fusion有fusion的好處啦, 例如好多由外地專門入口的產品, 可能知名度比較低, 往往被顧客忽略, 一段時間後(未必接近最佳食用日期, 可能只想清倉), 就會來一個大特價, 本來賣二三十蚊嘅貨, 幾蚊就有交易, 比平時買開嘅牌子平幾成都有, 通常出現喺食品/食物上, 要知道件貨係點用法, 全靠食物標籤, 睇得明賣得啱, 當試新嘢, 而且真係慳好多.
要買普通貨, 上網大手入貨, 跟百佳超市價錢, 件貨係倉直接開出嚟, 買啱數量成箱送嚟, 未開封保證最佳狀態.
marketplace by jasons啲貨堅貴, 佢叻到樣樣同你算死草, 即可能惠康賣$13.9, 佢會賣到$15.2, 惠康賣$39.9/3件, 佢就賣17.1/1件, 幾乎可以話無一倖免, 有時特價都冇情講.
另外, 惠康鮮貨呢幾年拋離百佳越來越遠, 無論係牲畜 禽類定海產, 瓜果還是蔬菜, 鮮肉食材抑或已經醃製好, 全線鮮貨都可以比百佳貴幾成, 最弊連冷藏都唔夠百佳爭. 可能誠哥已經壟斷到一個點, 連牛奶公司都唔係佢嗰皮.
去惠康買梳蕉冇幾何係$4/磅, 百佳日日海鮮價, 通常由$3.9-$5.8/磅都有, 視乎你撞唔撞得啱日子, 以為街市仲抵咩, 又好似真係百佳最抵喎, 不過最抵唔=靚.
不過有啲嘢始終超市唔夠人鬥, 就係日用品, 只要附近藥房有得賣, 一定係幫襯藥房買, 但係新發展地區或屋苑好似唔多見藥房(唔係屈字頭/萬字頭嗰種), 焗住去超市買貴幾成, 焗焗下變成習慣就以為日用品好貴, 其實只係假象, 但佢地喺冇得比較之下, 一直買貴咗都唔知.
新屋邨可能仲有機會有濕貨街市同蔘茸西藥房, 買私樓附近冇公屋商場街市就係咁先, 要預咗一世買貴嘢. |
樓主
