點解口岸路線冇機場路線咁多?

搬機場之後, 再加上路線重組,
全港大部份市區都有機場線.

皇崗就話旅遊巴做過境直通,
唔需要開落馬洲出市區o既專利線,
羅湖同福田有港鐵接駁,
文錦渡, 打鼓嶺, 沙頭角係舊口岸, 少人用,
咁最新o既深圳灣,
依家可以做到頂閘返屯門元朗o既,
但係坐直巴返市區o既又唔多, 因為落車點唔就腳,
咁點解唔開深圳灣直達香港市區o既專利線?

係會有唔少人轉鐵路往返市區,
不過如果佢地轉巴士, 就會同市鎮o既客迫埋同一架車.

睇見皇崗直巴o既成功,
就覺得深圳灣開市區專利線, 可以做到機場線咁o既客量.

原帖由 053h4 於 2008-6-30 22:57 發表
落馬州因禁區環保問題唔能夠有太多車是表面原因,
主因是保護直巴同港鐵利益

一來啦,
二來香港政府同深圳政府一向都不太投契,各懷鬼胎,
政府根本唔想太多人太方便地去到深圳,
前幾年更曾有過開徵陸路離境稅,
又點會批准開得多線.....


睇下香港往返深圳的交通,
比起路程相若既新加坡誇國境去馬來西亞更貴.

機場都有港鐵, 卻可以公平競爭...又唔見政府保護機鐵...

應該係政府一直的意識, 覺得走陸路返大陸的人都係回鄉探親而已, 並不會刺激香港發展
所以唔需要咁完善的交通配套

原帖由 ksmbh 於 2008-6-30 23:11 發表


二來香港政府同深圳政府一向都不太投契,各懷鬼胎,
政府根本唔想太多人太方便地去到深圳,

究竟係港深兩地一向都不太投契,各懷鬼胎, 導致路不通?
定係根本路不通, 令人覺得港深兩地一向都不太投契,各懷鬼胎?

似係有雞定係有蛋先的例子

首先離題少少講羅湖口岸。
羅湖口岸之所以多人，
有個深圳火車站同佢互助互惠真係好重要。
一個羅湖其實係做足哂香港上深圳、東莞、廣州嘅客。
皇崗都好近深圳市中心，但已經明顯比羅湖少人。

引申出來，我自己諗法係：
其實齋做港深唔係幾夠客，
再加上深圳灣對香港同深圳其實都係好格攝，
就算開到線去香港各地都唔會有太多客去支持。
呢樣嘢，同過境收幾錢無乜關係。

[ 本帖最後由 238X 於 2008-6-30 23:37 編輯 ]

原帖由 barking 於 2008-6-30 23:19 發表



究竟係港深兩地一向都不太投契,各懷鬼胎, 導致路不通?
定係根本路不通, 令人覺得港深兩地一向都不太投契,各懷鬼胎?

似係有雞定係有蛋先的例子 ...

好似深圳灣咁,
有心開開多一條出旺角,tst,一條出中環,灣仔,銅鑼灣都得啦,
又好似沙頭角咁放條78K入去,
批沙巴係市區增加上落客點專做市區客,
都已經方便下往來兩地居民.