復康巴士載客嚴重不足、3條路線冇人搭 車長態度差

個人認為復康巴士服務質素有待改善

殘障人士外出往往遇到不少挑戰。本港目前有兩間營運商提供復康巴士服務，部分巴士路線更不需要預約，符合資格的人士只要在指定巴士站等候，便可以2元乘車。然而由於宣傳不足，知道有關服務的市民不多，載客量嚴重不足，被質疑浪費公帑；甚至有乘客投訴復康巴士的車長態度惡劣，曾遭受歧視。

「如果我真係四肢健全或者可以上到普通巴士嘅話，我都唔會浪費咁多時間等車，仲要等你兜唔同醫院先返到屋企。」Amy（化名）患有先天性大腦痲痺，需要以輪椅代步，平日上班會乘搭預約的復康巴士，但如果去醫院覆診或去探望家人，就要乘搭不需提前預約的穿梭復康巴士。

惟約兩個月前，Amy如常乘搭穿梭復康巴士，但遭車長怪責她不坐早一班車。「佢開尾板俾我上車，隱約聽到佢講『嘩！乜你又咁夜呀」，到我落車時候佢幫我解開安全帶，喺升降板降落地面時，佢又講多次『你下次早啲，早一班車都好呀，次次都搞得咁夜』。

不過早一班車幾乎要提早一小時，Amy逐反駁道：「我話早一班車，我未返到黃大仙，搭唔切。佢答『咩搭唔切呀，你知唔知呀，你呢班車係冇人搭㗎，呢幾次俾你咁搞一搞，我遲咗40分鐘先收工』。Amy指，自上車到下車車長不斷重覆抱怨，當時已經很憤怒，更要被對方怪責，對此感到委屈。她續說，平日乘搭復康巴士亦不時遇到態度差的車長，由於收費機擺放在一角，上車後只能靠車長幫忙拍卡，「佢哋綁安全帶時，已經用接近呼喝嘅語氣嗌『攞八達通出嚟』。」

Amy遂先後向運輸署及涉事復康巴士營運商投訴，然而只收到兩者統一的回覆，指涉事車長認為在入黑後難察看路面情況，在駕駛時需減慢車速因而會進一步延長行車時間，故建議對方在可情的情況下改乘前一班車。發言人又指，雖然車長的建議本或出於好意，不過巴士公司在檢視個案後認為車長不應對乘客提出有關建議，已就此對涉事車長作出紀律處分，及加強全體車長的培訓。

「善唔善意，我都仲分得清楚，同埋佢封信嘅回覆同車長當日講嘅嘢完全係兩回事，係咪所有復康巴士一天黑就可以唔使行車？」Amy直言運輸署及營運商的回覆非常不合理、難以理解，認為是完全扭曲當日發生的事情，亦不尊重其遭遇。

開設香港無障礙交通資訊群組的John表示，自己曾任職涉事復康巴士營運商的車長，因此了解該公司的運作模式，相信今次事件並非個別班次或人員問題，又認為整體服務營運商表現欠缺妥當，而運輸署責無旁貸。

翻查資料，涉事復康巴士營運商在2019年投入服務，今年獲政府1,500萬元資助，提供18條穿梭巴士路線，主要來往醫院或港鐵站等地方。殘疾人士及行動不便的人士基本上不需要預先申請，支付兩元即可上車。

來源: 有線新聞

https://www.i-cable.com/%E6%96%B ... B1%E8%A9%B1/291302/

冠忠不意外

香港人正常表現，正如臨收店舖之前入去食野，夥計都想鬧你。依家尾班車先坐，一上一落要花五至十分鐘搞自動輪椅升降台，個車長想早收都唔得。

建議龍運北區N線嗰位嚴生之流，可以跳槽過去