「世越號」事故審訊下月宣判

https://hk.news.yahoo.com/%E4%B8%96%E8%B6%8A%E8%99%9F-%E4%BA%8B%E6%95%85%E5%AF%A9%E8%A8%8A%E4%B8%8B%E6%9C%88%E5%AE%A3%E5%88%A4-095500302.html

南韓客輪「世越號」沉船事故，法院進行最後一次審訊。法庭尚未作出判決。消息指，初審宣判將於11月第3周進行。
「世越號」船長李俊錫和14名船員，早上被帶到光州法院出庭受審，死難者家屬亦到場旁聽。
檢方認為船長未能盡職盡責，造成多人遇難，要求法院對68歲的船長李俊錫判處死刑，要求法院判處大副姜某、二副金某、輪機長朴某無期徒刑，判處其餘船員15至30年有期徒刑。
檢方表示，船長李俊錫作為「世越號」總負責人間接製造了這宗事故，且違反了《船員法》規定的船長應最後一個離開船舶的相關規定。另外，在進行要求乘客呆在船內的廣播後李俊錫沒有採取任何救援措施或進行相關努力，在離開船舶後也沒有進行任何救援。
船長及另外3名高級船員被控謀殺罪，指他們疏忽，事發時未有保護乘客，控方要求判處死刑，其餘船員被控疏忽職守。
「世越號」於4月沉沒後，當局至今找到近300具遺體，仍有10人失蹤。

我自己都覺得船長應該判處死刑, 幾百條人命俾佢無辜害死, 咁既人判佢終身監禁都哂資源哂米飯, 就算死幾百次都挽救唔返幾百個幸福家庭.

睇見歲月號裡面D學生用手機錄住自己等死, 係度絕望哭叫既片段, 真係悲慟心酸到不得  盼望佢地係天國獲得永生.

典型權威社會在無能力的人之下的結果....

同大韓以前D空難一樣....其實根本問題係國家主導的思想做成....

原帖由 DGCNYO 於 2014-10-29 00:10 發表
典型權威社會在無能力的人之下的結果....

同大韓以前D空難一樣....其實根本問題係國家主導的思想做成....

好多國家都係咁架啦，
講真，如果個船長／船員唔係第一個走佬我估佢唔會有事。
始終呢單都係意外，但有人怕死仲要叫人留起船入面，自己就走先的話就真係好那個。

一線之差，一係就大英雄，一係就大罪人，
有人要揀做罪人冇人幫到佢吧。

最大問題係, 沉船仲留係個船艙入面根本就係等死, 人類唔係水中生物, 係水中根本無可能生存. 就算船艙未完全入水, 氧氣耗盡一樣玩完. 而且搜救人員自己本身都要氧氣樽, 上水前仲要做減壓, 根本好難可以救到人, 何況仲係幾百人?

船長叫人留船艙真係同謀殺無乜分別, 如果一早命令所有人逃離船艙, 有救生衣保護下浮係水面或許都仲有D生存機會. 今次沉船都唔係一瞬間沉哂, 中間有好多時間俾人逃生, 但奈何D學生留係個船艙坐以待斃, 到D學生開始驚既時候已經太遲, 水已經淹沒哂成架船, 出到去口鼻入水都一樣死.

[ 本帖最後由 輝(1110) 於 2014-10-29 17:26 編輯 ]

原帖由 輝(1110) 於 2014-10-29 17:25 發表
最大問題係, 沉船仲留係個船艙入面根本就係等死, 人類唔係水中生物, 係水中根本無可能生存. 就算船艙未完全入水, 氧氣耗盡一樣玩完. 而且搜救人員自己本身都要氧氣樽, 上水前仲要做減壓, 根本好難可以救到人, 何況仲 ...

我又覺得呢個係道德上個問題，
雖然船長都係人，但係佢身為船長係有責任去幫所有人離開船艙的。
但而家報導指佢係第一批走得出 o既人，換句話講佢都冇諗過去救人先。

原帖由 AVD1 於 2014-10-30 18:48 發表

我又覺得呢個係道德上個問題，
雖然船長都係人，但係佢身為船長係有責任去幫所有人離開船艙的。
但而家報導指佢係第一批走得出 o既人，換句話講佢都冇諗過去救人先。 ...

都要講，其實這也是一個挑戰權威的問題

韓國主倡儒家思想，高位權力的絕對性真係高香港幾班

常識是站在權力之後的....船長本身都係一個問題，因權力而麻目，出事了卻輕易避責，我唔夠膽話這是儒家社會做成的麻目，令無能力的人都能上位

但顯然未能做到責任心囉...韓國好多好多權威權力之下的事故，真係獲獲都係衰黎堆野

永遠都係權力人士搞出黎，明知有問題，但又受傳統儒家思想，被逼收口，跟著就無了，飛機撞、商場倒，咩都有.....

最致命如果有能力，事後仲會企圖收埋事實，因為權力只需信任，出左事只要未通天，都要保衛權力，因為你無權挑戰....

正所謂韓國好簡單，你大人2歲，你就食得住佢....權威、權力、地位，簡直不能挑戰....黎D事好難唔重演，個人覺得....

原帖由 DGCNYO 於 2014-11-1 00:56 發表

都要講，其實這也是一個挑戰權威的問題

韓國主倡儒家思想，高位權力的絕對性真係高香港幾班

常識是站在權力之後的....船長本身都係一個問題，因權力而麻目，出事了卻輕易避責，我唔夠膽話這是儒家社會做成的麻目，令無能力的 ...

社會階級呢個問題全世界都有，唔係得一個韓國，
只係韓國個社會個認受性係以年資／年齡為依歸。

當然西方國家個階級觀念多數在於佢地個成就、學歷上面，
呢個睇落好似比較公信性，但係有時候年資小經驗唔夠又真係一大隱憂。

所以呢，呢個世界冇樣野係十全十美。

今日最新消息:
船長最後只判監36年  
當局真係太輕, 害死幾百人都仲可以俾佢有重見世面既一日(如果佢仲有命)