不過幾張相之間出面就大雨成咁 (幾粒鐘後落車又無晒雨)，加上 D9B260 引擎 x Ecolife 波箱配上舊版圓碌碌車身無想象中咁好跑
新版圓碌碌 B9 輕到長期極低轉都好好去，舊版 B9 表現只相當於九巴 AVBWU 咁，即使係 B9R 客車，跑 62mph 都無乜推背感，同 B12 B13 爭得遠


X4 同 X1 分別就係將朝早個程 X7 拆開黎享受，X4 攀過一座又一座山、田，一望無際，經過一堆堆小鎮，古老到直頭覺得好似去左幾十年前咁
X1 係一大堆好似大窩西支路咁上下既公路，都經過好多鎮仔，不過係幾多人住但無乜商業活動無乜大專院校既城市仔，又別有一番風味
搭足三粒幾鐘 X1 先到 Norwich，無廁所真係一大問題


www.scenicbritainbybus.com/bus.pdf
間接提及過 X4，可以見到早年重係 ALX400 蠆，睇落內籠應該都係市區版，但有張係山谷影著部 X4 係山脊行過真係靚到絕
而內文提到中部以上既地區亦有提及樓主個間公司既 Yorkshire Coastliner


[ 本帖最後由 HW8373 於 2012-12-26 02:17 編輯 ]

原帖由 HW8373 於 2012-12-26 03:50 發表
騎劫先！4 月中由英國東邊打橫遊過一次中部，搭到人都癲晒，只計 4 月 21 日，搭左五程車，唔計最後一程係搭返屋企，
一共搭左 £23.8、車程 8 個半鐘、300 公里以上，將英國新款巴士大致搭勻


http://i867.photobucket.com/album ...

真係大開眼界
唔睇過你d相都唔知原來Leicester個St Margret 巴士站既外面翻新過
講開又講
o係英國遊巴士河真係好抵
d風景又靚
又冇香港咁多人
整體既感受比香港搭巴士体閒好多
唔知HW8373兄下一個遊河目標會係邊?

Stagecoach的Dayrider Gold的確是抵，但先決條件要好像HW8373兄這樣熟讀各郡巴士線
網絡和時間表，預早計劃好路線，雖知英國不少跨市鎮路線班次都是一小時一班或更疏，而
且有大量短途班次，要由一個鎮坐到幾十里外的另一個鎮並非易事。

記得以前Dayrider Gold還有星期日優惠價3.25鎊(約四年前)，但買過一次覺得甚為搵笨，皆
因很多小鎮路線星期日停駛，最記得那次在Coventry坐了一程86去Rugby town centre，下車
後逛了一會只見鎮內循環線有車行，還要開半小時一班，結果逛了一個小時便坐回同一部86
(那部車最完一個單86要攝一轉3再跳回86)回Coventry。

原帖由 ML29 於 2012-12-26 12:30 發表
Stagecoach的Dayrider Gold的確是抵，但先決條件要好像HW8373兄這樣熟讀各郡巴士線
網絡和時間表，預早計劃好路線

真係聽見都有少少羞愧


其實 Dayrider Gold 正係年半前想去追 ex-CTB 哈哈笑 B6 時，閣下回文提及用呢張飛最抵玩
只可惜當日 (11 年 3月 5日) Stagecoach Warwickshire 一、二手 B6LE 剛好全退
當日好似係 £7-8 咁上下，搭 86 由 Coventry 去 Rugby，然後發覺中伏，不過時為星期六，比你好運少少，仍然有其他車搭
搭左架初版 E300 行 63 去 Leamington Spa 附近，再搭左架 E400 N230UD 行 X17 落 coventry，夜晚走之前用翻張 Dayrider Gold 搭 48 去 Nuneaton 追翻部火車返歸


食過翻尋味，今年 4 月中其中就因為"恃著" Stagecoach 官網有成個 network 地圖同時間表可以隨時下載，就無特別計劃行程之下即興遊河
遊遊下風景太靚唔知時日過 (一時唔習慣四月中夜晚七點幾重未天黑，原來周圍已經準備開尾班巴士)
最後搞到成晚係 Peterborough 火車站同巴士站之間遊盪同僵坐火車站出面等第一班火車，凍到唔理目的地同價錢 (好彩係 rail card 價 £20 以內落倫敦) 不過就搞到陣腳亂晒


(再之前一晚亦已經因為貪平買通宵火車飛，誤以為車站休息室可以有暖氣過夜，最後因為車站凌晨要閂門兩個半鐘做例行保養工作
好彩撞到一個剛好又係搭清晨火車但早到幾粒鐘既黑人，傾著偈圍著 Ipswich 火車站兜圈免凍死，估唔到平均 -2 - 4 度日子連續係戶外過夜兩晚 )


旅程第二晚係 Peterborough 搵到間 Asian Buffet 盡量食飽少少坐到收鋪咁濟，可能因為呢度無知名大學關系，無亞洲人既地方因此唐餐特別難食，只得間鋪高檔
而半夜三更唔知邊度有班 high 大左既鬼係度周圍行，有少少驚一枝公揹著電腦會有危險，於是返回火車站、巴士總站附近影相，攝於 Peterborough 市中心巴士同火車站之間既一座地標吊橋





幾日後，旅途最後一站，又返到 Peterborough，不過拍攝時為星期六下晝，陽光普照，成個鎮仔人來人往，周圍都好靚
巴士總站見到新出牌半年既 Wright Streetlite，估唔到該星期內經過幾個大城市，最後反而係 Peterborough 見到呢隻新車
車站人來人往，而且只可以隔著玻璃影，當日站內重有一對老夫婦 (不在相中)，個阿伯成個大細路咁渣著相機逐架巴士影，
當日自己第一次見到咁老既行家，相信佢或者都從未試過係 Peterborough 見到後生暨 Asian 影巴士，大家四目交投左幾秒各自都好驚喜好似見到 ET 咁



講起係英國影小巴，以前 Norwich 成日有呢種豬頭 Benz 不過見親都無帶相機或者炒相；今年 2月同朋友落 Plymouth 玩，天寒地凍手震震影到炒晒


影細車炒，影大車都炒，睇佢散熱網放左邊，估計係 East Lancs 之類車身既 Trident


技術欠佳，影中型巴士都炒，不過炒極大家都可以見到中門改過既明顯痕跡，Plymouth 應該係現時最集中可以見到大量前新巴 20xx 既地方，40039 係 2074


全日影親既巴士都係炒相，對面線係長 Dart、近鏡係短 Dart，清楚見到車頂個部十世無開過既冷氣機，話唔定得翻個殼


另一個影到 ex-20xx 既城市係 Portsmouth，可惜兩個半月前同樓主去過，因為已經黃昏，只見到一部都影唔切，只係影到酒店樓下部 E300
Portsmouth 睇落係少數有 First / Stagecoach 各佔一定份量既城市，如果好彩的話，呢一年內好似係有機會係呢個城市內影到 ex-20xx 同埋 ex-142x (不過而家 Portsmouth 個部可能退埋 )



更估唔到係 First 呢 d 大公司重有呢類豬頭舊車未退，當日入黑後重見到應該係低地台版 Marshall 車身 Dart
當日就係樓主近年其中一次英國遊最後兩日南下落黎南部海邊，只可惜 Portsmouth 食到間比 Peterborough 更高檔、更貴但更唔合 Asian 合味既中餐，樓主都係識食之人，當日好似唔小心帶左佢入黑店咁



個兩日分別係兩個幾月前去左 Brighton 同 Portsmouth
英國似乎幾興咁樣拖巴士法，以前 Norwich 見過唔止一次，只可惜得閒見到時影影下俾自己隻手遮著左而索性停止拍攝
http://youtu.be/xbdIiihzeoo?t=49s
部車係 Plaxton President 三叉戟，望落好似比上面部 East Lancs 樣衰怪高同窄，顯得部巴士車頭升得高少少咁

原帖由 ME 於 2012-12-25 22:42 發表

整體既感受比香港搭巴士体閒好多
唔知HW8373兄下一個遊河目標會係邊?

英國遊巴士河的確幾散心，最鍾意都係對條線一知半解之下 (唔理班次，只知道沿途風景優美同埋有回頭車搭返出去) 跳上車冒險


鬼仔乘客無家教起上黎可以好混帳，一年前係 Norwich 放學時間由市中心搭巴士，有兩個鬼仔全程高談闊論句句粗口
重成日企起身拍打車窗指罵街道上過馬路過得慢阻著佢地架巴士前進既途人，全車乘客 (Norwich 係個好得意既城市，本地人以退休同剛生仔家庭為主) 為之側目
上一個回覆我搭個部金色 N230UD 影完車尾相，去到中途個無乜人既小鎮後見坐車頭既乘客終於落車，點知係走廊行上前時行慢一步，跟中幾個十零歲鬼仔
佢地幾個匆忙落車前將罐 500mL 飲淨一半既汽水倒滿成條走廊然後先落樓梯，搞到要跨過晒成大灘汽水跡先去到車頭，好彩之後部巴士係田野間高低起伏既過山車旅程中個灘汽水無再向前後左右擴散開去


估唔到係英國既時間咁快得翻年半 (不過相信將來會盡一齊辦法移民英國，英國實在太吸引)
未來半年學業繁重，只好近近地去西南邊至倫敦以南一帶，睇下有無機會搵到最後一兩架 ex-CTB 142x，或者去白撞下睇下有無地方望到砌好既香港巴士上船
不過至少應該一定會抽空去遊下樓主個條線，順便去下 Sheffield 影下前香港三軸巴士校巴、去下 York 之類睇下有無機會去博物館影到 Guy Wulfrunian 都好

[ 本帖最後由 HW8373 於 2012-12-28 18:50 編輯 ]

RE HW8373

我好喜歡最尾張相
唔知架Omnidekka係咪重成咁
要2架拖車先拖得郁!
講開又講
o係英國住左咁耐
間中都會遇到d好似你所講既yobs
句句粗口不在講
仲好多時o係巴士度食煙tim

原帖由 ME 於 2012-12-29 04:16 發表
RE HW8373

我好喜歡最尾張相
唔知架Omnidekka係咪重成咁
要2架拖車先拖得郁!
講開又講
o係英國住左咁耐
間中都會遇到d好似你所講既yobs
句句粗口不在講
仲好多時o係巴士度食煙tim ...

英國巴士司機邊開車食煙都見過
回Volvo 兄
我上次搭真係搭到中途入廠休息個陣要借廁所用!

原帖由 HW8373 於 2012-12-29 02:42 發表


真係聽見都有少少羞愧


其實 Dayrider Gold 正係年半前想去追 ex-CTB 哈哈笑 B6 時，閣下回文提及用呢張飛最抵玩
只可惜當日 (11 年 3月 5日) Stagecoach Warwickshire 一、二手 B6LE 剛好全退
當日好似 ...

哈哈，我也差點忘了是我教人買Dayrider Gold，不過的而且確坐Stagecoach最抵玩是用它。
看到你比我更懂得善用這張票，我深深感到佩服。

沒記錯的話當年(2008年)Dayrider Gold還是賣6.5鎊，後來好像加過去7.1鎊，不過怎樣計也是抵，
記得第一次坐16去Stratford就是戇居居地給4.3鎊買單程票(當年我多數坐NX，較少坐Stagecoach)，
回程時好心的司機教懂我買Dayrider Gold，以後知道這才是最划算。

記得那時還有一張叫Dayrider Gold for 3更「屈機」，12鎊可以給三個人用，覆蓋範圍與Dayrider
Gold無異，後來有次與五個朋友一起去Warwick/Stratford玩，剛剛好買兩張Dayrider Gold for 3便
行，那時朋友才驚覺有「隱世寶物」。